//UNICODE//
အခန်း 42 - နားလည်မှုလွဲမှားခြင်း 1
အဆင်ပြေပါတယ်?
စုလင်း သက်ပြင်းချလိုက်မိပြီး
"ခင်ဗျား ကိုယ့်အသံကိုယ်လည်း နားထောင်ကြည့်ပါဦး။ အဲ့ဒါက အဆင်ပြေတာလား? ခုကရော အပြင်ထွက်မလို့လား?"
ကုလီဟန်က ဝတ်စားပြင်ဆင်ထားပုံက အိမ်မှာပဲ နေမည့်ဟန်မပေါ်ချေ။
ကုလီဟန် ချောင်းအနည်းငယ် ဟန့်လိုက်သည်။ သို့သော် သူ့အသံကို ပိုပြီး သဘာဝကျမလာစေပေ။
"အမ်း ခဏနေမှ သွားမှာပါ ဒါပေမဲ့ အထဲဝင် ဧည့်ခန်းထဲမှာ ခဏနားဦး"
စုလင်း ဧည့်ခန်းထဲလျှောက်လာကာ တစ်ချက်ကြည့်လိုက်သည်။ သူ ပန်းအိုးထဲမှာ ယမန်နေ့က ထိုးထားခဲ့သည့် နှင်းဆီတို့ ခြေရာလက်ရာပင်မတွေ့။ သို့သော် စုလင်း ဘာမှ မမေးဘဲ ယနေ့ယူလာသည့် ပန်းတို့ကိုသာ ပန်းအိုးထဲ ထိုးလိုက်သည်။ ထို့နောက် ကုလီဟန်ရဲ့မျက်နှာကိုကြည့်ကာ
"ကျွန်တော်တော့ ခင်ဗျား နည်းနည်းလောက်ပိုအိပ်သင့်တယ်ထင်တယ်။ အပြင်ထွက်တာ ကောင်းတဲ့ရွေးချယ်မှု မဟုတ်ဘူး"
ကုလီဟန် စုလင်းကို ပြန်ကြည့်ကာ နှုတ်ခမ်းပါးတို့ကို တင်းတင်းစေ့မိလျက် အသံနိမ်နိမ့်ဖြင့်
"ရပါတယ်"
စုလင်း နူးညံ့စွာ မေးလိုက်သည်။
"ကိစ္စတစ်ခုခု ရှိလို့လား?"
ယေဘူယျအားဖြင့် ကောင်းကောင်းအိပ်မပျော်နိုင်ခြင်းက ရုပ်ပိုင်းဆိုင်ရာ ဒါမှမဟုတ် စိတ်ပိုင်းဆိုင်ရာ ပြဿနာဖြစ်နိုင်သည်။
အဲ့ဒါကို ဘာလို့ သူက အခု အပြင်ထွက်ဖို့လုပ်နေရတာလဲ?
ကုလီဟန်ရဲ့လေသံတွင် ခံစားချက်တစ်စုံတစ်ရာမရှိဘဲ ပြန်ဖြေသည်။
"ဘာမှ မရှိဘူး"
စုလင်းအလွန် အကူအညီမဲ့သလို ခံစားရသည်။ တစ်ဖက်လူက သူ့ချစ်သူဖြစ်နေရင် သူက လက်ကမ်း၍ ပွေ့ဖက်ပေးလို့ရသည်။ ယခုမူ သူ(GLH)က ဘာမှ ထပ်မပြောချင်တာသိသာလှသည့်အပြင် တစ်ခုခုပြောမိမှာကိုပင် ရှောင်ကြဥ်နေသလိုဖြစ်ရာ စုလင်းလည်း ဘာမှမတတ်နိုင်ပေ။
YOU ARE READING
ဥက္ကဋ္ဌကြီးရဲ့ အိုမီဂါဇနီးလေးအဖြစ် ပြန်လည်မွေးဖွားခြင်း
Fantasy▪️Title - Rebirth to become the president omega's wife ▪️Associated name - 重生豪门总裁的O妻 ▪️Original Author - Hanmen Yatou( 寒门丫头) ▪️English Translator(s) - Isohungry Translations ▪️Original Publisher - JJWXC ▪️Year - 2019 ▪️Status in COO - 87 Chapters (C...
