Chapter-2 Not everyone thinks this kind of love is good
-Mark Masa-
"Hey မင်းနိုးလာပြီလား "
အခန်းထဲကအသံလာရာနေရာကိုလှမ်းကြည့်လိုက်တဲ့အခါ နာကျင်မှူတစ်ခုကကျွန်တော့်ခန္တာကိုယ်တလျှောက်စီးဆင်းသွားတယ် တစ်ကိုယ်လုံးစုတ်ဖြဲခံထားရသလိုမျိုးအောက်ပိုင်းကတော်တော်ကြီးကိုနာနေတာ မနေ့ညကဖြစ်ရပ်တစ်ခုချင်းစီကပိတ်ကားပေါ်ကရုပ်ရှင်တစ်ခုလိုမျိုးကျွန်တော့်အာရုံထဲမှာပေါ်လာတယ်
ကျွန်တော်သူနဲ့တစ်ခုခုလုပ်ခဲ့တယ်
ပြီးတော့ ကျွန်တော်ကအလုပ်ခံရတဲ့သူ
တံခါးမှာမှီရပ်နေတဲ့သူကိုကြည့်နေရင်းနဲ့ကျွန်တော့်ရဲ့ခံစားချက်တွေကရောထွေးနေတယ် ကျွန်တော့်ကိုအားရပါးရပြုံးပြနေတဲ့သူကိုကြည့်ပြီးဒေါသထွက်တယ် မနေ့ညကလူမှန်းသူမှန်းမသိမူးနေခဲ့တဲ့ကိုယ့်ကိုကိုယ်လည်းဒေါသထွက်တယ် ကျွန်တော့်ကိုမကြိုက်တဲ့အတွက်ကြောင့် P'Barကိုလည်းဒေါသထွက်တယ်
" အိပ်ရာကနိုးလာပြီးငိုယိုမနေဘူးဆိုတော့ ကောင်းသားပဲ မနေ့ကဘာတွေဖြစ်ခဲ့လဲဆိုတာကိုမှတ်မိတယ်မလား "
သူကအိပ်ရာဘေးဆီကိုလျှောက်လာရင်းနဲ့ဂရုတစိုက်မေးလာပေမယ့် ကျွန်တော်သူနဲ့အကြည့်ချင်းလွှဲပစ်လိုက်တယ်
သူ့မျက်နှာကိုမြင်လိုက်ရတဲ့အခါမှာ မနေ့ညကဖြစ်ခဲ့တာတွေက ကျွန်တော့်အာရုံထဲမှာမရပ်မနားပေါ်လာတယ် နာကျင်ရလွန်းလို့ငိုခဲ့ရတာတွေ မျက်ရည်တွေစိုစွတ်နေတဲ့ကျွန်တော့်မျက်နှာ နောက်ဆုံးတစ်ခုကတော့ ပျော်နေတဲ့မျက်နှာအမူအရာနဲ့သူ
ကျွန်တော်တို့နှစ်ယောက်လုံးပြီးသွားတော့ သန့်ရှင်းတာတွေဘာတွေလည်း ကျွန်တော်ကိုယ့်ဘာသာကိုယ်လုပ်ရတယ် အရမ်းကိုပင်ပန်းနေလို့ သန့်ရှင်းရေးလုပ်ပြီးတာနဲ့ တန်းပြီးတော့အိပ်ပျော်သွားတာ ကိုယ့်ကိုကိုယ်ဘယ်လိုသန့်ရှင်းခဲ့သလဲတောင်မမှတ်မိတော့ဘူး အရမ်းကိုပင်ပန်းလို့အိပ်ချင်နေတာမျက်လုံးကိုတောင်မဖွင့်ချင်တော့တဲ့အထိပဲ
ဒီနေရာကဘယ်နေရာလဲဘယ်သူ့အိပ်ခန်းလဲဆိုတာကိုတော့သေချာမသိပေမယ့် ခန့်မှန်းရမယ်ဆိုရင်တော့ ဒါသူ့ရဲ့အိပ်ခန်းပဲဖြစ်လိမ့်မယ် မနေ့ညကဘားကနေဒီအထိကိုတရွတ်တိုက်ဆွဲခေါ်လာခဲ့တဲ့မှတ်ဉာဏ်အချို့ကရှိနေသေးတာကိုး