အဓိကဇာတ်ကောင်Shouအဖြစ်မှ ကြမ်းရမ်းတဲ့Gongဘဝသို့ : Myanmar Translation (Unicode)

Part - {37}

မဟုတ်သေးဘူး၊ ကျွန်တော်က ရိုးရိုးရှင်းရှင်း အနမ်းကိုတောင် မနမ်းတတ်တာ မဟုတ်ပေမဲ့ ဒီလိုဟာမျိုးကိုတော့ ရှာကြည့်ရမှာပဲလေ။ အခုက ကျွန်တော့်အတွက် အရမ်းခက်ခဲ နေလို့ပါ။ မနည်းကြိုးစားရိုက်ထားရတဲ့ စာတွေကို ဖျက်လိုက်ပြီး keyboardကို ပြန်ထိလိုက်ပြန်တယ်။

"နမ်းတဲ့နေရာမှာ မိမိုက်နေအောင်"

ကျွန်တော် ဒီအထိတောင် ရောက်လာခဲ့ပြီပဲဟာ၊ အဲ့ဒီ့နောက် ကျွန်တော် ခေါင်းမော့လိုက်ပြီး ပတ်ပတ်လည်ကို တစ်ချက် စစ်ကြည့်လိုက်တယ်။ အီဗန်က ရေချိုးနေပြီး ဒီအခန်းထဲမှာ ကျွန်တော်တစ်ယောက်ပဲ ရှိနေတဲ့အပြင် ဘာကိုမှ သတိထားစရာ မရှိဘူး။ ကျွန်တော် နောက်တစ်ကြိမ်ထပ်ပြီး ပြန်စစ်ကြည့်ရင်း ဘယ်သူမှ မရှိတာ သေချာမှ keyboardကို ပြန်နှိပ်လိုက်တယ်။ လင်းကျင်းနေတဲ့ ဖုန်းမျက်နှာပြင်ပေါ်မှာ ပေါ်နေတဲ့ မျက်စိရှက်စရာ စာလုံးတွေကြောင့် အာခြောက်ပြီး တံတွေး မြိုချလိုက်ရင်း searchဆိုတဲ့ ခလုတ်ကို နှိပ်လိုက်တယ်။

တစ်ချိန်ထဲမှာပဲ ထူးဆန်းတဲ့ ပုံရိပ်တွေက မျက်နှာပြင်ပေါ်ကို ရောက်ရှိလာတယ်။ ကျွန်တော် လုံးဝ မကောင်းတဲ့အရာတစ်ခုကို လုပ်နေမိသလို ခံစားရတယ်။ ကျွန်တော်မကူးပြောင်းလာခင်တုန်းက ဘယ်လိုစိတ်ကြောင့်များ BLဝတ္ထုတွေ ဖတ်မိပါလိမ့်? မတွေးမိ၊ မမြင်ယောင်မိဘဲ ဖတ်တာနဲ့ ကျွန်တော် လုပ်ရတော့မယ်လို့ တွေးမိတာနဲ့က မတူကြဘူးလေ။ နမ်းတာလေးပဲ ဆိုရင်တောင်။

အသက်ပြင်းပြင်း ရှူသွင်းလိုက်ပြီး မျက်လုံးအကြည့်တွေက တဖြတ်ဖြတ်နဲ့ ဟိုဟိုဒီဒီ လျှောက်ကြည့်နေလိုက်တယ်။ လက်တွေက တုန်နေပြီး အောက်ဖက်ကို ဆွဲကြည့်လိုက်တယ်။

ဂျီ~~

"ဝါး!"

ဖုန်းက ရုတ်တရက် တုန်ခါလာတာကြောင့် လက်ထဲကနေ လွတ်ကျသွားတယ်။ ကျွန်တော်လည်း လန့်သွားပြီး အော်တောင် အော်မိသွားတာ။ အီဗန် ကျွန်တော် အော်လိုက်သံကို ကြားလိမ့်မယ်လို့ တွေးမိပြီး ရေချိုးခန်းကို ကြည့်နေရင်းနဲ့ ဖုန်းကို သတိထား ကောက်လိုက်တယ်။ ဖုန်းမျက်နှာပြင်မှာ 'စာတို' နဲ့ 'ကာမန်'ဆိုတဲ့ စာလုံးတွေကို မြင်လိုက်ရတော့ ကျွန်တော့်ကိုယ်ထဲက အားတွေအကုန် ယုတ်လျော့သွားတယ်။