အဓိကဇာတ်ကောင်Shouအဖြစ်မှ ကြမ်းရမ်းတဲ့Gongဘဝသို့ : Myanmar Translation (Unicode)

Part - {65}

“အပြင်သွားဖို့ မလိုပါဘူး။ ပြတင်းပေါက်ကနေ မြင်နေရတာပဲလေ”

“…”

“ငါက မင်းနဲ့အတူ အမှတ်တရတွေ ပိုရှိချင်ရုံပါ”

လက်ရှိအီဗန်ပရီစတင် အကြောင်းကို ကျွန်တော် ပိုပြီး သိချင်တယ်။ မူလဟေးလ်ဗာဒီနဲ့ ဆင်တူသယောင် ရှိတဲ့ အီဗန်ပရီစတင်က နည်းနည်းတော့ ကွဲပြားတယ်။ ကျွန်တော် အီဗန့်အတိတ်အကြောင်းကို သိချင်ခဲ့တုန်းကနဲ့ မတူတော့ဘူး။ ကျွန်တော်က တွေတွေဝေဝေနဲ့ ကိုယ့်ကိုယ်ကိုယ် မထိန်းချုပ်နိုင် သေးပေမဲ့ အရင်ကလို လက်လွတ်စပယ် ရှောင်တာမျိုးတွေ မလုပ်တော့ဘူး။

ဘာလို့လဲဆိုရင် အီဗန်က သေချင်ခဲ့တယ်တဲ့လေ။ ကျွန်တော်သာ မရှိရင် သူတကယ် သေသွားလောက်တယ်။ ကိုယ့်မှာ တာဝန်ရှိတယ်ဆိုတဲ့ စိတ်က ဖြစ်ပေါ်လာတော့တာပဲ။

အီဗန်က အနည်းငယ် အံ့သြသွားပုံ ရပေမဲ့ သိပ်မကြာလိုက်ပဲ သူ့မျက်နှာက ဝင်းပသွားတော့တယ်။

“ဒါဆို ကြည့်ကြတာပေါ့ ဟေးလ်”

စားပွဲပေါ်မှာ ရှိနေတဲ့ သော့က ကျွန်တော့်မျက်စိထဲ ဝင်ရောက်လာတယ်။ အီဗန် ဒုက္ခရောက်ခဲ့ရတဲ့ အချိန်တွေကို ကျွန်တော်နဲ့အတူ အမှတ်တရတွေ ဖန်တီးပြီး ဖုံးကွယ်လိုက်ရင် တစ်ခုခုက ကောင်းမွန်လာမလား?

***

တစ်နေ့တာက အေးဆေးစွာပဲ ကုန်ဆုံးသွားတယ်။ ကာမန်ပြန်သွားပြီးနောက် ကျွန်တော်တို့ ဆက်ဆံရေးက အရင်ကထက် ပိုကောင်းလာတယ်။ အမြဲလိုလို တွယ်ကပ်နေတဲ့ အီဗန်က ကျွန်တော်နဲ့အတူ ပူးပေါင်းပေးလာပြီး ကို့ရို့ကားယားနဲ့ ရှေ့ဆက်ကြတယ်။ အချို့သော အကြောင်းတွေကြောင့် ဖွင့်ထားတဲ့ ပြတင်းပေါက် အဟလေးကနေ လေအေးတွေ တိုးဝင်လာတယ်။ ခန်းဆီးတွေကလည်း မနက်တုန်းကထက် ပိုပြီး လှစ်ဟနေတယ်။

ရေရှည်တည်ရှိမဲ့ မိသားစုတစ်ခုအတွက် ဒါက တိုးတက်မှုဆိုရင် တိုးတက်မှုတစ်ခုပဲပေါ့။ အကျဥ်းချခံထားရတာနဲ့ အတူနေကြတာ၊ ကျွန်တော်ကတော့ အဲဒီ့အရာနှစ်ခု ကြားထဲမှာ ရှိနေပြီး တစ်နေ့ကျရင်တော့ ပုံမှန် ပြန်ဖြစ်လာပါလိမ့်မယ်။ ဒါက မျှော်လင့်စရာ မရှိတဲ့ မျှော်လင့်ချက်တစ်ခု ဆိုပေမဲ့ ဘာမှ မရှိတာထက်တော့ သာပါသေးတယ်။