အီဗန်နဲ့ မူရင်းဝတ္ထုထဲက ဟေးလ်ဗာဒီတို့ အကြိမ်ပေါင်းများစွာ ပြောခဲ့တဲ့ စကားလုံးက အတွေးထဲ ရောက်လာတယ်။
“အမြဲတမ်း(ထာဝရ)”
အခုချိန်မတိုင်ခင်လေးကတင် ဒါက အချိန်နောက်ပြန်ရုံလေးပဲလို့ ကျွန်တော် တွေးခဲ့မိတာ။ အဲဒါကို ကိုင်တွယ်ဖို့ကတောင် အရမ်း ခက်ခဲနေပြီ၊ ဒါပေမဲ့ အခုလက်ရှိ အခြေအနေနဲ့ ကိုက်ညီတဲ့ စကားလုံးတစ်လုံးကို ရှာတွေ့လိုက်တယ်။
“ထပ်ခါထပ်ခါ ဖတ်တာက ထပ်ခါထပ်ခါ အချိန်နောက်ပြန်ရောက်တယ်လို့ ဆိုလိုတာပဲ”
ဒါက ရိုးရှင်းတဲ့ နောက်ပြန်ရောက်လာရုံ မဟုတ်ဘူး။
“အမြဲတမ်း သူ့ဘာသာသူ ထပ်ခါတလည်းလည်း ပြန်စတင်နေတဲ့ ကမ္ဘာကနေ ကြိုဆိုပါတယ်၊ ဟေးလ်”
ဒါက အဆုံးမရှိတဲ့ (ဇာတ်ကြောင်း)ပတ်လမ်းတစ်ခုပဲ။
ကျွန်တော့်စိတ်ထဲကို အကြောင်းအရာများစွာ ဝင်ရောက်လာတယ်။ ရူဒယ်က သူ့ကိုယ်သူ စာအုပ်ထဲက ဇာတ်ကောင်မှန်း သိနေပြီး၊ အီဗန်ကလည်း အဆုံးမရှိ ထပ်ခါထပ်ခါ မူရင်းဝတ္ထုကို ဖြတ်ကျော်နေရတယ်။
“အဓိပ္ပါယ် မရှိတာ …”
ပြတင်းပေါက် အပြင်ဖက်က တောက်ပနေတဲ့ ရှုခင်းတွေကလည်း ကြောက်စရာ ကောင်းနေတယ်။ ကျွန်တော် အန်ချင်သလို ဖြစ်လာလို့ ပါးစပ်ကို အုပ်လိုက်တယ်။ ရူဒယ်က ဒီလို တုံ့ပြန်လာမယ်မှန်း ထင်ထားသလိုမျိုး ပြုံးရုံသာ ပြုံးနေတယ်။
“ကောင်းပြီလေ။ ကိုယ်လည်း ဒီလို တုံ့ပြန်ပုံ ရှိခဲ့ပါတယ်။ ကိုယ်လုပ်သမျှ အကုန်လုံးက တစ်စုံတစ်ယောက်ရဲ့ လက်ထဲမှာ ရှိနေမှန်း သိလိုက်ရတဲ့အခါ ရွံ့ဖို့ ကောင်းလာတယ်။ ကိုယ် ဒီအကြောင်း ရှာဖွေကြည့်လေလေ၊ ပိုပြီး ရွံဖို့ ကောင်းလာလေလေပဲ။ ပြီးတော့ ကိုယ့်မှာ မင်းကိုတောင် မဆက်သွယ်နိုင်ဘူး။ ဘာတဲ့။ ကိုယ် မင်းကို ဆက်သွယ်ရင်တောင်မှ သူ(အီဗန်)က မင်းကို တားချင်နေတာလေ။”
ရူဒယ်က လက်ဖက်ရည် တစ်ငုံ သောက်လိုက်တယ်။ ကျွန်တော့်မှာ ဧည့်ခန်းတံခါးကနေ ထွက်သွားမဲ့အတွေးတောင် မရှိတော့ဘူး။
YOU ARE READING
အဓိကဇာတ်ကောင်Shouအဖြစ်မှ ကြမ်းရမ်းတဲ့Gongဘဝသို့ : Myanmar Translation (Unicode)
RomanceLanguage Korean Author(s) 벼르치 Associated Names 메인수가 집착광공이 되면 Status in COO 103 chapters (Complete) Licensed No Original Publisher BLYNUE 블리뉴 Description ကျွန်တော်က နာမည်ကြီး BLဝတ္ထုထဲက အထက်ပုဂ္ဂိုလ်ထဲ ကူးပြောင်းလိုက်ရပေမဲ့ အောက်ပုဂ္ဂိုလ်က ထူးဆန်းတယ်...
