ဟေးလ်ဗာဒီက မျက်မှောင်ကြုံ့လိုက်တယ်။ ချက်ချင်းပဲ လူတိုင်းက ဗာဒီရဲ့ အရှိန်အဝါတွေ လွှမ်းမိုးတာကို ခံလိုက်ရတယ်။ သူတို့နဲ့ ထိုက်တန်တာပဲလေ။ သူ့ရဲ့ ပုံပန်းသဏ္ဍာန်ကို မကြောက်တဲ့သူ ရှိရင်ရှိမယ်၊ ဒါပေမဲ့ ဗာဒီဆိုတဲ့ မျိုးရိုးနာမည်ကတော့ မတူတော့ဘူး။ သူတို့တွေ ဘယ်လောက်ပဲ သတ္တိရှိပါစေ၊ ဟေးလ်ဗာဒီရှေ့မှာတော့ ဝပ်တွားနေရမှာပဲ။
ဗာဒီမိသားစုရဲ့ စီးပွားရေး အင်အားကလည်း ကောင်းပေမဲ့ ဗာဒီမျိုးနွယ်က အန္တရာယ် များကြတယ်။ ကောလဟာလတွေအရ ဒီမိသားစုဟာ ကိုယ်ဘယ်လို သေဆုံးချင်လဲဆိုတာကို ထိန်းချုပ်နိုင်ကြတဲ့သူတွေတဲ့။ အတော်လေး ရူးနှမ်းနေတဲ့ လူမှ မဟုတ်ရင် ဗာဒီဆိုတာနဲ့ ပတ်သက်နေတဲ့ အရာတွေကို လက်လွတ်စပယ် ထိရဲကြမှာ မဟုတ်ဘူး။ တိတ်ဆိတ်နေတဲ့ စာသင်ခန်းထဲမှာ လူတစ်ယောက်တော့ သတ္တိရှိစွာ ပြန်ဖြေလာတယ်။
“ဒါပေမဲ့ ဗာဒီ၊ မင်းလည်း နည်းနည်း ထူးဆန်းနေတာပဲ။ ပရီစတင်က ကျောင်းကောင်စီထဲ ရောက်တယ်တဲ့။ တစ်ခုခုက မှားနေ…။”
“အီဗန်ရဲ့ ကြိုးစားမှုတွေကို အဲဒီ့လိုမျိုး မကောင်း မပြောကြနဲ့စမ်း”
… သူ ဒီလို ပြောလာမယ်လို့ ကျွန်တော် မထင်ထားဘူး။
“အိုး ငါတောင်းပန်ပါတယ်!”
အဲဒီ့နေ့ကစပြီး ကျွန်တော်နဲ့ ပတ်သက်တဲ့ မကောင်းသတင်း ကောလဟာလတွေက အမြန်ပဲ လျော့နည်းလာတယ်။ ဒါပေါ့ ကောလဟာလတွေက လုံးဝကြီး ပျောက်ကုန်မယ်လို့တော့ မထင်ထားပါဘူး။ အဲဒီ့အစား ပရီစတင်က ဗာဒီကို မြူဆွယ်ထားတဲ့ဆိုတဲ့ ကောလဟာလက ထွက်ပေါ်လာတော့တာပဲ။ ဟေးလ်ဗာဒီက ကျွန်တော့်ကို ကာကွယ်ပေးမယ်လို့လည်း မထင်ခဲ့သလို သူက အဲဒီ့လို စကားမျိုး ပြောလာလိမ့်မယ်လို့လည်း မထင်ထားခဲ့ဘူး။
ကျွန်တော်ပဲ ရင်ခုန်ရပြန်တယ်။ ဒီတစ်ကြိမ်တော့ ဒီရင်ခုန်သံကို လျစ်လျူရှုလို့ မရတော့ဘူး၊ နှလုံးက ဆက်တိုက် ခုန်လှုပ်နေခဲ့တာ။
အဲဒီ့ကစပြီး ဟေးလ်ဗာဒီက ကျွန်တော့်ရဲ့ ဒဏ်ရာတွေကို မြင်တိုင်း ဖြူဖျော့သွားတယ်။ ကျွန်တော့်ကို အခြားကလေးတွေက အနိုင်ကျင့်ကြလို့ဆိုတာ မသိဘဲ ကျွန်တော့်ကို သနားနေသလိုပဲ။ အဲဒါကြောင့်ပဲ သူက ကျွန်တော် နေမကောင်းဘူးဆိုပြီး ညည်းညူရင်း ကျွန်တော့်စားပွဲပေါ်မှာ ချိုချဥ်တွေ၊ ချောကလက်တွေကို ထားခဲ့ပေးတတ်တယ်။ ကျွန်တော်ကတော့ အချို သိပ်မကြိုက်ပေမဲ့ပေါ့။
YOU ARE READING
အဓိကဇာတ်ကောင်Shouအဖြစ်မှ ကြမ်းရမ်းတဲ့Gongဘဝသို့ : Myanmar Translation (Unicode)
RomanceLanguage Korean Author(s) 벼르치 Associated Names 메인수가 집착광공이 되면 Status in COO 103 chapters (Complete) Licensed No Original Publisher BLYNUE 블리뉴 Description ကျွန်တော်က နာမည်ကြီး BLဝတ္ထုထဲက အထက်ပုဂ္ဂိုလ်ထဲ ကူးပြောင်းလိုက်ရပေမဲ့ အောက်ပုဂ္ဂိုလ်က ထူးဆန်းတယ်...