JB3: The Governor's Secret[ PUBLISHED UNDER ETLUX OC PUBLISHING INC]

Special Chapter 3

Denisse Gonzales-Juariz

"Maaaa!"

"Daaaaaa!"

Hindi ko maiwasang maluha habang kumakaway sa mga anak ko. Parang ayaw ko ng umalis. Gusto ko na lang yatang ipagliban na lang ang araw na ito at tumakbo pabalik sa kanila.

"Hon, let's go." Napalingon ako sa pinanggalingan ng boses at nakita ang asawa kong cool na cool lang sa nangyayari.

We're going to leave our children. Gosh! Hindi man lang ba siya nahahabag na mawawalay kami sa mga anak namin ng matagal?

"Jonas, 'wag na lang muna kaya tayong umalis?" Ang tanong ko nang makalapit siya sa akin.

"Not happening, Denisse. Ilang beses na nating p-in-ospone ang honeymoon natin dahil sa mga bata."Hinapit niya ako sa bewang at tinanaw ang mga anak namin. The triplets are wailing in my parent's arms. Sila Janisse at Jaiden naman ay nasa balkonahe sa second floor at abalang nagta-tablet. Tingnan mo 'tong dalawang 'to.

"Janisse! Jaiden!" Ang sigaw ko sa kanila.

Mabilis akong nilingon ng dalawa. Akala ko magbi-bingi-bingian na naman eh. 'Tong dalawang 'to natututo na maging mga pasaway.

"Rest your eyes at tumulong kayo sa lolo at lola ninyo. 'Wag mag rely sa mga maids ha. Kayong dalawa kukunin ko talaga 'yang mga gadgets ninyo."

"Yes, dada!" Ang tili ni Janisse saka nakabungisngis na kumaway sa amin.

"Okay, ma. Take care you two." Unlike kay Janisse, napakalmado lang talaga ni Jaiden hindi ko nga alam kung bakit magkaibang-magkaiba sila. Hindi ko rin alan kung saan nakuha ni Janisse ang pagiging makulit niya.

"Hon, let's go. The plane's waiting." Wala na akong nagawa nang hilahin ako ni Jonas papasok ng sasakyan.

Nagpaalam muna si Jonas sa mga bata bago sumunod sa akin papasok ng sasakyan. 

"Are you ready?" Ang tanong niya sa akin pagpasok.

"Ewan ko sa'yo. Ba't may pa-honeymoon pa tayo eh halos ginagabi-gabi mo na nga ako. Hindi pa ba honeymoon 'yon?" Ang reklamo ko sa kanya pero tinawanan lang ako ng magaling kong asawa.

"Of course not. It's different. Honeymoon isn'y just about sex, hon. I want to date you too. Just the two of us. I want to spend some days with you without really thinking much about our kids."

Napabuntong hininga ako't napatingin sa labas. "Pasensya ka na. Hindi mo rin ako masisisi at binuntis mo ako." Nilingon ko siya at sinamaan ng tingin.

He chuckled as he reach for my hands. "Forgive me. I was just desperate to make you guys stay that time. Isa pa, I don't mind having a lot of babies with you pero gusto ko rin namang makasama ka mag-isa."

Unti-unting tumaas ang sulok ng mga labi ko sa narinig mula sa kanya. "Hindi pa rin ako makapaniwalang sinasabi mo na ang mga bagay na 'yan sa akin ngayon."

"I'm sorry, hon. Babawi ako araw-araw."

"May mga araw na pakiramdam ko hindi totoo ang lahat pero tuwing umuuwi ka sa amin, naglalaan ng mga oras para sa mga bata at sa akin, pinagsisilbihan kami, nawawala lahat ng pangamba ko."