JB3: The Governor's Secret[ PUBLISHED UNDER ETLUX OC PUBLISHING INC]

17

Denisse Gonzales-Juariz

"Nag-enjoy ba kayo, nak?" Ang nakangiti kong tanong sa kambal habang pinupunasan sila gamit ang malambot na tuwalya. Kakatapos ko lang kasi silang linisan.

"Opo, dada!" Ang nakangiti ring sagot sa akin ni Janisse.

"Eh ikaw, kuya?" Ang tanong ko kay Jaiden na tahimik lang na nagsusuot ng kanyang damit.

Mabuti nalang talaga at mga de-butones at malalambot ang mga biniling damit sa kanila ni Jonas. Hindi sila mahihirapang magpalit-palit dahil sa nga sugat nila.

Bago pa man makasagot si Jaiden, pumasok na si Jonas sa kwarto namin ng mga bata na nakahubad sa pang-itaas. Tapos na siguro itong icheck-up ng doctor na pinatawag kanina ni Francis. Mukhang napalitan at nalinisan na rin ang kanyang sugat.

"Janisse, come here angel" Tawag niya sa bunso namin na sinusubukang ibutones ang kanyang pajama shirt.

Tumingala si Janisse dito, ngumite at tumakbo papalapit sa kanya ng nginitian niya pabalik si Janisse. Agad kung iniwas ang paningin ko sa kanya dahil bigla na namang bumilis ang tibok ng puso ko pagkasilay sa mga ngiti niya. Ang gwapo talaga. Kainis.

Inabala ko na lang ang sarili ko sa pagtulong kay Jaiden sa pagdadamit.

"Ma, mali po 'yong pagkakabutones niyo." Hawak-hawak ni Jaiden ang kamay ko, pinipigilan ako sa pagbutones sa huling butones.

"S-sorry." paumanhin ko dito at muling binuwag ang mga namaling butones.

"It's fine, ma." nagawa pa niyang i-pat ang ulo ko. Nakaupo kasi ako sa sahig kaharap siya. Mahina nalang akong natawa. "I had fun awhile ago, mama. It's my first time not punching someone in a group." ang dagdag nito.

Napailing nalang ako sa sagot ni Jaiden. Kanina kasi ay hinayaan sila ni Jonas na makipaglaro sa mga batang naglalaro di kalayuan sa bahay ni Jonas. Anak daw 'yon ng mga tauhan sa isla na dito na nakatira. Sa harap lang naman  ng bahay niya ito naglalaro kaya hindi ako gaanong natakot. Hindi pa kasi sila pwedeng magtampisaw sa tubig. Hindi rin naman masyadong physical ang nilalaro nila, inilabas kasi ng kambal ang mga laruan na ibinigay sa kanila ni Jonas at Francis. Naglaro pa sila hanggang alas syete dito sa loob ng bahay ni Jonas.

"Sana wala ng susunod, Jaiden. Hindi sa lahat ng pagkakataon gagamitan mo ng kamao ang mga kaaway mo. Be more patient anak, ha? Ayaw na ayaw kong nakikitang may pasa ang gwapo mong mukha." Ang paalala ko dito bago siya hinalikan sa pisngi. Tumango lang ito sa akin.

Pagkatapos ko siyang palitan ng damit, sinimulan ko ng pulutin ang mga saplot nila na nakakalat sa sahig. Si Jaiden naman ay pumunta sa may study table para tapusin iyong cube na ibinigay sa kanya ni Francis.
Saglit ko pang sinulyapan sila Jonas at Janisse. Nakakandong si Janisse kay Jonas habang may pinapanood sila sa cellphone nito.

Kakaibang saya ang nararamdaman ko sa mga oras na 'to pero alam ko rin namang nakakatakot na sakit ang kapalit nito. This is what I've ever dreamed of. This is what my children deserves. Ito 'yong ama na pilit kong hinihingi sa Diyos para sa mga anak ko. But he gave it to me with conditions and expiration date.

"Do you like your room, baby?" Ang narinig kong tanong ni Jonas kay Janisse. Naaalala ko tuloy 'yong tanong niya sa akin kaninang umaga.

"Yes po, daddy! Parang 'yong bed sa room ni dada at tito Miggy."