ذاكرة الحب والحرب

٢

#ذاكرة_الحب_والحرب
#زهراء_محمد_السراي
#البارت٢
*********

- قـال امـير المـؤمنين ؏ـلي ´ عليه السلام '

سِلَاحُ الْمُذْنِبِ الِاسْتِغْفَارُ 💚

المصدر : غرر الحكم ودرر الكلم 📚

"‏لا أحد يمكنه فهمي أكثر من نفسي، مهما شرحت ومهما عبرت عما بداخلي، حتى أقرب الأقربين أتركهم في غفلتهم يتباهون بأنهم يعرفونني جيدًا."

- دوستويفسكي

عادل

كل  يوم افز من نومتي بسبب  كابوس مزعج

انفجار عبوة ناسفة، وصوت أطفال تبجي، ونساء تنوح ،دماء بكل مكان

كل أحلامي جانت هيج اني ويني من كل  هذا؟

شنو سر هذا الخوف والهلع هي مجرد كوابيس

ثلاث ايام اني على هذا الوضع أسوء ايام جنت اظنهن وما جنت   متذكر إنه أسوء ايام حياتي مرت وجانت بالماضي..!

ثلاث ايام اتوسل باهلي حتى يكولولي اي شي عن لمياء بس جان جوابهم ماكو بنت اسمها لمياء  وضلو يقنعوني انها من خيالي واوهامي

مشيت وياهم بالتوسلات وما  فاد واتخذت  أسلوب الإضراب عن الأكل والشرب والعلاج

ومر يومين اني معاندهم وامي تبقى مكابلتني تبجي وهي هم  اضربت عن الأكل واني اعرفها مريضة

والدي  جان موقفه قوي وثابت وما تزحزح وهو يحاول يقنعني  بخيالاتي واوهامي بس ما كدر  يثبتلي صحة كلامه

يغضب مني ويتعارك وياي بس بلا فائدة ردتهم يحجون اي شي..

امي كاعدة يم رجلية  تبجي وتتوسل بية ويمها طبلة صغيرة مخلية عليها صينية الأكل

اني متمدد على الجرباية رجلية خدرانات وكل جسمي يوجعني منمل

ابوي  غضبان عاكد الحواجب ومكتف ايديه لصدره

_ يعني شلون بيك انت وتالي وياك ؟ ما جاي تشوف حال امك شلون تبجي وتتوسل بحضرتك وانت ما مراعي مشاعرها

ليش تعذبنا واحنا صار خمس سنوات متعذبين وفاقدين الأمل  انك تصحى من غيبوبتك

تعرف انت ؟  بس امك جانت  عدها امل وهي متواصلة وي دكتورك إلي شفته

لويت شفتي ساخر من ذكر كدامي طاري الدكتور إلي جان بنظري إنسان تافه وهو مريض نفسي شلون يعالج المرضى

مااعرف ليش كرهت الدكتور 

_ كوم يا ابني طيّب خاطر امك