ذاكرة الحب والحرب

٧

#البارت_السابع
#ذاكرة_الحب_والحرب
#زهراء_محمد_السراي
*********

- قـال امـير المـؤمنين ؏ـلي ' عليه السلام '

سِلاحُ الْمُذْنِبِ الْإِسْتِغفارُ. 💚

المصدر : عيون الحكم والمواعظ 📚

‏كلّ شيء في العالم مدانٌ بالتخبُّط، ويخوض أسوأ المخاطر، ومن لا يقبل بخوض المخاطر، فما عليه إلا أن يتكور على نفسه في إحدى الزوايا وألا يثق بالحياة.

- إيلينا فيرانتي 📘

خولة

_عمة هاي شكو ليش انقطعت الكهرباء!؟.

اجاني صوتها من المطبخ جاهلة السبب... ما هي إلا دقايق واندفر باب بيتنا..

دخلو بمناظرهم البشعة المقرفة وهالمرة قطعوا الكهرباء... وضع مأساوي حتى المدارس فلشوها والكنائس

وبعض البيوت اتخذوها للحرب.... هذي الاوامر الي اجتهم واني سمعتهم يتناقلوها بيناتهم وينفذوها گدام عيوننا...

من شافو التلفزيون شالوه ورگعوه بالگاع زوجة عمي خلتني ورى ظهرها اني وابنها چانت ترعش من الخوف

فلشو التلفزيون مالتنا هو والستلايت بالجواكيك وواحد ثاني راح على الرواتر رگعها بالحايط يفلشون ويضحكون ويگولون انها كلها بدع

قطعوا كل شبكات الإنترنت حطموا الستلايت التلفزيون واوهمو العوائل وجبروهم أنه هاي الامور هي فخ الشيطان وسحقوها تحت اشرافهم

والي يعارضهم يقتلوه... اني وكل مرأة عاملة منعونا من العمل

فرضو علينا ما نطلع

وإنه نتحجب ونلبس نقاب وكل لبسنا يكون بالأسود چانت تجيهم اوامر مناطق يتم العيش بيها عادي ومناطق لا.... چان هو الرعب بكل معنى الكلمة

منعونا من الطلعة نهائياً

الطلاب من الخوف والرعب انقطعوا من المدارس بعد ما شافوا مدارسهم متفلشة ومتهدمة كل الصفوف وماكو مصرف يستمرون

والاسوء من هذا كله أنه بعض المدارس اتخذوا منها دا. عش مكان لتعليم الاطفال اساليبهم المقرفة الوحشية

منعوني من الطلعة حالي حال كل النساء الموصليات إلا بشرط واحد أنه ترتدي الزي الأسود كامل من نقاب أسود يغطي حتى العيون وجفوف وممنوع تطلع لأي عمل لانه حرام بنظرهم وجريمة يعاقب عليها ت. نظيم داع. ش

ولمن طلعت بالزي شرطو علية أنه اعلم البنات الصغيرات إلي لقنوه إلي... بس انهزمت منهم وفضلت اگعد بالبيت واسكت وما أطلع

ممنوع خروج أي امرأة من بيتها إلا بمرافقة أحد محارمها الذكور واغلبنا فضلنا الگعدة بالبيت من الخوف