#البارت21
#ذاكرة_الحب_والحرب
#زهراء_محمد_السراي
*********
- قـال امـير المـؤمنين ؏ـلي ´ عليه السلام '
قَدْ ظَهَرَ أَهْلُ الشَّرِّ وَ بَطَنَ أَهْلُ
الْخَيرِ وَ فاضَ الْكِذْبُ وَ غاضَ الصِّدْقُ.
المصدر : عيون الحكم والمواعظ
“لا يعتذر بسبب الخطأ .. بل بسبب كشف أمره.”
- عبدالوهاب الرفاعي 📓
خولة
مشيت بهيمة تشبه الصحراء لا أعرف الزمان ولا المكان
يا يوم وشگد التاريخ بالضبط!؟ كل الي اعرفه احنا بالموصل
امشي واني حامل بجنين بأحشائي من اب مجر_م
مشيت هواية وتگطعت خيوط رجلية من التعب لحد ما لمحت زرع وبساتين ...
اشجار النخل الكثيفة خلتني احتام لذاك المكان... صرت امشي لمسافات طويلة مع البكاء المستمر... المسافة ليش صارت طويلة!
بهروبي مريت بمكان أشبه بالصحراء ومن بعدها مرور ببساتين مهجورة، اماكن وبيوت قليلة مفجرة.. مهدومة
جدرانها مزرفة بطلقات نارية.. من أثر الحرب الصراعات الاشتباكات بين قواتنا الأمنية، الحشد الشعبي والعناصر الملعونة د1عش
چنت متنكرة بالزي الد1عشي الأسود امشي بخوف وتعب وارهاق لأن مشيت تقريباً ثلاث ساعات
يبس ريگي وعطشت ودگات گلبي تتسابق
لمن وصلت للبستان الا استنشقت الهواء النقي المنعش اوف واني مغمضة عيوني واتنفس واملي رئاتي بهذا الهواء تذكرت أنه ريحة الزرع تذكرني بحديقة عمو إلي تعب عليها أكثر لمن تقاعد
تنهدت بحزن وفتحت عيوني ببطىء وحسيت من بعد عناء ومشقة وتعب وجعتني بطني... رجعت غمضت عيوني وجريت نفس وزفرته ببطىء واني حاطة ايدي على بطني
كملت مسيرتي بحذر... الهدوء يخوفني أكثر من الضجة واصوات البشر
رافقني بوحدتي الدعاء وذكر رب العالمين... تعمقت بالمسير داخل البستان المليان نخيل وشجيرات متنوعة لكافة الفواكه والخضروات
واني للحظات آنست روحي الهدوء واليقين بفضل الدعاء توقفت فجأة لأن سمعت صوت..
خفت وارتبكت صارت الأفكار والاسئلة بمتاهات تدور بعقلي تبحث عن اجابات يا ترى هاي الأرض محررة لو بعدها بقبضة ايادي د1عش اللعين!!
تمنيت هذي الأراضي محررة ود1عش الملعون ماله ايد بيها..
بقرب شجرة النخيل وگفت بخوف.. رجعت سمعت أصوات وحاولت استمع لكل حرف
