#البارت14
#ذاكرة_الحب_والحرب
#زهراء_محمد_السراي
*********
- قـال امـير المـؤمنين ؏ـلي ´ عليه السلام '
شَيْئانِ لا يُسْلَمُ مِنْ عاقِبَتهِما: الظُّلمُ وَالشَّرُّ.
المصدر : عيون الحكم والمواعظ
"ستندم طوال عمرك لو أظهرْت هشاشتك لمن تسبب بها."
- عبد الوهاب الرفاعي 📓
خولة
چنت مستعدة وفرحانة أجهز الكيك إلي يحبه مؤمل والي من خلاله تعرف علية وحبني
بالمطبخ مثل الفراشة أفتر واني ماسكة بأيدية أدوات التزيين... الله شگد چنت سعيدة
اليوم راح يجي مؤمل وتتكحل عيوني بشوفته.. معقولة بغداد هالگد بعيدة عن مدينة الموصل
ابتسامتي ما مفارقة شفايفي من يوم إلي تعرفت على مؤمل
أكثر انسانة محظوظة بالدنيا اني رغم يتيمة الابوين وفقدت أهلي وفارقتهم وفارقت العاصمة إلي انولدت بيها وتربيت ودرست بس الله عوضني عوض چبير.. محظوظة بعم احتواني هو وزوجته وصارتلي عائلة حنونة يحبوني واحبهم
صحيح مكان الأب والام محد ياخذه بس چان عمي وزوجته وابنهم الصغير هم عائلتي إلي حبوني واعتبروني بنتهم وما يوم سمعت منهم أي كلمة غثتني
والله انعم علية وخجلني بلطفه لمن بعثلي شخص مثل مؤمل يحبني بشغف حب حقيقي
ليش تأخر مؤمل طلعت من المطبخ شفت عمو بالحديقة وعمتي يمه تحوك كالعادة وابنهم يلعب گدامهم الله شگد حلوة حديقتنا لأن عمو مهتم بيها اوف ياريحتها وريحة الزهور مانحتنا هواء منعش
ليش اباوع وابچي!؟ والبچي مو من الحزن!! اندگ الباب وزادت دكات كلبي من الفرح ركضت على الباب و... !!
وبالاخير فزيت من نومتي واكتشفت انه مجرد حلم وبعدني بيد د1عش
اني اسيرة بيد غزوان بنص تنظيم د1عش
چنت احلم هذا الحلم چان بيوم من الأيام هو واقع وحقيقة وصرت اتحسر على تكراره
من بعد ما صحيت من هالحلم مدري الوهم إلي اخترعه عقلي اللاوعي... انصدم تفكيري وعقلي انصعق بلحظة ادراك أنه كل شي مختفي وغزوان نايم بصفي بالكاع چان يتلمس رجلية بحميمية ودافن رأسه برکبتي من ورى.. كعدت بس مو اني خولة المقاومة الشرسة... چنت مستكينة ومااعرف بوقتها فقدت الذاكرة لو تخبلت لو ما تقبلت الواقع إلي عايشة بيه حاليا...
لمن تحركت وابتعدت عن غزوان حس علية وتقرب باس شفايفي بقيت صافنة ما منعته مثل عادتي ظليت عاگدة حواجبي... وهو همات استغرب من سكوني وعدم مقاومتي...
_غزوان! انت وعدتني راح تلگى مؤمل وتعرفلي اخباره انت گلتلي راح تساعدني وتساعد اهلي مو صحيح.. بس هم وينهم!؟
