ذاكرة الحب والحرب

٨

#البارت_الثامن
#ذاكرة_الحب_والحرب
#زهراء_محمد_السراي
*********

- قـال امـير المـؤمنين ؏ـلي ´ عليه السلام '

إِذا شابَ الْجاهِلُ شَبَّ جَهْلُهُ
وَإِذا شابَ الْعاقِلُ شَبَّ عَقْلُهُ.

المصدر : عيون الحكم والمواعظ

‏كلّ شيء في العالم مدانٌ بالتخبُّط، ويخوض أسوأ المخاطر، ومن لا يقبل بخوض المخاطر، فما عليه إلا أن يتكور على نفسه في إحدى الزوايا وألا يثق بالحياة.

- إيلينا فيرانتي 📘

خولة

مشيت كم خطوة واجاني صوت من وراية من اللغة العربية الفصحى إلي حجى بيها عرفته أحد الدواع. ش

_انتِ يا امرأة

قبل لا التفت شفت غزوان فتح باب سيارته ونزل والداع. شي
لزمني من نقابي وعته بقوة  على أثرها انجر شعري

اجاني غزوان بخطوات سريعة لزمني من ايدي وجرني بقوة ورى ظهره ودفع الداعش. ي بدفعة قوية على صدره وگعه بالگاع... چان الداع. شي ضعيف كلش ومن وكع بالكاع لحيته وشعره الطويل گام ينكت تراب
وغزوان شكله ضخم مخيف شكل عضلاته مثل لاعبين كمال الأجسام صلب جسده

كلهم رفعو اسلحتهم بوجه غزوان وصارت ضجة بالسوگ وبنفس الوقت إلي رادو يهجمون على غزوان اجت سيارة محملة دواعش مصابين وموتى إلى جهنم وبئس المصير وچانت اصواتهم تلعلع

غزوان لزم ايدي وانهزمنا بدون محد يحس بينا...

صعد بسيارته وساقها بسرعة بهذا الوقت المفروض يروح للمستشفى وحسب اقواله أنه إذا يتأخر يفرضون عليه عقوبات قاسية وبالذات إذا اكو اصابات هواية...

ابتعدنا عن السوك وهو بين ما چان يسوق وعيونه مركزة بالطريق مد ايده على نقابي وگال

_غطي عيونج

. ومرينا من محل يبيعون عبايات هذا المحل الخاص بداع. ش والزي مالتهم اشترالي بيجامة سودة وعباية أكبر حجم

_البسيهن راح يعاقبوج إذا يشوفوج لابسة الوان جوة العباية وعبايتج ضيقة وشعرج طالع من جوة النقاب غطيه هذا من شافج راد يفرض عليج عقاب مثل ما فرضو على هواية نساء

لبست بسرعة وومر من مكان شفنا بعض الدواع. ش مجتمعين ووحدة من الداعشيات لازمة بنت ومنيميها على بطنها رافعين عبايتها وجانت لابسة بيحامة حمرة ودا. عشي  يجلد بيها على خلفيتها وظهرها گدام الناس وتصرخ بعلو صوتها... چانو مخلينها بالفلكة استدارة المنطقة وگدام امة محمد يجلدون بيها

رجف جسمي من الخوف

_شفتي شعرها طالع وما منقبة وعبايتها ضيقة ولابسة بيجامة الوان جوة العباية وهذا عقابها
وهذا الداع. شي من شاف بيجامتج الوردية انتبه عليها وشاف عيونج طالعات وعبايتج ضيقة