ذاكرة الحب والحرب

١٣

#البارت13
#ذاكرة_الحب_والحرب
#زهراء_محمد_السراي
*********

- قـال امـير المـؤمنين ؏ـلي ´ عليه السلام '

سُلْطانُ الدُّنْيا ذُلٌّ وَ عُلُوُّها سُفْلٌ. 💛

المصدر : عيون الحكم والمواعظ 📚

"‏التفكير الكثير سوف يدمر مزاجك، تنفس واترك كل شيء يذهب."

- بنجامين فرانكلين 📘

خولة

ثاني يوم الصبح بين احضانه محبوسة بين احضان الجحيم..

حاضني من ظهري.. وقبل لا يحچي اي شي وحتى ما گدرت ابعده واگوم چنت مستسلمة لقرفه.. جرب بية كل شي اب1حي ومقرف سواء حلال او حرام بين المتزوجين انسان شهواني مقرف بكل ما تعنيه الكلمة...

يم اذني همس وشدد من احتضانه إلي..

_خولة اتذكر من چنت كل يوم اراقبج من البلكونة چانت احلى لحظات الصباح بيومي من اصبح بشوفتچ

الصبح من أشرب گهوتي افتح شباك البلكونة واشوفچ تطلعين بالحديقة قبل الكل اراقبچ من تخابرين مؤمل وتضحكين وتفرحين وعيونچ تلمع وانتي لابسة تراك ضيق لو فالينة وبرمودة ظاهرة جزء من جسمچ إلي يحرك غرايزي... وتثير اعصابي من اشوفج تخابرين مؤمل...

چنتي تجهزين طلبات الكيك إلي تصنعيه انتي وزوجة عمج عرفت أنه أنتي متوارثة مهارتج بالمعجنات والكيك من اهلج المتوفين...

وراها تجهزين نفسج وتروحين لشغلج بعد ما تتأكدين من ابن عمج يروح لمدرسته بالخط مالته وتودعين عمج وزوجته وتطلعين تدرين مرات اصنع الصدف حتى اعترض طريقچ واعرض عليچ أنه اوصلچ بطريقي...

حتى من چان يجي عادل صديق مؤمل چنت اضوج وانزعج..
أعرف حبيبته لمياء والي هي صديقتج المقربة

نزلت دمعتي دايضغط على اعصابي وذكرياتي مشتاقة لصديقتي واريد أعرف أخبار عادل ياربي وينهم!؟ 

_مااعرف اخبارهم اختفو حالهم حال بقية اهالي الموصل

انلچم جرحي وحاولت اتناسى مؤقتا سؤالي عنهم

بعد اصرار اخذني وياه بقسم الاطباء چان الاغلب دكتورات ومن غير دول اجنبيات من اشكالهن عرفتهن ومن حچن بلغتهن تأكدت وانصدمت بلهجة غزوان وياهن چان يحچي بطلاقة... وحدة منهن اشرتله علية باوع وگال

_مونشير

ماعرفت المعنى ورى شوية اجت مجموعة دكتورات اجنبيات يحجن بس وي غزوان لأن يفهم لغتهن.. چان يحچي بطلاقة ولا ميزت ولا كلمة لأن يحچي سريع بس عرفت أنه مادايحجي باللغة الانكليزية..

ودكتورة لاخ اجنبية اعترضت واستغربت وجودي واهتمام غزوان بية وسألته بلغتها وعبالي راح يگول نفس الكلمة إلي گالها لذيج الدكتورة ولان گالها بوضوح وچانت معنية ألي حفظتها مونشير