#البارت٣
#ذاكرة_الحب_والحرب
#زهراء_محمد_السراي
*********
- قـال امـير المـؤمنين ؏ـلي ´ عليه السلام '
الرِّزْقُ يَطْلُبُ مَنْ لَا يَطْلُبُهُ 💚
المصدر : غرر الحكم ودرر الكلم 📚
"تنامُ و تعلم أنّك تنام.
فيُفرحك النوم و تمتدح الكسل؛
صديق النومِ و المواهِب.
و لا يُهمُّك أن يُطيل النومُ عُمرك،
بل يُهمُّكَ أن يُطيل العمرُ نومَك."
- محمود درويش
عادل
مؤمل جان يسرد الي مر بيه واني استمعله عيونه تبرق متأثر ووصلتني احاسيسه كلها وعشتها وياه بكل جوارحي
صرت أفكر بيني وبين نفسي معقولة الحب هيج يخلي الإنسان يحجي بهالتأثر !
_ قررت اتزوجها وقبل لا افاتح اهلي .. حجيت وياها وهي خجلت وتركتني بلا جواب بس ابتسامة اخذت كلبي وخلتني سرحان بيها ودايخ أيام
إسمها خولة بقى إسمها يتردد دائما لحد ما يوم فاتحت اهلها ووافقو بس للأسف صار وياهم حادث وتوفو بفترة اني جنت غايب عنهم ومسافر
بفترة سفري جنت مخطط لهواي أمور واولها افاتح أهلي بموضوع خولة وابد ما ناسيها بس من رجعت لبغداد كالولي بالحادث المأساوي وانه البنت اخذوها اقاربها بالموصل ولأن البنت قليلة التواصل فمحد يعرف عنها غير بس كم معلومة وهي عند أقاربها بالموصل
تخيل حالي يا عادل !
حسيت كلبي تهشم وضاع كل شي مني وحرت شلون ومنين ابدا ادور عليها بس الحياة واهلي وضغوط العمل والدراسة شغلتني بس ما كدرت تنسيني إياها واهلي شكد لحو علية بموضوع الزواج بس ما كدرت اتخطى خولة
واليوم من اجيتك صارت أحلى صدفة بحياتي من التقيت بيها اي عادل التقيت بيها مااعرف صدفة قدر لو شنو بس شفتها مثل ما هي ما تغيرت بس نظرتها جانت حزينة ومستكينة
بعدها تبيع كيك
تمنيت اخذها لحضني وابجي واعبر الها عن اشتياقي وعذابي بفراقها وغيابها بس توقفت واني استوعب هل هي صدك خولة لولا
.
.
_ خولة شلونج!؟
_ اني بخير
ونزلت عيونها الحلوة وحرمتني من شوفتهم
تبعتها للبيت الي جانت عايشة بيه وكدرت اخذ رقمها بحجة أهلي يريدوه على مود يشترون كيك او حتى يتطمنون عليها لأن اعرفها ما تقبل تسلمني الا لسبب
.
.
_ كل هذا عايشه واني ماادري
هاي قصتك ولا الف ليلة وليلة
