#البارت12
#ذاكرة_الحب_والحرب
#زهراء_محمد_السراي
*********
- قـال امـير المـؤمنين ؏ـلي ´ عليه السلام '
دِرْهَمُ الْفَقيرِ أَزْكى عِنْدَ اللهِ مِنْ دينارِ الْغَنِيِّ.
المصدر : عيون الحكم والمواعظ
فلا أنتِ قريبةٌ لألقاكِ
ولا بعيدة لأُغادركِ
ولا الطريق إليكِ معبد لآتيكِ
ولا وَعِرٌ لأُفارقكِ
ولستِ لي لأطمئن
ولستُ ممنوعا عنكِ لأخاف
لا الأرض ضيقة لنلتقي
ولا واسعة لنفترق
ولا أنا إن مشيتُ إليكِ أصل
ولا إن قعدتُ مكاني أبتعد
ولا أنتِ بالتي تنسى
ولا أنا بالذي لا يتذكر
فاللهمَّ صبرا
- أدهم شرقاوي 📗
خولة
ردت استفزه گمت ادگ بكل قوة على الباب واصيح واصرخ طلعوني
وگمت ادور بعيوني على المفتاح حتى افتح الباب وانهزم وشفته ببنطرونه... ركضت عليه وسحبته من بنطرونه الي جان معلگ
استوني خليت المفتاح بالباب ولزم ايدي بكل هدوء سحب المفتاح من ايدي وجر حسرة...
_اني أريد اطلع مناه طلعني خليني افضحكم گدام الناس وافضح عمايلكم القذرة... أريد أخذ ثاري منك لك دمرتني
چنت احجي بصراخ وعياط بوجهه وهو ولا مهتم شايل برود مو طبيعي... لبس ملابسه وطلع واني چنت واكفة يم الباب ومصرة أريد اطلع اريد انهزم....
بعد ما خلص لبس اجاني باوعلي... لزم فچي وباوع بعيوني ورفع جفني ودقق بعيني مااعرف شنو معنى ألي سواه...
جر نفس وزفره بضيق
_اعرف العلاج اذا گلتلج شربيه ماراح تشربيه
_افضل اتجرع السم بنفسي ولا أشرب علاجك
نترت ايده ونظرتله بقرف...
_بكل لحظة ونفس اتنفسه ادعيلك بالموت وبكل عذاب الله إلي يشوفك الويلات مثل ما شوفتني
ادعي من الله يذوقك نفس كاس المر الي ذوقتني منه
للموت ادعي عليك وما يوم راح اشفعلك الي سويته بية
حسبي الله ونعم الوكيل عليك وعلى الخنازير إلي وياك
خفض نظره بإنكسار مثل ما تهيألي لثواني وبسرعة رفع عيونه تجاههي بنظرة جليدية خالية من المشاعر بس احس بالاعماق اكو لعنة اكبر من الشر إلي شفته
تركني بالغرفة وقفلها علية لأن چان ما عنده ثقة بالدوا1عش... رغم غزوان العناصر المهمة وممنوع أحد يتقرب من غرفته أو البنت إلي يريدها لحد ما يمل ويقرر يسلمها الهم لو تبقى لخدمته!
صرت اعرف سوالفهم التعبانة من خلال بنت ايزيدية چانت وياية واقدم مني وهي مرت بكل شي خطية هي وغيرها إلي چانت عند واحد من الأمراء ومن مل منها شمرها لباقي الدو1عش وهنا صفنت يمكن حالي مثل حالها... غزوان بس يشبع مني راح يسوي نفس الشي
