#البارت25
#ذاكرة_الحب_والحرب
#زهراء_محمد_السراي
*********
- قـال امـير المـؤمنين ؏ـلي ´ عليه السلام '
خَالِطُوا النَّاسَ مُخَالَطَةً إِنْ مِتُّمْ
بَكَوْا عَلَيْكُمْ وَإِنْ غِبْتُمْ حَنُّوا إِلَيْكُمْ
المصدر : غرر الحكم ودرر الكلم
"الحروب كثيرة في رأسي ، وأنا قتيلها الوحيد."
- عبدالوهاب الرفاعي 📓
خولة
مرت أيام مااعرف شگد... بس بالصدفة عرفت من العناصر انه انتهت سنة 2015 واحنا بسنة 2016
هنا صارت عندي لحظة إدراك أنه صارلي سنتين اسيرة عند غزوان والدو1عش وراح ادخل بالسنة الثالثة
من عمر الستة وعشرين لعمر الثمانية وعشرين.. شبابي ضاع بهاي السنين
سنتين واني مااگدر اطلع من هالمستنقع. .. من عمري ضاعت هالسنتين والله سبحانه وتعالى كتب علية الحمل السريع
ولا اعتراض على حكمه
مثل كل يوم المفروض اطلع واشتغل اي شغل يطلبونه من عندي واذا ما اشتغلت يضربوني حالي من حال البنات
چانو مقسمينا جماعات بنات يطبخون وبنات يغسلون مواعين
وغيره من الشغل مشغلينا عدهم خدامات جواري نكرف وننظف قذارتهم غصبا عنه
بس رب العالمين في كتابه الحكيم قال تعالى : ( وعسى أن تكرهوا شيئا وهو خير لكم)
صحيح اني أكره كل شي بهالمقر
بس عن طريق هذا الشغل اگدر انسحب ببطىء حتى اخابر الضابط وحسب ما فهمت منه أنه معلوماتي داتفيدهم وگلتله اكو بنت ايزيدية منهزمة من واحد قيادي بأثناء انتقاله لمقر ثاني بعد ما مات زوجه الد1عشي لأن چان انتحاري... اشتراها قيادي وحسب مت سمعت مشتريها بثلاثين ورقة بس منهزمة من عنده وواصلة لأهلها
من سمعت بخبرها كلش فرحت وتمنيت يكون يوم إلي وانهزم واشتم هوى الحرية
وتذكرت كتماني لخبر حملي عنهم وقررت اليوم لازم اكول... لأن اني ما ضامنة عمري واستمراري ومااعرف شنو ردة فعلهم وهم يعرفون بهذا الخبر... چنت مترددة خجلانة أشعر بالعار والخزي ماراح يصدگون إني متزوجة.. حتى الزواج بهيج مقرات قذرة احسه زواج باطل واحس نفسي مو شريفة واي طفل ينمو بأحشائي أبن حرام لأن ناتج بعلاقة غصب عني مو بإرادتي
خطواتي ثكيلة جسمي كله مورم ويوجعني بطني جبيرة وبالگوة اشتغل... وكدرت أطلع وانسحب بدون ما أحد يلحكني او يكتشف غيابي... كلنا منقبين بالسواد فصعب يميزون... ومثل ما كال الضابط المراة بهيج مهمة وبهيج مكان صعب تنكشف...
مشيت ولمن وصلت لمكاني حسيت اكو أحد يمشي وراية ولمن التفتت انصدمت بشوفة سعد
جريت نفس عميق... انتبهت عليه ما چان يلاحكني الظاهر... لأن يمشي وهو صافن واني عبالي يباوع علية...
