#البارت20
#ذاكرة_الحب_والحرب
#زهراء_محمد_السراي
*********
- قـال امـير المـؤمنين ؏ـلي ´ عليه السلام '
إِيَّاكَ وَالْعَجَلَ فَإِنَّهُ عُنْوَانُ الْفَوْتِ وَالنَّدَمِ
المصدر : غرر الحكم ودرر الكلم
"يارب سألتك باسمك الرحيم أن تنقذني من عيني فلا تريني الأشياء إلا بعينك أنت، وتنقذني من يدي فلا تأخذني بيدي، بل بيدك أنت تجمعني بهما على من أحب عند موقع رضاك. فهناك الحب الحق."
- مصطفى محمود 📙
خولة
انرعبت من المنظر توقعت هذا مو بشر هذا طنطل دائماً اسمع عنه بالخرافات القديمة معقولة هو هذا نفسه.. نفس الصفات... ماچنت مستوعبة شي بس أصرخ بصوت عالي كلش... والكائن إلي گدامي گام يگمز متوتر ويضرب بية على راسي ويصيح
_اخرسي اخرسي ايتها الحمقاء اللعينة لعنتكِ الملائكة
اظافر اصابيعه چانت كلش طويلة ومليانة وسخ... لحيته طويلة وشعر حواجبه ثخين ووجهه المخيف خلاني مااسكت وازيد بالصراخ ورجعت أغمض عيوني بقوة أكبر واني أصرخ وماعندي علم شنو المنتظرني ومنو إلي ينقذني
رغم ما عرفت شنو قصة هذا القزم بس عرفته من الدو1عش بسبب الزي اللابسه...
چان يصرخ علية ويصيح ويضرب ويگمز مثل الملسوع ومن جزع مني ومن صراخي مااعرف منين طلع طبر وهجم على راسي.. وهو يصيح الله اكبر
خليت ايدية على راسي احميه بقلة حيلة وضعف واني مغمضة عيوني اتشاهد بس فجأة اختفى الصوت وسمعت صوت طلق ناري والطبر وگع گدامي وياه قطرات دم تناثرت على ايدية...
خفت ارفع نظرات عيوني... بس تجرأت وشفت غزوان وهو لازم مسدسه بيده والد1عشي متفجرة جمجمته گدام انظاري بشكل مرعب خلاني اتقيىء واتهستر..
اخذني لمكان ثاني يبعد عن الجثة وهو بقمة هدوئه وبروده... نظف المكان ولا كأنما ارتكب جريمة قتل قبل ثواني ومحتفظ دائماً بمعقمات ومطهرات... عقم ايديه وطهرهن واجاني مسح الدم من ايدية وغسل وجهي بمي بارد لأن صرت شاحبة شحوب الموتى وبس ارجف من المنظر المرعب إلي شفته... عقلي توقف كلياًّ عن أي تفكير بقى شريط واحد يتكرر گدامي هو مقتل هالشخص... كلما اطلب القوة من رب العالمين يمتحني امتحان اكبر واصعب...
إلي عرفته أنه بعد ما فقدت الوعي بنصف الطريق عثر علية غزوان قبل الدو1عش
وحتى لا يشكون بيه ويعاقبوني لأن حاولت انهزم.. اخذني غزوان لنفق مهجور من انفاقهم القذرة... عالجني ودبر الأمور مثل ما هو متعود دائما على المصاعب... بس لمن خدرني وخلالي بالمحلول منوم حتى من اكعد مااحاول انهزم عافني وراح يكمل شغله وياهم حتى ما يشكون بية وأمن أنه هذا النفق مهجور ومستحيل أحد يفتش بيه... بس صار العكس لمن دخل هذا الد1عشي المختل چان مخبل ومحد يصدگ كلامه ويفتر وصار إلي صار من بعدها... الغريب والعجيب بعد كل. إلي مريت بيه الجنين بعده برحمي وما تأثر... وشلون غزوان عرف بهروبي...!؟ بسبب شامو وغبائها... لان هي گدرت ترجع بسهولة ولمن شافت غزوان كاعد من النوم ومخبوص يدور علية گالتله كل شي واعترفت بالمخطط الي رسمته ألي والها... لهذا هو اتبع خطواتي بكل سهولة والفضل يرجع لشامو هي سهلت عليه المهمة... وقطرات الدم چان اخر أثر خلاه يلگاني ببساطة وينقذ حياتي
