#البارت_العاشر
#ذاكرة_الحب_والحرب
#زهراء_محمد_السراي
*********
- قـال امـير المـؤمنين ؏ـلي ´ عليه السلام '
في الْمَوْتِ عِظَةٌ وَ نَدامَةٌ.
المصدر : عيون الحكم والمواعظ
"أشعر وكأنني تائه في متاهة وليس بي قوة لأجد طريقي خارجها".
- إيفان كليما 📕
خولة
_إذا مؤمل بالخارج تساعدني اسافرله مو!؟ اني واهلي
بقى صافن بوجههي ونظر بعيوني ألي چانت مليانة دموع ... وفجأة لزم فچي
_كل هاي الدموع اله!؟.
هزيت راسي وهو ضغط على فچي بقوة وضحك بقهر ارعبني بضحكته..
چانت لحظات ودفعني للگاع ونزع حزامه... وطفى فلاش الموبايل
وصار كل شي گدامي أسود بأسود... لمن حسيته تقرب مني گمت ازخف ليورى لحد ما انضرب ظهري بالحايط...
من ايدي لزمني ورفعني لمستواه... بروده وهدوءه مخيف حتى صوته المنخفض المتزن يزيد رعبي... يمكن بهاي اللحظة الا أدركت وحسيت على تهوري وتسرعي وفضاعة تصرفي الارعن
_تعرفين من خلال دراستي للطب ومن خلال بحوثي وتقاريري اكو دراسة تگول غريزة الرجل ورغبته تزداد أكثر بكثير عند تواجد المرأة التي يحبها عن باقي النساء...
وبمجتمعنا يگولون عيب وفضيحة تعتبر تواجد امرأة مع رجل غريب عنهم ببيت وحدهم.
وبديننا حرام ومكروه خلوة الرجل بالمرأة إلي يحبها
تقرب وبكل هدوء نزع نقابي من شعري ومسح عليه ولمن دفعته جرني أكثر وهو محتفظ بهدوءه ... لمن دفن راسه برگبتي گمت ادفع بيه واضرب بس خفت أصرخ چنت كاتمة صوت صراخي خفت يجون د1عش ويصير العقاب والمصيبة اكبر
جر نفس عميق وطبع بوسة ناعمة وحسيت عليه من غمض عيونه وحضني بكل قوته حسيته يريد يكسر عظامي وتجرأت من عضيته بقوة ودفعته
واثاريت اغضابه اكثر واني اتملص منه وركضت انهزم بس وين حارت الدنيا بية... ومن دون أي شي الظلام معرقلني ركضت كم خطوة وعثرت رجلي وانضربت بشي قوي ووگعت على القنفة
شغل فلاش موبايله وشافني... چان الضوى البسيط إلي مبين ملامحه الغضبانة چان مخيف...
هجم علية وخفت اصرخ خفت وقعت بجحيم غبائي وثقتي الزايدة وتصرفاتي المامحسوبة
مقاومة شخص يضاعف حجمه حجمي بثلاث مرات چانت صعبة... فقدت طاقتي القليلة واني ادفر بيه وادفع ادير وجهي عنه وادفنه بالقنفة ولا اخليه يمس شفايفي... ولا روحي إلي محافظة عليها لشخص واحد بس.. وهو مؤمل
