#البارت11
#ذاكرة_الحب_والحرب
#زهراء_محمد_السراي
*********
- قـال امـير المـؤمنين ؏ـلي ´ عليه السلام '
بِالْعَافِيَةِ تُوجَدُ لَذَّةُ الْحَيَاةِ
المصدر : غرر الحكم ودرر الكلم
"أنا مندهش من رؤية كثير من الناس سعداء جداً بتعاستهم".
- باولو كويلو 📔
خولة
وي السبايا الايزيديات شفت انواع التعذيب والويلات
رغم اني مو ايزيدية ولا من الموصل ولا مسيحية بس هم نسبوني وياهم بسبب جاري اللعين الحقير الدا.عشي وخالته
احقر واقرف شي شفته بحياتي جانو يكعدونا من النوم بالجو البارد بالشتاء عن طريق اسطول مي بارد مجرش ويضربونا إثنين نسوان وياهن رجال مقرف قبيح الشكل وكلهم لابسين اسود وبالليل يهجمون علينا بوحشيتهم المعتادة يخلعون قلوبنا المرعوبة زيادة رعب
نكعد من غفلة نومنا واحنا في غمرة القهر والاذية
بدأ الضرب على ظهورنا حتى ننزع ملابسنا ويصير استحمام جماعي ويعاينون أجسامنا ويرخصوها لأمراهم ويحددون كل مجموعة من البنات حتى يدزوهم لممارسة جهاد الن.كاح اني جنت مركزة رغم الهلع اعرف نظامهم وخططهم الدنيئة القذرة
كل البنات تحت النوح والبكاء والعويل صارو عاريات واخذوهن لمكان جبير قذر حمام جماعي نتن يمشون بيه بنظام وبالسرى
المشهد كان صادم الي تحت أعين الدا.عشي الي جان متلذذ بالنظر لاجسادهن وهو يضحك ويسخر ويضرب بيهن ويتلمسهن
اني الي بقيت معاندة رغم المرأة اللعينة السمينة خالة غزوان مزقت ملابسي السودة بس بقيت متمسكة باشلاء تحمي جسمي مااريد اتعرى كدام هالمخلوقات النجسة وجنت معاندة واطلب منهم يق.تلوني بس ازداد حماسهم وضحكهم وي صراخي
ضحك الدا.عشي-: ما رأيك يا امرأة أن نأخذها الأمير يشبع رغباته من هذه الفتاة العنيدة الطرية يالها من جميلة وحتما ستعجب الأمير بلا أدنى شك ومن ثم يعطيها لخدامه كهدية
سحبتني خالة غزوان الحاقدة وضربتني على وجهي لطمة قوية اختليت على إثرها ودخت
دخل علينا جاري الحقير الي آمنت بيه وغدرني نفسهم داع.شي لعين
طلب من الدا.عشي إنه يطلع واشر لخالته
_ ما بها ؟
_ أنها حمقاء عنيدة ولو عرف بامرها الأمير لطلب منا قطع عنقها بلا رحمة ولكن ذلك لن يكون قبل أن ...
نظرتلي بقرف واني اعرف غايتهم بصقت بوجهها واشتاطت غضب لزمتني بيدها القوية وضربتني صاح بيها غزوان واشر بيده
سحبني من ايدي وخلع كل ملابسي وجانت هاي اللحظة أشبه بالموت بالنسبة الي
اقسم حسيت بكرامتي اندفنت وقلبي انفطر نصين
