#البارت18
#ذاكرة_الحب_والحرب
#زهراء_محمد_السراي
*********
- قـال امـير المـؤمنين ؏ـلي ´ عليه السلام '
جَميلُ الْقَوْلِ دالٌّ عَلى وُفُورِ الْعَقْلِ.
المصدر : عيون الحكم والمواعظ
”لعلَّ خيالي أوضحُ من واقعي.“
- محمود درويش 📒
خولة
_انتي كل شي ما تعرفين.. واذا مؤمل طيب مثل ما تگولين فأهله مو مثله
هنا سكتت وانتبهت لآخر كلمة گالها غزوان فعلاً چانو اهل مؤمل طاغين ويختلفون عن مؤمل وحتى مؤمل چان يكره تصرفات أهله السيئة واني وحدة من الناس الي عانيت منهم قبل لا اعيش وياهم واعاشرهم... اكيد مسوين مصايب وي غيري إذا چانو بمجرد كلام واتصال يگلبون كياني ويحاولون بكل الطرق يأذوني!! معقولة أهل مؤمل هم السبب شنو إلي سووه لغزوان وهيج حقد وقتل مؤمل زين إذا أهل مؤمل مأذينه ليش ما انتقم منهم هم
فعلاً هم ناس مؤذين بس شنو ممكن سوو لغزوان ومنين يعرفوه وهو دايگول أنه مخلص كل حياته بالخارج!
تعقدت عندي الأمور أكثر ما هي متعقدة ...
_مشكلتك وي أهل مؤمل؟
_مو مشكلة گولي مشاكل واكيد سببها أهله مو هو بس هو چان ذنبه انهم أهله وكرهته أكثر منهم... ويمكن أحد الأسباب أنه حصل على شي اني ما حصلته وما راح احصله أبد.. عاش عيشة اني ماعشتها وچان محظوظ ويملك كل شي حتى انتي چنتي من الأشياء إلي يمتلكها واكثر شي ردته منه انتي
_شنو كمية الحقد والحسد والغيرة!؟ كل هاي الأمور خلتك تقتل بشر بدم بارد عادي
_جنت رايد انتقم من أهله
_وتالي انتقامك شنو!؟
_ أم مؤمل دزيتلها مقطع فيديو چان كفيل يخليها تفقد عقلها وابوه مااعرف بالضبط شنو إلي صار وياه بس أكيد عاقبته سيئة ويستاهلها عاجلا ام أجلاً
_ليش ما تگول لنفسك انه انت هم عاقبتك راح تكون سيئة حالك حال كل إنسان حقير الله ما راح يترك الظالم وراح يعاقبك ومنتظرة هاليوم منتظرة رب العالمين ياخذ حقي وحق مؤمل منك بالدنيا والاخرة
_يعني شنو الي يصير!؟ اموت مثلا!؟
ما عندي مشكلة اموت بس مااريد أموت واتركچ هنا... قبل لا أموت مثل ما جبتج هنا لازم اطلعج واضمن مستقبلج بغيابي بعدني ما مخطط للقادم بس ما راح اتركج وحدچ وراح تبقين وياية من كل هاي الدنيا حصلتج أنتي... انتي تآمنين بالعوض وهذي الامور الدينية!؟.
تنهدت بحزن ونمت على مخدتي..
_اي مؤمنة
_ما متعمق ولا مؤمن بس أعرف أنه اكو عوض رباني وأنتي هذا العوض
لأول مرة اتذوق طعم السعادة بامتلاكي الج... مااعرف شنو الإحساس بس اني سعيد لأني گدرت امتلكچ سواء بالطرق المشروعة أو غير المشروعة
