#البارت19
#ذاكرة_الحب_والحرب
#زهراء_محمد_السراي
*********
- قـال امـير المـؤمنين ؏ـلي ´ عليه السلام '
فَضْلُ الرَّجُلِ يُعْرَفُ مِنْ قَوْلِهِ.
المصدر : عيون الحكم والمواعظ
”واحد من القرارات التي إتخذتُها، كان ألا أعاود الكلام أبدًا مع من لا يفهمني، الأمر غير مجدٍ على الإطلاق.“
- خوان مياس 📗
خولة
لمن طلعت المراقبات اخذوني اني والبنات لمكان المصابين وبدون ما تكون عدنا اي خبرة سلموولنا قطن وديتول وادوات طبية حتى نعالج الي نكدر عليه من اصابات بسيطة
صار گدامي ولد مو غريب شكله علية شايفته من قبل... چان متصوب برجله وتنزف هواية... هذا الشاب چان اسمه علي وياه صديقه سعد عنده إصابة سطحية بكتفه وملفوفة بلفاف أبيض ودايحچي بعصبية وي صديقه علي الممدود بالگاع ورجله تنزف وهو مفرفح من الألم وياهم واحد يفتر عليهم بقلق وكل شوية يسأل على علي بلهفة... باوعتله مستغربة مو من عادة الدو1عش يقلقون على احد بس هذا الرجل نظراته وتصرفاته خلتني اتسائل
حدسي بدأ ينبأني.. شكل الرجل وملامحه مختلفة عن البقية بيه لمحة عربية طاغية بشدة... حسب توقعاتي اعتقد واشك عمره بمنتصف العشرينات... نظراته ترقب وحذر حتى اني من باوعتله انتبه علية
مااعرف هاي اشارات من رب العالمين حتى تساعدني لو مجرد صدف البارحة التقيت بشامو الي توقعت بعد ما اشوفها واليوم بذولي المراهقين الي جانت ارادتهم وثقتهم متزعزعة بانفسهم وبتورطهم وي د1عش...
علي چان متمدد ويلوع من رجله اجتني وحدة من الد1عشيات شمرت علية ادوات وگالتلي اعالجه... قبل چانو إذا دوا1عش ينصابون ما يهتمون الهم ماتو ما ماتو طبهم مرض بس هسة گامو يهتمون بعناصرهم لأن قلت اعدادهم وداهموهم الجيش وزادت قوة وشجاعة واعداد القوات الامنية والحشد الشعبي.. والدو1عش تدريجياً بدأ يدب الرعب والخوف والضعف لگلوبهم التافهة
اجت أيام نشوف جثثهم تارسة الگاع أول مرة شفتها بيها الجثث وشميت ريحة الجيفة ظليت يومين بس اتقيىء وتلعب نفسي ونفسيتي تدمرت دمار رجعتلي الحالة من انضغط واظل املخ بروحي واريد اؤذيها عن طريق خرمشة جسمي وأزلغه بدون وعي ورجع غزوان ينطيني مهدئات وعلاجات وأبر... بالبداية چانت زوجات العناصر المهمة والامراء مدللات يعني اني بالبداية چنت بغرفتي أربعة وعشرين ساعة وتجيني صواني الأكل هاي ببداية التنظيم اني واعتقد باقي كم بنية يعني زوجات الأمير لأن چانو متحمسين ببدايتهم ويحچون فصحى وكله جواري ذني قسم من البنات الموحلوات والي يضطرن ينضمن الهم ويشتغلن خدامات واكو قسم من البنات مقتنعات بالخلافة والتنظيم وعقولهن مغسولة...
