ذاكرة الحب والحرب

٢٦

#البارت26
#ذاكرة_الحب_والحرب
#زهراء_محمد_السراي
*********

- قـال امـير المـؤمنين ؏ـلي ´ عليه السلام '

مَنْ عَاقَبَ الْمُذْنِبَ فَسَدَ فَضْلُهُ

المصدر : غرر الحكم ودرر الكلم

"‏الحالمون لا يمكن ترويضهم أبداً."

- باولو كويلو ।📗
خولة 

وبسنة 2016 بلشت تتزعزع ثقة قاعدة التنظيم اللعين...
حروب ، مواجهات بجبهات القتال اشتدت الحرب زادت الإصابات والقتلى من جانب الجيوش العراقية ومن طرف الدو1عش... بس بدأ التخطيط الذكي من قبل القوات الأمنية واكثر شي مفرح هو قبل لا الدو1عش يهجمون وينفذون اي عملية انفجار أو قتل ينصبولهم كمين وفخ يبعثر قواتهم

احساسي يگولي النصر قريب... الأخبار الي سمعتها أنه هواية مناطق حرروها ونقذوا الأهالي من قبضة الدو1عش

بقت منطقة سنجار واطرافها.. معشعش بيها د1عش
لكن كم بنت ايزيدية انهزمن وكدرن ينجحن بهالشي واكو ما حالفهن الحظ

للأسف اكو انتحرن قطعن شرايينهن واكو تجرعن السم وماتن...

الخوف صار ينتشر بين صفوفهم والرعب صار مصاحبهم ليل مع نهار... مو مثل البداية چانو يظنون بعنفهم واجرامهم ضد الأطفال والنساء هذي چانو يعتبروها قوة ومحد يگدر يغلب قوتهم بس انصدموا بقواتنا وجيوشنا انرعبوا بالغضب إلي واجهوه من أولاد الشعب المدافعين عن وطنهم واعراضهم

اهالي الموصل واغلبية القوميات ما چانو متوقعين أنه الي داينقذهم هم عراقيين منهم وبيهم... ماكو أحد عباله الوطن بكل قومياته واديانه يتحدون حتى يدافعون عن هذي العوائل والنساء

چنت افرح ومن فرحتي ابچي من اسمع اخبار النصر واسمع أخبار تفرحني بأولاد وطني الي رفعوا راسنا...

حتى الأهالي المجاورين بالأطراف صارو يساعدون اي شخص ينهزم من المقرات وبالذات اذا نساء او من الأسارى الي ياخذوهم الدو1عش بأثناء الحرب بالجبهات حتى يهددون بيه القوات لكن بسبب تدريبهم القوي وسرعة بديهتم وذكائهم يگدرون ينهزمون... ومرة شفت سعد ساعد اثنين من الأسارى وخلاهم ينهزمون

فرحت بالي شفته... سعد تغير من بعد وفاة صاحبه...

بسبب صدمتهم بقوة الجيوش العراقية إلي طحنوهم طحن  اختل النظام إلي جانو ماشيين عليه... صار اضطراب  ما گامو يميزون منو وياهم ومنو ضدهم وحتى الجواسيس الي بيناتهم ما ميزوهم

صارلي أيام وليالي افكر بالخطة التالية حتى الضابط إلي اتواصل وياه گالي أنه انطو أمر لعناصرهم خلال هاي الفترة ينسحبون تدريجياً... ومنتظريهم ينسحبون واحد ورى الثاني حتى يهجمون على المقرات المتبقية لو يفجروها بما فيها لو يهجمون عليهم ويحاربونهم حتى يحررون الموصل بأسرع وقت...