၇၀ ခုနှစ်က မင်းရဲ့ခင်ပွန်းဆီ ကံကောင်းခြင်းတွေယူဆောင်သွားပါ (ဘာသာပြန်)

အပိုင်း ၄၂ - စက်ဘီးနဲ့ လက်ပတ်နာရီ။

Unicode

၇၀ ခုနှစ်က မင်းခင်ပွန်းဆီ ကံကောင်းခြင်းတွေ ယူဆောင်သွားပါ

အပိုင်း ၄၂ - စက်ဘီးနဲ့ လက်ပတ်နာရီ။

စုယွဲ့က နောက်နေ့မနက်စောစောထကာ သူမရည်းစား ဟန်အိုက်ကောနှင့် ဈေးဝယ်ထွက်မှာဖြစ်တာကြောင့် အဘွားကြီး ဟန် ချုပ်ပေးထားသည့် စကတ်ကို ၀တ်ထားကာ ယခုအချိန်တွင် ရာသီဥတုက ပိုအေးလာသောကြောင့်၊ အပြင်ဝတ် အလုပ်ဂျာကင်အင်္ကျီကိုဝတ်ခဲ့သည်။ ဂျာကင်အင်္ကျီအရှည်က ခါးလောက်သာရှိသည်။ အဲ့ဒါက အရမ်းပိန်သွယ်စေပြီး စကတ်ရှည်နဲ့ကြည့်လို့ကောင်းတယ်။ သူမက မြို့ပေါ်ကနေဝယ်လာတဲ့ အဖြူရောင်သားရေဖိနပ်လေးကို ဝတ်ပြီးနောက် သူမ ဆံပင်ကို မင်းသမီးပုံစံ ချည်နှောင်ကာ နဖူးပေါ်တွင် ဆံစအနည်းငယ် ချန်ထားခဲ့သည်။

ပထမဆုံးအကြိမ်မလို့ ဝတ်ရတာ အရမ်းခက်တယ်။

ဝူချောင်းချောင်နဲ့ လီရှောင်ချင်းတို့လည်း ယခုအချိန်တွင် နိုးလာခဲ့သည်။ စုယွဲ့၏ ၀တ်စားဆင်ယင်မှုကို မြင်လိုက်ရသဖြင့် သူတို့နှစ်ဦးက အတူတူ “ဝိုး” ဟုပြောကာ သူမကို စိုက်ကြည့်နေကြသည်။

"စုယွဲ့ နင် ဒီလိုဝတ်တော့ နတ်သမီးလေးနဲ့တူတယ်" ဝူချောင်းချောင်က စုယွဲ့၏ မျက်နှာကို မနာလိုစွာကြည့်ကာ သက်ပြင်းမချဘဲ မနေနိုင်ခဲ့ပေ။ မူလက သူမသည် ချောမောလှပသူဟု သတ်မှတ်ခံရပြီး သူမသည် ငယ်စဉ်ကတည်းက ကိုယ့်ကိုယ်ကိုယ် ယုံကြည်မှုအပြည့်ရှိခဲ့သော်လည်း စုယွဲ့ နှင့်တွေ့ပြီးကတည်းက သူမ၏ကိုယ်ကိုယုံကြည်မှု ပျက်ပြားသွားခဲ့သည်။

သူမက အရမ်းနာမည်ကြီးတယ်။

စုယွဲ့က ဝမ်းသာအားရ လှည့်ပြီး လက်ပြခဲ့သည်။  "ဒါဆို ငါသွားတော့မယ်"

သူမထွက်သွားတာကိုမြင်တော့ ဝူချောင်းချောင်က သူမကို အလျင်အမြန်တားလိုက်သည်။ သူမရဲ့ သံသယမျက်လုံးများအောက်တွင် အိပ်ရာမှထကာ အိတ်ထဲမှ မျက်ခုံးမွေးခဲတံတစ်ဗူးနှင့် နှုတ်ခမ်းနီဗူးကိုကိုထုတ်ကာ ပြောခဲ့သည်။ "လာခဲ့။ နင့်ကို မျက်ခုံးမွှေးဆွဲပြီး နှုတ်ခမ်းနီဆိုးပေးမယ်။ ပိုကြည့်ကောင်းသွားအောင်"