နေဟန်မှိုင်းမှာ ကြမ်းပြင်ပေါ်တွင် ခန္ဓာကိုယ်နေရာအနှံ့ကို ကန်ကျောက်ခံနေရပြီး ကျင်စက်များဖြင့် ဝိုင်းထိုးခံရသည့်အတွက် နံရိုးများအောင့်လာသလို အရေပြားများလည်း ကျိန်းစက်နေသည်။ ပါးစပ်ထဲမှ သွေးများစီးကျလာသည်။ ထို့နောက် နာကျင်မှုကို အံတုကာ သူရယ်မိသည်။
" အဟက်ဟက် "
နေဟန်မှိုင်း၏ရယ်သံကိုကြားလျှင် ပို၍ဝိုင်းနှိပ်စက်ကြသည်။
" ရယ်နိုင်သေးတာလား "
" ရယ်ချင်အုံး "
" မင်း မရယ်နိုင်တဲ့အထိ လုပ်ပေးရမှာပေါ့ "
နေဟန်မှိုင်းကတော့ အနှိပ်စက်ခံရလေ၊ ပိုလှောင်ရယ်မိသည်။ ဤသို့ဖြင့် နေဟန်မှိုင်းကို စိတ်ကြိုက်နှိပ်စက်ခဲ့ကြသည်မှာ အချိန် ၄ နာရီကျော်ကြာမြင့်သွားလျှင် နေဟန်မှိုင်းလည်း သတိလစ်သွားခဲ့၏။
ဦးမိုက်ကယ်က သူ့အခန်းထဲတွင် ဇနီးဖြစ်သူ မယ်ဘယ်ရာနှင့်အတူတူနေနေသည်။ ကုတင်ပေါ်ပေါ်တွက် မှောက်လျက်သားနေနေပြီး ဇနီးသည်၏နှိပ်ပေးမှုကို ဇိမ်ခံနေခဲ့သည်။ ထိုစဉ် အိပ်ခန်းတံခါးခေါက်သံ ထွက်ပေါ်လာသည်။
" ဆရာကြီး ... ကျွန်တော် အခန်းထဲ ဝင်လာလို့ရမလား "
" အေး "
" ဟုတ်ကဲ့ "
တပည့်ဖြစ်သူလည်း တံခါးကိုတွန်းဖွင့်ကာ အခန်းထဲသို့ဝင်လာပြီး ကုတင်ရှေ့တွင် ရပ်နေခဲ့သည်။
" ဆရာကြီး ... သူ မေ့လဲသွာပါပြီ "
တပည့်ဖြစ်သူက သတင်းပို့လာသော်လည်း ဦးမိုက်ကယ်က စကားပြန်မပြောခဲ့ဘဲ ငြိမ်နေခဲ့သည်။ ထို့ကြောင့် သူ့တပည့်ဖြစ်သူကလည်း ဆက်မေး၏။
" ဆရာ ... သူနိုးလာရင် ဆက်ပြီးနှိပ်စက်ပေးရမလား "
" မလုပ်နဲ့ .... ခု သူ့ကိုကြိုးတွေဖြည်ပေးပြီး ကုတင်ပေါ် တင်ပေးထားလိုက် "
" အာ ... ဟုတ်ကဲ့။ တခြားရော ဆရာကြီး ဘာခိုင်းစရာရှိသေးလဲ "
" မလိုတော့ဘူး။ ထွက်သွားတော့ "
" ဟုတ်ကဲ့ပါ "
ဦးမိုက်ကယ်လည်း သက်ပြင်းချပြီး ပြန်ဇိမ်ခံနေသည်။ ဇနီးဖြစ်သူ မမယ်ဘယ်ရာမှာ သူ၏ကျောကုန်းကို သူမ၏လက်နှစ်ဖက်ဖြင့် အကျောထိအောင် နှိပ်နယ်ပေးနေသည်။ ထို့နောက် ယခု ဦးမိုက်ကယ်၏တပည့်များနှိပ်စက်သည့်ဒဏ်ခံရသောသူအကြောင်း မေးမြန်းချင်ခဲ့သော်လည်း ယောက်ျားဖြစ်သူ စိတ်ဆိုးမည်ကိုသူမကြောက်နေမိသည်။
YOU ARE READING
မေတ္တာတစ်မိုးအောက်က ဦးရဲ့အကြင်နာငွေ့လေး//Completed//
Romantikus" နှလုံးသားရဲ့အနက်ရှိုင်းဆုံးနေရာမှာ ၁၅၀၀ နဲ့ ၅၂၈ သီအိုရမ်မေတ္တာအစုအပုံတွေ တစ်စတစ်စ ပေါက်ဖွားလာတယ်။ အဲဒါဘယ်သူ့ကြောင့်လို့ထင်လဲ။ နှစ်ယောက်မရှိတဲ့ ကိုယ့်မိန်းကလေးကြောင့်ပေါ့ ... " 🤍 Normal OC Fic လေးပါ 🤍 Eternal Sunshine (BL) နှင့် ဆက်စပ်မှုရှိပါ...
