MY EX IS MY HUSBAND (PUBLISHED UNDER PSICOM)

Pahina 3

Klaire's POV

"Ano ba babe? Ang hirap hirap namang makipag ayos sayo, isang linggo na kong nagsosorry sayo, ano pa bang gusto mo?" sabi ko habang corner ko sya sa hagdan.

"E di tumigil ka sa pakikipag ayos sakin, pinipilit ba kita?" pabalang nyang sagot.

"What is wrong witn you?! Ang simple lang naman ng kinagagalit mo na nawalan ako ng oras, sobrang busy lang ako dahil sa acads. Simpleng dahilan lang naman yun hmm kaya sorry na talaga" patuloy kong pangungulit sa kanya.

Hindi kasi ako sanay na ini-ignore nya ko ng ganito.

"Oo na, Tumigil ka na"

"Talaga?" paninigurado ko, tumango naman sya, dahil dun natuwa na ko at niyakap ko sya.

Ang saya-saya ko! Okay na kami sa wakas. Naramdaman kong yakap na din nya ko. I felt weird because I felt like pati pagyakap nya sakin ay nagbago. Nababaliw na ata ako.

Nagulat ako ng bigla nya kong bitawan at medyo lumayo sya sakin. Marahan nya din akong naitulak, muntik pa kong mahulog sa hagdan. Buti at nakahawak agad ako sa isang gilid.

Napatingin naman ako sa tinitingnan nya.

"Ashley, bakit?" bigla nyang tanong sa babaeng pababa na patungo samin.

Habang papalapit sya ay namukhaan ko ito, sya yung babaeng bagong transfer samin, yung maganda at maarte.

Tsk! Gusto ko pa sana mainis dahil sa presensya nya pero mas nalulungkot ako sa ginawa ni Dwayne sakin.

"Hinahanap kasi kita" sabi nung Ashley sa boyfriend ko.

"Bakit mo naman sya hinahanap?" tanong ko, cutting them off.

Bakit nya naman kailangang hanapin ang boyfriend ko?

"Sya na kasi yung napili naming kapalit muna ni Kath bilang lead singer ng band para sa darating na school festival" Dwayne answered instead.

Oo nga pala, naalala kong nagkaproblema si Katherine sa lalamunan nya at inabisuhan syang di muna sya pwedeng kumanta for 3 months.

"Nakahanap ka na pala ng kapalit, hindi mo man lang sinabi sakin" I tried my best na wag ilabas ang inis sa tono ng boses ko.

Hindi talaga maganda ang pakiramdam ko sa Ashley na ito.

"Lahat ba kailangan nyang sabihin sayo?" Ashley asked me kaya napataas ang kilay ko.

"Hindi naman lahat pero dahil girlfriend nya ko, I think he can share that with me at sino ka ba to ask me this kind of question?" inis na inis kong tanong dito. Ano bang problema nya sakin?

"Ano ba naman Klaire! Napaka isip bata mo, pumasok ka na nga lang sa klase mo please? Ashley and I have to go to the rehearsal" sabi ni Dwayne sakin at basta-basta na lang na tumalikod sakin at sumunod naman si Ashley.

Nakatingin lang ako sa likod nya habang lumalakad sila palayo sakin.

Ang bigat ng nararamdaman ko. I wanted to cry for some reason.

Alam nyo yung pakiramdam na, unti unti kang manghihina at nangiginig yung buong kalamnan mo?

Nagulat na lang ako noong maramdaman ko ang pagpatak ng luha sa mata ko, ilang taon na kami ni Dwayne pero ngayon lang ako umiyak ng ganito. Ngayon lang ako nakaramdam ng ganito galing sa kanya. Napakalamig ng trato nya sakin. Para syang ibang tao.

Pababa na sana ako ng hagdanan ng biglang mawalan ako ng balance at ini expect ko na ang pagbagsak ko sa sahig ng may biglang humawak sakin and pulled me back.