PLAYER | yoonmin | (mizo)

01.Basketball court

Ka room ah chuan ngawi rengin ka rilrua thil awm te chu ka ziakchhuak leh mawlh mawlh a, pawnlama mi tawng ri leh motor thawmte chuan min tibuai lem lo. Ka room kawngka chu tuemaw hian a rawn kik karh karh a.

"Aw...."

Kawngka chu a rawn inhawng a, ka thianpa Jae Chang alo ni. A kutah ball a keng ran bawk.

"Yoongi i buai viau loh chuan vawiin chu lo tel ve tawh la?, ka chhanna beisei zetin min en a.

"Aa..."

"Mawh?? Kan kim lo thei lutuk a, awmzia awm thin lo. Bakah kan zingah i thiam ber a, i tello chuan nuam kan ti tlang lo ania".

Ni hnih zet chu ka inkhel ta lo. Ka room ah inkhung chawtin ka hla phuah te ka ziakchhuak mai mai zel a, hla kher lo pawh ka rilrua awm awm ka ziakchhuak mawp mawp thin ani ber. Tunlai ka awmdan hi ka inhrethiam lo, rilru hah thut thutna leh ngui riauna hi ka nei thar tlat. A chhan ka hre bik lo.

"Yoongi..?"

"Aw, anih kan insiam lawk ange", chhuat atang chuan ka tho a, Jae Chang chuan pawna min lo nghah tur thu sawiin a chhuakzui a.

Ka jersey chu lachhuakin ka ha nghal a, ka kekawr pawh thlak in ka inpeih hnu chuan ka chhuak zui nghal a.

Court-ah chuan an lo awm nual tawh a, tlai dang aia kan hma deuh avangin ni pawh ala sa angreng viau.

Chang Min chuan, "Yoongi vawiin chu kan tan tlan hle a ngai dawn ania aw..", a rawn ti a. A ni hi a ruka min er deuh tu a ni. Tawngka a chhang lo in ka khisuk ringawt a.

Ni hnih zet ka inkhelh tawh loh avangin nidang aiin ka hah hma a, mahse tan ka lakdan erawh a ngai pat thung.

Kan pawl lam chu kan che tha zar zar hle. Zepthu cheng lo, kan zing ah nanana chuan ka thiam ber tlat a tin ni.

Lehlam pawlho chu kan dah nil deuh ta char char mai a, ala hma deuh bawk a, hun pawh kan ui lo in kan hmang chak tlang viau.

Kan chet that zar zar zawk avangin Chang Min hmel chu a hlim tawh lo hle a, a rukin ka hmu ve kar a, ka hmu reng tih erawh a hre lo thung.

A tawp ah chuan Chang Min chuan ball chu chhuatah a paih ta thuai a, amah chu kan en nghal thap.

"Yoongi, vawiin chu in che fair lo hle mai!"

Kan ngawi thap a.

"Enge kan fair lohna? Nidang ang tho alawm".

"Ka hmu reng che u lawm, kan chetthat ve dawn apiangin min rawn nek zel anih kha".

"Chang Min, chutiangin kan ti ngai hleinem. Ngatinge hetia i awm a?", Jae Chang chuan a ti a.

"Chang Min thusawi chu a dik ani. Yoongi ni hnih i rawn khel tawh lo a, tunah kan point tha sa chu rawn tihchhiat i tum ani!", Chang Min thianpa Hee Soon chuan a rawn ti ve bawk a.

"Lawkin tinge Yoongi hi inpuh vek a? Tun ami te hi chu infiamna satliah ang lek ania, point te chu ala siam danglam theih vek alawm, tunah kan khel tan ve chauh ani a, hun ala tam alawm", Jae Chang chuan a ti a.

"Yoongi tello pawn in point a ngai reng a, a rawn tel tak chinah min dah hniam in tum anih hi", Chang Min chuan a ti leh a.

"Duhtawk phawt ang u. Tiang chuan boruak a tha dawn lo", tih leh kalsawn ka rual a. Midang ho chuan min en nghal thap a.

Diktak chuan Chang Min kha Point tih vel vanga buai ani lo. A ni aia ka thiam zawk vangin ka tel ve kha min huphurh ru ani tih ka hre ve reng. Mahse chu erawh sawichhuah kher tul ka ti lo thung. Pumrua ah chuan kei aiin a lian daih zawk a, mahse basketball ah nanana hi chuan min tluk ngai lo ang.

Kan vengah chuan a khawsa thei pawl tak an ni a, a chapo ve hrep bawk. Hee Soon nen hian a inkawp fuh hle a, Hee Soon hi a duh duh na a a tirh kawi theih ani a, Hee Soon hian a tlawn ani deuh ber zawk.

Chutia ka kal tak daih ah chuan Jae Chang pawn min rawn zui vat a, kan rualin midang pahnih an rawn kal ve bawk a.

Kan kal hlat deuh hnu chuan, "Chang Min chu khelhpui hahthlak tak ani. A thu a duhin midang sawisel a ching bawk si", kan kalpui pakhat zawk chuan a ti a. A thianpa pawh chuan,

"A rawn tel ve tawh chuan boruak engemaw hi a awm ziah alawm", alo ti ve bawk a.

Jae Chang te nen an pathuma an inbiak ho lai chuan keichu ka lo ngawi reng a, buaina tham tling lo a Chang Min a'n boruak a siam ziah mai chu kan hrechiang tawh tlang ani.

Thutna a ka hoodie dah chu ka ban a, ka ha zui nghal a, tui te kan in leh te te a, muangchang chuan inlam kan pan a.

Jae Chang chuan ala hma tho a, coke inkawi ang a tih avangin an veng lamah kan kawi a, kan thiante pahnih erawh kha chu an veng lam panin an kal daih tawh thung.

An veng tawn tirhah hian cafe lian angreng leh lun tak, an hawn thar a awm ani awm e. A sawina lam chu kan pan nghal a.

Yoongi

My first Yoonmin story.
I do not own any picture and video.
Credit to the rightful owner.
💜💜