PLAYER | yoonmin | (mizo)

46.Dream

Inchhung ka luh chuan eomma te chu an lo la let lo tih hriat takin a reh thap a. Sofa-ah chuan ka thu thla hnawk a.

Tukina eomma thusawi leh vawiin lama ka mi hmuhte khan inzawmna an nei angem tih te chu ka ngaihtuah a.

Jae Chang chuan ka inkhel hman dawn em tih text message min rawn thawn a, vawiin lam ka chauh deuh avangin ka peihloh thuin ka chhanglet a.

Inbual harhin dinner chu a awlsam thei ang berin ka ei a, eomma emaw appa emaw pawn min rawn be miah lo chu mak ka ti angreng.

***

Inhnuailama kan kawngkhar na taka inkhar ri thuai ah chuan ka harh zawk a, sana ka en vat a, dar 11 p.m. lai alo ni tawh. Eomma te an lo haw tihna mi le? Ka khum atang chuan ka tho vat a.

Inhnuaiah chuan ka chhukthla a, eomma leh appa chu kawngka bulah dingin zawi te tein an lo inbia a, ka thawm an hriat veleh min rawn en a, an inbe lai chu an tawp chat a.

"Eomma, appa, in lo let chiah ami?". An bulah chuan ka ding a.

"Aw bawiha, ila mu lo em ni?". Eomma chuan pangngai tak chuan a ti a, mahse an awmdan hi zep nei an ang ka ti khawp mai. Appa chu ka en a.

"Appa, tinge a? Khawnge eomma nen in kal a? K-ka lakah hian, engemaw--engemaw zep in nei ami? I-in hmel a dik miah lo ania appa?". An pahnih melh tawn chung chuan ka ti a.

Eomma leh appa chu an in melh zawk a.

"Bawiha, kan fapa i ni a, engvang tehlul nge i lakah zep kan neih anga, chutin ngaihtua--", eomma in a tihlai chuan appa chu alo tawng vat a.

"Nilo e duhtak, engkim kan sawi angai, engkim kan fapa hian ahriat ve vek angai zawk ani".

Maw?! Engthu nge appa hian a sawi tak?! Enge ka hriat ve loh thil awm a, eomma leh appa te meuhina ka laka an zepa an thup chu?!

"E-engkim a? Enge ka hriat ve tur thil chu ni a appa? Han sawi teh u.. Enge ka lakah hian in thup chu ni a eomma? Appa?". An pahnih chuan ka en a.

"Bawiha". Appa chuan thawk chu a'n la leh halh a. "I pate Choi-a khan mi ram a hralhna leh khami thil nena inkaihhnawih reng reng ah khan ama hming leh ka hmingin thil alo ti a, a hunlai khan ram a hralh tih leh engkim felfai taka buaipui anih thu min hrilh a, mahse hmanni a Choi-a kan hmuh leh tak hnu khan aman thil awmzia leh thil nihna diktak min hrilhhre ve chauh a, ama hmingin engkim a buaipui amaw ka lo tih char char thinna kha, a chanve lai chu ka hmingin alo ti si a, keiin a hunlaiin engmah ka hre ve silo.

A hminga thil a tihna chu a tifel vek a, ka hminga thil a tihna erawh kha chu engmah buaipui zui anih tak loh ah leh tuman an buaipui zui tak loh avangin ani chu an rawn zawng a, an hmuh tawh hnuah pawh ani lam kha chu a fel vek avangin ka hminga thil a awm takah chuan min rawn zawng ve a, bawiha, chung thil chu kan buaipuia kan bawhzui thei dawn lo anih chuan pawisa chawi mai bakah kei hi min man daih thei bawk ani".

Appa thusawi chuan min deng dawt ani ber! Eomma chuan a mittui alo hru mawlh mawlh a.

"M-mahse Ahjusii te chu a kalbo tawh kha, c-chuan tinge a hminga engkim fel vek si chu an zawn an zawn ni?". Ni e pu Choi-a an zawn reng nachhan kha ka hrethiam lo.

"A thua engkim alo tih vangin leh ka hminga thil alo tihna kha aman a buaipui zui leh tak siloh vang ani". Appa chuan a rawn ti leh a.

"Bawiah, he thu hi hre lo la kan ti zawk a, buaina kan tawh palha i rilru a hah a i nat kan hlauh vang zawk ani i laka kan lo zep ni", eomma chuan a ti a.

"A awmzia chu pu Choi-a hian a bum che tihna ani maw appa? Engtin nge hetiangin i chungah a tih theih zawk a, i theihtawpin i duhsak ve thin ani lawm ni! Ahjussi chu ka hmuh hun chuan--", ka tihlai chuan appa chu a rawn tawng vat a.