PLAYER | yoonmin | (mizo)

42.Playing

"Muangchang khan aw..", Yoongi kawngah chuan kuahin khumah ka muttir a. Damdawi i duh em? Nachhawkna ka lak ang che aw..?".

"Damdawi k-ka duh lo Jimin..", ka kalsawn tur chu ka banah min pawt ding a.

"I nat em kha Yoongi hyung".

"A-a ngai lo, engmah a n-ngai lo"

A duh tak loh ah chuan a bulah ka thu a. Ngawi rengin a pum a dawm a, ka en reng a.

Ka phone rawn ri chuan a Yoongi ka en rengna ata min hawisawn tir a, Jungkook call alo ni. Min hmuh thu leh khawnge ka awm thu min rawn zawt a, ka nawmsam loh avanga haw leh ta angin ka insawi a.

"Jimin, k-keimah vangin d-dawt i sawi kher a ngai hleinem", Yoongi chuan a rawn ti a.

"Khata awm reng kha ka chak bikloh vang alawm..", ka tho a, bathroom-ah tuilum leh puan ka la a, Yoongi chuan min lo en reng a.

"Enge i tih dawn?".

"Damdawi i duh bawk silo a, tuilum hian i pum kha ka lo dep tal ang".

Min chhan a tumlai chuan puan chu ka chiah huh a, ka sawr hnuah a kawr chu hlimin a pum chu ka dep a.

"Jimin, min haw miah lo mi?".

"Hyung huat nachhan tur che ka nei hleinem", ka thil tihlai chawl chuang silo chuan ka chhang a, ka rilru tak tak nilo in ka nui a.

"Min haw miah lo maw?! Anih chuan ka chunga i rilr-".

"Kha kha chu sawiri lo ang", ka kut chu ka lasawn a, thawh ka tum a.

"Jimin, sawi leh rawh. K-kha thu kha, sawi leh rawh".

"Nilo e Yoongi hyung, i hresual angah ngai zawk rawh".

"M-mahse ka hresual silo a Jimin-ah. Ka hre leh duh ani", a lamah min pawt hnai a. "Ka kalsan ngai lo ang che ka tih kha".

Yoongi thusawi hian eng chiah nge a kawh ka hrethiam tawh lo, min kalsan ngailoh tur thu sawi fo mah se, enge chu chuan a kawh ber ka hrethiam lo ani.

"Ka buainaa i tel ve zel a ngai thin hi min ngaidam dawn nia Yoongi hyung".

"I laka ka thutiam ber ka la hlen lo asin Jimin".

Yoongi chu ka en vat. "Chumi hlen tur chuan em ni i rawn lan leh?". A mitah chuan ka enkar a.

"Chu chauh chu ani lo Jimin. Mahse ka sawi tawh chu ring phawt rawh".

A tha e. A insawi ang hian ka ring phawt tur ani, ka tihsual leh ka mawh ania, tumah va mawhpuh ka tum lo. Mahse ka tifuh kher angem? Beisei loh thil thleng leh ta daih si se, keimah bawk hi a tuartu ka ni leh angem?

SUGA's pov :

*days skip*

"Duhtawk ang, ka chau tawh", Jae Chang chuan a kutin a chala a thlan chu a hui a.

"I va fit lo sawt ve, ala reiloh em hi".

"Nia, ka hre bik lo. Zanin chu a mood-ah ka cheng lo", a ball kenlai chu a tisawt a, kan thawmhnaw dahna lam kan pan a.

"I bialnu chuan a then dawn che tih a sawi ngei amaw?", a hnunga zui pah chuan ka ti a.

"Ka hre lo le. Ka theihtawp chuan ka chelh ve alawm, mahse kawng a awm tawh loh hmel. Yoongi, nang ngaihzawng hi i ngaihsak miah lo mi a?", min rawn en a, a jersey hlipin thawmhnaw pangngai a ha a.

"Ka ngaihven daih tawh zawk alawm", ka tih chuan awihloh hmel deuhin min en a, tih ngaihna hrelo zetin tui a in ringawt a. Keipawn chhang zui tawh lo in ka inthlak ve zung zung a.