PLAYER | yoonmin | (mizo)

52.With you

Taemin kha alo thlenna a rei tawh em?", Yoongi chuan kan infawhna chu a thlah a.

"Cafe-ah a rawn kal a, dinner ei turin kan inzui haw a..".

Yoongi hi thil hrechiang hmasa lo in thinrim vak thin mah se, han sawifiah chuan a hrethiam leh mai thin.

"A khawih che em?", ka taksa pum pui chu a enchhuak nghal vek! Yoongi awmdan avang chuan za takin ka nui chiam a. "Ka sawi dik tiraw?".

"Aih, aih nilo e, Yoongi hyung, c-chutiang engmah a a-awm lo, engmah..". Ka nuihzat luatah engmah ka sawi tha thei lo.

"Nui suh. Ka nuih a za ve lo ania Jimin!".

"H-hyung, n-ngatinge tiang hian i tih a?", khuma atang chuan ka tho a, ka nui lai chu min en reng a.

"A tha e, ka ring ang che. Min lo zui rawh", kawngka lam pana a kal chu ka zui nghal a.

Living room ah kan awm dawn amaw ka tihlai chuan kawngka lam panin a kal tlang a, a hnungah chuan ka ding a.

"Yoongi hyung, khawnge kan kal dawn?".

"Min lo zui zel phawt rawh".

Ka chhan nghak lem lo tak chuan a kal zel a, gate pawn a thlen chuan a rawn lehhawi a, kawngka bula ka lo la ding reng min hmuh chuan a mit a rawn zim san a.

"Tah khan i ding reng dawn em ni a, Park Jimin?". A hmui hnuai chu a seh sawi zauh a.

"Aw! Min hruaina tur han sawi ve phawt la, tichuan ka lo kal chauh ang!".

"A tha e, min zui lo mai rawh", amah chuan a kal nghal nul nul a, ka zui leh ta nge nge.

"Hyung, ke in mi kan kal dawn? A hla lo em ni? Motor i rawn keng lo zawk nge? Ka car ka va lachhuak dawn mi?". Yoongi um pah chuan ka ti phei lang lang a. A rawn lehhawi vut a!

"Zawhna i va ngah em em ve Jimin-ah! Ngawi reng khan i rawn kal hle hle thei lo em ni? Motor tihvel ken a ngai lo! Ngawi reng khan min lo zui rawh".

A sawi duh a sawizo a, a kal leh nghal daih a, Yoongi chu a thinrim lo tih ka hria, vawikhata zawhna zawh nghek nghek a ngaitheilo ani ngei ang.

"Anih min lo nghak rawh..".

Yoongi nen chuan ke in kan kal zel a, zantir mai ala nih avangin khawlaiah mi an la tam em em a, motor lah a tam vanglai tak ala ni bawk a.

Thla tam vak lo liam ta a amah nena kan lo kal tawhna ah chuan Yoongi chu a ding a. Hmalam chu a en vang vang a.

"Hyung, tah hian enge kan tih dawn? Ball kan keng bawk silo a", Yoongi chu ka en a, ani chuan court chhung lam a en daih thung.

"Engmah kan ti dawn lo, lut ila", a ke penin hma a hruai a.

Kal pah chuan court ruak huai chu ka thlir a, hetah vek hian Yoongi nen basketball reilote chu kan lo khel dun ve tawh anih kha.. Tunah kan pahnihin chu hmunah ngei chuan kan kal leh a, mahse tun tumah erawh chuan eng ti tura kal nge kan nih ka hre lo thung.

Yoongi thutna bulah chuan ka thuthla ve a.

"Hyung, inkhel turin kan kal lo tiraw?".

"Aw kan inkhel lo ang Jimin, mahse hetah hian kan kal a ngai ani".

"Mahse kan inkhelh dawn chuan siloh chuan enge kan tih vak ang a?", tihtur neilo a helaia kan kal ngawt chhan hi ka hrethiam lo.

"Jimin, he hmun hi i ngaina ve em?". Yoongi chuan min en lem lo chuan min zawt a.

"Ngaina e hyung, ka inkhel ve lutuk lo na in ka ngaina ve khawp mai". Infiamna lam hi ngaina lutuk mi ka ni lo a, mahse han tih ve zawk chang chu ka nei ve tho mai. A tuichilh tak ang zawng hi chuan ka tuichilh lem lo.