Zing hma takah ka harh a, Jimin chu ka en a, ala mutui hle mai. Ka inphihharh hnu chuan Jimin chu alo harh huna a chhiar tur message ka thawn a, ngawi reng chuan an in chu ka chhuahsan a.
In ka thlen chuan eomma chu alo tho tawh a, "bawiha i lo va let zing ve, i ril a tam em?", tiin min lo be nghal a, nu te nge nge chu min ngaituah thin teh e.
Thil te eia ka inhnawhpuar hnu chuan inbual turin room lamah ka chho a, inbual pah chuan nizan lam thil thleng ka ngaihtuah a, Jimin a'n min rawn kiss ringawt kha ka mitthla ah a cham reng zuk nia!! Mipa han ngaizawnga han kawpder tur chuan ka la inngaihtuah chhin ngai lo, mahse nizana Jimin ti tak tak hmel leh hlauthawng hmel pawisawilo zet khan ka thinlung a khawih miau si. Kei chauhin min pui thei niin a sawi a, heichen hi kan inkawm ve tawh a, Jungkook lo chu thian dang a kawm hi ka la hre lo. Ka la hmu lo bawk.
Thil pakhat! Hmanzana Jungkook nen min kohchhuah chhan kha enge ni tih ka zawh theihnghilh fo, thla tam a liam tawh a, tihian a chhan hrelo in ka la awm reng chu nia, keipawn ka veizui em em loh vang ani pakhat. Mahse Jimin ka hmuh leh hunah ka zawt ngei ang.
Nilenga hna ka thawh hnu chuan tlai ban alo hun leh ta der mai. Jimin hnen atangin eng message mah ka dawng lo a, keipawn ka be zui lo.
Dawr atanga ka chhuak chiah chu ka kepen lai ka tawp nghal chawt!
Jimin hetah maw?!
"Hey hyung! Ka lo nghak che a. Umm diktak chuan min zuiruk leh ka hlau a, tihian ka lo nghak ve tawp mai che", a inthlahrun hmel takzet.
"A pawi hleinem. Nih kal ila..".
"Suga hyung, mak min ti em?", ngawi renga kan kal hnu chuan Jimin chuan a rawn tichhuak a.
"Engvang chuan maw?".
"Hetianga ka awm vang hian".
Ka nui a, "Jimin, ngaihtuah hah duh mah ta che. Mahse thil pakhat min tiam thei angem?".
"Han sawi la hyung, harsa tak te anih loh chuan".
"I sawmna kha ka pawm anga, mahse a kalbo hunah nun pangngai tak leh kan inthianna pawh pangngai takin kal leh sela ka duh a, chu chu i thei ve angem?".
A kawng kallai chu a ding a, rei vak lo chu a ngawi a.
"Suga hyung, keipawh chu chu ka duhdan chiah ania alawm, mahse engtikah nge a kalbo anga engtik hunah nge a rawn inlan ang tih ka hre tlat silo alawm, chu ber chuan min tibuai ani".
Jimin thusawi chu a dik ve tho, lehlamah amah ka khawngaih vanga pui tur ka ni a, eng rilru thianghlim lo mah ka pu tur ani lo, tiin ka infuih ru mawlh mawlh a.
"Chuan Jimin-ah, khami zan khan enge Jungkook nen khan min kohchhuah chhan?", tiin ka hriatlai chuan ka zawt ta a. "Kan rawn kal ve em em a, hmuh tur i awm leh silo, phone i chhang thei bawk silo..".
Ka sawi zo chu hmuh theihin Jimin hmel a rawn inthlak danglam nghal vek!
"Tinge a?", ngaihtha lo tak chuan ka ti a.
"Suga hyung, khami zan khan ka lo kal ngei alawm. M-mahse ani khan engemaw min hnimtirin engmah ka hriatloh laiin min man daih alawm, mahse Jungkook chiahin a hria", a ti sap a. Ka thu hriat chu mak ka tiin min thawng hle.
"I chhungte pawn an hre lo maw, i chhungte pawh i hrilh lo maw?".
"Tuna ka nihna pawh hi Jungkook chiahin a hria. Suga hyung min hrethiam rawh aw, ka nihna hi ka dang zo silo, a ruk hian hreawm ka ti ve thin lutuk asin..".
"Anih engtik atangin nge tianga i awm?".
"High school ka rah tantirh atangin..".
Chutia Jimin a'n a sawizawh chuan mahni rilru ve ve kawmin ngawi rengin kan kal a.
YOU ARE READING
PLAYER | yoonmin | (mizo)
FanfictionYoongi is straight. But when Jimin confessed his feelings for him, what will Yoongi do??!! ✩My highest rankings✩ 🥇 #1 - mizo 🥇 #1 - mizostory 🥇 #1 - mizobts 🥇 #1 - btsmizo *A hmasa in kei hi Shipper ka ni lo a, tuna mi pawh hi mi lo ship tawh s...
