PLAYER | yoonmin | (mizo)

50.Home

SUGA's pov :

Shower ka nei zo chu dinner ei turin inhnuaiah ka chhukthla a, appa pawh a hna a kal leh tan tawh a, zanin hian hna ka ban hma avangin eomma nen dinner kan eirual theih phah bawk a.

Dinner eipah chuan eomma chuan appa in a hna a zawm leh thei chu lawmawm a tih thu a sawi a.

Eomma nen chuan zandanga kan tih ngai zen zen loh dinner eikhamah chuan living room-ah kan thu a, appa alo la haw lo a, hna a kal tan bawk nen a buai nghal viau anih hmel.

Eomma chu coffee hang ka siamsak a, ka in ve peih loh avangin no khat chauh chu living room lamah ka kengphei a, kawngka lamah chuan thawm a rawn awm ve chiah bawk.

Kawngka lam chu ka en vat a, appa lo lut chiah chu ka va hmu a.

"Appa, ilo thleng ani maw?", appa ta tur coffee chu ka siamtel nghal bawk a.

Living room-a ka let leh hnu chuan eomma leh appa te chu an lo titi tui hle a, an coffee in tur chu dawhkanah dahin ka room lamah ka chhohsan a.

Jimin ka la biak leh miah loh avangin ka call nghal a, vawiin a lam na chungchangte ka zawh chuan a rinai daiha a lam that thuin min chhang a, ka lo hlimpui ve hle.

Jimin lo kir hun tur ka zawh chuan a thian chharthar lam ni a awmthlen tur thu leh an lo let leh hun tur ala sawilawk theihloh thuin min chhang a, chuan.. thian thar maw..

Ka mutthilh theih lawk loh avangin drawer ami damdawi chu ka en vang vang a, inngaihtuah nawn duhlo in ka ei nghal a.

***

Ka hna bang in ka thlen chuan eomma leh appa choka ah lo awmin appa chuan phone alo bia a, eomma chu a rilru a hah hmelin kawngka bula ka ding pawh chu min hmu lo.

"Min hrethiam la, tun thla hun min pe ula chumi hnuah engkim kan tifel vek ang tih ka tiam a che u..".

Appa chuan tunge a biak tih ka hre lo, mahse rindan chu ka nei.

"Eomma!".

Eomma'n min hmuh chuan a hlauhthawn hmel lehzual! Mahse zawhna engmah zawh ka tum rih lo. An bulah chuan ka kalhnai a.

"Min ring rawh u! Ka sawi ang ngei chuan-- h-hello helloo..".

Appa biak chuan phone a dah ani ngei ang, thaw halhin phone chu dawhkanah a dah a, appa chu rilru hah tih hriat zetin a chal a dawm a.

"Appa, ngatinge? Tunge i biak kha ni a?".

"Yoongi, buaina kan tawk ta ngei anih hmel, engtin nge tunah pawisa kan pek tak ang..?".

"P-pawisa maw?! Ngatan nge pawisa chu kan pek anga appa? Tu bulah? Tute hnenah nge? Engvangin nge kan pek ang?", zawhna chu ka zawt nghal mawlh mawlh ani ber.

"Bawiha, i pa man tute khan ram hralhna pawisa kha min rawn dil alawm le..", eomma chuan a rawn ti sap a.

"Maw!! Mahse tah chuan enge appa hian tihsual a neih ve? Engahmah a inhnamhnawih ve hleinem!", thinrim tak chuan ka ti a.

"A dik alawm bawiah, mahse lehkha pawimawhah a hming a lang tel ve tlat bawk si ani".

Engmah sawi zui tur hrelo in eomma leh appa chu ka entawn a, dawhkan bulah thu in an ngui nghiai a, ka khawngaih dun ngei mai.

Ka hmuhah eomma leh appa hian lunngai hmel an la pu lo, hmuh hreawm ka tih em avangin ka room-ah ka chho ta daih a.

Shower ka neizo bathroom atanga ka chhuak chu inhnuai lamah au ri leh thawm ring tak tak ka hriat avangin ka tlanchhuak thuai a.

Boxer leh shirt erawh bathroom-ah ka hak avangin inhnuai lamah ka tlan tlangthla nghal vat a.

Inhnuaiah chuan pa pathum, lian tak tak te chuan appa chu an lo dinhual a, an bulah eomma chu hlauhthawn hmel takin alo ding bawk a.