PLAYER | yoonmin | (mizo)

08.Room

Jimin's pov :

Ka bestfriend Jungkook lo thlen hnu chuan min hruai haw a, engmah mumalin hriat ka nei lo. Kha mihring vang khan heti em em hian ka lo rui thei ani maww..! Ka khi sak a, ka nuihzat vang erawh ani hauh lo.

Jungkook chuan, "zanin chu tikhan mu phawt la, naktuk lamah kan sawi dun dawn nia..", a ti a, chuveleh, " Jungkookah zanin chu khawngaihin min riahpui ta che", ka ti a, zandangah pawh alo riak fo thin.

"Mahse zanin chu project tih zawhloh ka la nei asin, nang i zo tawh mi?", a tih chuan keipawn engmah ka la tilo tih ka hrechhuak chawpchilh nghal. Karleh mai hian class kan tan tawh dawn, Cafe ah pawh ka kal thei tawh rih lo ang.

"Aw.. Ni tak..", ka ti zuai raih a, khum mawng lamah, chhuatah ka thusawp nuai bawk.

"Maw.. Lo riak mai rawh", Jungkook chu melh pahin ka enchho a, thawk hak pahin a jacket hak chu a phelh a, a pa a call nghal a.

***

Zing dar 3 a ri tawh, ka la chhing eih lo. Ka rilru vakkual nasa lutuk chuan min timu thei lo ani ber. Jungkook lah chu a mutui nasa tawh mai si, zan dang chu nise tun ang hunah hian walk turin min rawn call leh tlut tlut tawh ang.

Ka muthei bawk silo, balcony ah te chuan ka va chhuak a, vanah chuan arsi an lo de sep sep a, ka lung chu a rawn leng ta em em a, mahse mipa ka ni a, mittui tih tlak erawh ka tum lo.

Ngawi renga ka lo din veuh veuh lai chuan ka darah tuemaw hian a rawn vuan a, ka lehhawi chuan Jungkook alo ni a.

"Jimin-ssi, tinge hetah i awm a?, i hritlang anga sin, lut ila", min ngaihtuah hmel tak chuan a ti a.

"Jungkookah lo va mu rawh, ka mut ala chhuak lo", vanlam chu ka en a.

"Jimin-ssi tianga i awm a hmuh chuan a nuihzat mai mai ang che, intichak rawh. I tuarchhuak thei ania".

"Ni e, a dik alawm. Amah vang ani hleinem, zanin chu ka muhil thei tlat lo a..", za lo tak chuan ka nui a.

Jungkook erawh min chhang tawh lo in a ngawi reng thung.

Jungkook mutthilh leh hnu pawn ka la mengkar a, dar 6 a ri chiah. Jungkook chu ka en a, ala mutui ngei mai. Toilet luh tumin ka thochhuak a.

Tuilum chu ka inphuh tir sar sar a, ka rilru na erawh a bo chuang lo. Inbual pawh ni em em lo chuan ka chhuak leh thuai a, inhnuaiah ka chhuk a, eomma te chu an tho tawh tih hriat takin an tawngri chu ka hrethei a, eomma chu ka va hmu a, Jungkook lo riah thu leh breakfast lo siamkep turin ka hrilh a, kawngka lam ka pan a.

Eomma chuan, "khawnge i kal dawn?", min lo ti a, dawtsawiin dawra ka kal tur thu chuan ka chhang a, thildang a sawi leh hma in ka chhuak ta vat a.