PLAYER | yoonmin | (mizo)

55.Lost

*Author's pov :

Damdawiin chhungah chuan mipa pakhat hi a vei a vei a, khum lam chu a hawi leh zeuh zeuh thin bawk a, enge tih tura enge tih hmasak ber tur a hre lo kher mai, khumchunga mu chu a khat tawkin a en leh zeuh zeuh thin a. Sofa ah chuan thu in a lu a dawm a, a maimitchhing vang vang a.

Khum chunga mu chuan thawm a rawn neih veleh a thutna atanga tho in khumlam chu a pan a.

"I lo harh tawh maw? Na i nei em?". A biakpa chuan chhang lo in a en reng ringawt a.

Khumchunga mu chuan an awm mekna chu enin a mit a lenkual ruai a, chutah mengphar kawkin a rawn thochhuak hluai a, thinrim takin a bula ding chu a kawrawmah chuan a tham a!

"N-nang hi em ni helaia min dah tu hi?! Mawh? E-engvanga helaia min hruai hi nge i nih? Engvangin nge k-khalaiah khan min hnutchhiah loh?!".

A mi thampa chu a thing deuh nawk nawk a, chupa erawh chu a ngawi reng a.

A thamna chu thlah sawkin khum atang chuan a chhuk a, kalsawn mai a tum a, mahse a'n in en a, damdawiin kawr a ha tih a hriat chuan rang takin a kawr chu a phelh nghal a.

"Nilo, kha chu i ti thei lo, hetah hian i awm ala ngai ania, ni reilote--".

"Hetah tihtur ka nei lo! Helaiah hian tu thu in nge min dah reng reng? Tunge helai hmun hi min hruai thleng?", chupa tawnglai chu lo pawtchatin thinrim takin a panhnai a.

"I dam hma chu helaia i awm hi a ngai, chu chu doctor thupek ani!".

"N-nangmah hi ni tiraw khalai hmuna rawn kaltu kha? Engvang nge, engvangin nge khalaiah khan m-min sut loh? Engvang nge??!!".

Yoongi chu thinrim takin a au a, a tap bawk a, a bula mi chuan a awmdan chu hriatthiam loh hmel takin alo en reng a. Yoongi chu khum bul chhuatah chuan thingthiin rawlchhuah meuh chuan a tap a. Chutah rawn tho thutin thilzawn nei tih hriat takin a vei kual a, lukham hnuai te chu a keu a.

"Khawnge ka thawmhnaw zawng zawng hi a awm?!", vin tak chuan a han ti a.

"Hahdam teh, nurse ten an la vek a, tunah chuan damdawiin kaw--"

"Ka thawmhnaw ka duh ka tih chu! Ka thawmhnaw min pe rawh, min pe thuai rawh!", a hmaa ding kawrawmah bawk chuan tham lehin ring takin a au a. "N-nang hi.. Min suhlum law law tur inia sin! Engvangin nge min sut loh? Na takin min su la tlanchhe leh daih ta che! Engvangin nge helai lehzel ah hian min hruai? Engvang nge?!.

"K-ka thei lo..".

"Nilo!".

Yoongi chu chhutah chuan thuthla hnawkin a melh ngai chu a melh reng a, 'nilo' tih chu hmuiphunin a sawi mawlh mawlh a.

A bula mi chu rawn thuhniamin Yoongi chu khawih a han tum a, mahse Yoongi chuan a ban chu alo vaiper sak nawlh a.

"Tiang hian awm lo teh khawngaihin..".

"Ka tihtur min hrilh suh!".

Chupa chu a thaw hawk a, Yoongi chu muangchangin a thochhuak a, khumlam chu panin a kawr chu a zawng leh a.

"Khawngaihin tilui lo hram teh, helai hmuna ka awm ve i duhloh pawn ka chhuak mai ang, mahse nang chu chhuak thei i nilo, ila awm rih a ngai".

Yoongi chuan a thusawi ngaithla lo zetin a kawr chu a zawnglui a, chupa chuan Yoongi lam chu panin a kuaiher sawk a.

"Ngatinge luhlul i chhuah tlat a?! Hei hi i tan vek a nih hi? Ka sawi chu i zawm thei ngang lo em ni?!", Yoongi banah chuan nghet zetin a hmer a.