PLAYER | yoonmin | (mizo)

37.Protecting

SUGA's pov :

Ka zunchhuakin min tiharh a, ka thawhchhuah chuan keimah chauhin ka lo mu a, Jimin hi inhnuaiah a awm a mawni le.. Ka va zung a, ka zun zawh chuan ka mu leh nghal mai a, bedroom kawngkhar inhawng ri ka hriat rual chuan ka muhil der zui vat a.

Jimin chu a rawn lut a, khum bulah chuan rawn dingin enge a tih ang tih ka ngaihtuah lai chuan engemaw hi a sawi sep sep a, ka sam a chul pah bawk a.

A thusawi chu ka hrethiam chiah lo nain amah leh keima inkar chungchang ni berin ka hria. Kalsawn a tum tih ka hriat veleh a banah chuan ka pawt thut a, ka muhil amaw a tih vang a ni ngei ang a phu nasa hle a, sawi nawn leh tur chuan ka ti a.

"Hyung... E-engmah ani lo. I muhil reng amaw ka tia..", mak la tih hmel tak chuan a ti a. Ka chhang tawh hran lo a, amah chu chik deuhin ka en a, min enlet ve duh der lo lehnghal.

***
A tuk zinga haw tura ka insiam mawlh mawlh laiin Jimin chuan dance class-a ka va thlah lawk hman leh hmanloh min zawt a, ka hman thua ka chhan hnu chuan ka hawsan ta rih a.

Kawnglaka ka tlan lai chuan kawngsira eng ilo an zawrhna bulah mi pakhat bal leh tawp tak hi alo thu a, a kawr te chu a thler duai a, ka enlai tak chuan a rawn hawichhuak a, pu Choi-a alo ni reng mai, rang takin motor ka hungfel a, ka chhuak nghal a, mahse kawng cross a ngaih avangin kawng kan tuma ka buai vel lai chuan pu Choi-a chu mi pahnih lian tak tak te chuan an pawt tho lawp a, an kalpui ta daih a.

A ngaihna hre lo zet chuan ka en reng a, motor an tlan zut zut avangin kawng kan mai a har si a, kawn kan tuma ka buai laiin an lo kalpui hman daih si. Police hriattir tha bera ka rin avangin ka phone chu ka phawrh nghal a, mahse dawr hnunglam piah lama min rawn en reng tu ka va hmuh chuan ka thil tum chu ka thulh leh a, ka en ve reng a, Jimin thianpa (boyfie) kha ni ngeiin ka hria, ka en reng lai chuan hnunglamah a lut bo ta daih a. Keipawh hmanhmawh takin ka in khalh haw nghal a.

In ka thlen veleh shower ka nei nghal a, eomma te chuan breakfast an ei tawh avangin keimahin ka ei a, chhunah chauh Jimin dance class-a ka thlah dawn avangin inah ka awm rih a, Online-ah hna ka zawng pah a.

Reitak ka enkual hnu chuan Bar pakhat ah waiter an mamawh thu an tarlan chu ka hmufuh a, ka be nghal vat a.

Jimin pawn min rawn call in a inpeih tawh thu leh min nghah thu a rawn sawi a, ka chhuak nghal vat.

A hmun kan thlen chuan midang pawh an lo then belh zel a, Jimin chuan an rei dawn thu leh haw ka duh chuan ka thu thu anih thute a sawi a, a chhungah chuan rei vak lo ka awm hnuin Jimin chu ka kalsan ta a, mahse haw ka tum lo, tukin zinga ka thil hmuh kha chhuichian ka duh.

Motor khalh chung chuan khawlaidung vel chu ka melhpah zeuh zeuh a, pu Choi-a kha khang mite khan khawnge an hruai anga engtin nge an tih ang tih mawlh chuan ka ngaihtuahna a luah a.

Thui tak ka tlan hnu chuan zuiru tu ka nei tih ka hrechhuak thut! Ka enchian chuan tukina ka mi hmuh ngei kha ani tih a inthuamdan atangin ka hre thei. Ngawi rengin ka tlan zel a.

Lei (bridge) pakhat hnuaiah chuan tlanlutin, motor tlan luh theihna chin thleng chu tlanin motor chu ka tiding a, engine chu off in ngawi rengin motor chhungah chuan ka thu a.

Motor min zuitu pawh kha ka hnunglam hla deuh takah chuan rawn ding ve in motor ka tihdin vang amaw ni, hla deuh tak atang chuan a ding ve ta daih a.

Lawkin! Hepa hian Jimin dance class kal hi a zuiru thin anga chu chu Jimin hian hriain amah thlah turin min sawm ani thei mai angem? Tunah ka vawikhat thlahna ani a, zuirutu kan nei nghal pang a, khapa bak kha ani thei lo hrim hrim bawk.

Motor chhungah chuan ka thu ngawi reng a, chupa chu rawn chhuah a tum mai hmel bik loh, a awmna ngaiah chuan a awm ve reng a.

Motor atang chuan ka chhuak lawk a, chupa motor lo dinna lam chu ka pan nghal a.