PLAYER | yoonmin | (mizo)

33.Birthday

SUGA's pov :

Appa pawh damdawiin ah ni 3 zenzawn a awm hnu chuan a chhuak ve ta a. Eomma chuan a awmpui deuh chawt a, keipawh hna ka neih rihloh avangin inah ka awm tam phah a, hnadang ka zawnlai mek ani a, ka la hmuh loh avangin ka la awm mai mai rih ani.

Appa pawh damdawiin a chhuah dawnah ka Ni in a rawn tlawh ve a, mahse ram chungchanga kan chunga a rilru puthmang ka hriat tawh avangin a hma angin ka be tha thei tawh lo.

Pu Choi-a chanchin reng reng kan hrezui tawh lo a, khawnge a awm a, ala dam em tih takngial pawh kan hre lo. Khang ka mi hmuhho khan an hruaibo ta nge an that ta zawk ni ang le, engmah reng kan hrezui tawh silo.

Room-a ka mut mai mai lai chuan Jimin-a'n min lo call a, ka la vat a.

Jimin chuan min hmuh lawk a duh thu a rawn sawi a, ka theih veleh an ina kal turin min rawn hrilh ani.

Kan inbiak zawh chuan engtinnge eomma bulah chhuanlam ka siam ang tih ka ngaihtuah a, chhuanlam siam kher a ngaihna chhan pawh appa damdawiin atangin alo chhuak ve deuh chiah ani si a, han lenbosan daih kha ka duhloh vang ani. Ka inngaihtuah fel hnu chuan an room lama kal turin ka chhuk a.

An room-ah chuan lutin eomma bulah chuan,

"Eomma ka chhuak lawk dawn a, enge mamawh lei ngai te a awm em?", ka ti a.

"Aw bawnghnute lo lei haw ta che", aw nem tak chuan a ti a.

Appa muhil chu ka en zeuh a, "mamawh dang a awm chuan min lo hrilh leh mai dawn nia", tiin ka chhuak a.

Haw lama lei aiin tiin Jimin te in thlen hma Mart-ah chuan bawnghnute chu pathum ka lei a, ka lei zawhah Jimin te in ka pan nghal a.

Jimin te in ka thlen chuan amah chauhin alo awm a, class a kalloh chhante chu ka zawt a, nizana a mut that vakloh thu leh a lu ahai deuh thuin min chhang a. Bawnghnute pakhat chu ka pe a, a lo hnial hle naa alak loh chuan ka lungawih loh dawn thu ka sawi a, ala ve ta chauh a.

"Hyung ka koh nachhan che chu ni 1 hi Jungkook birthday ani a, surprise ka tum a, min pui turin ka duh che a", coffee min pek pah chuan a ti a.

"Awle. Mahse engtin nge ka puih ang che", no lo lak pah chuan ka ti a.

"Banner tar ka duh a, chumi min tihpui chu ani mai, cake ka order sak bawk a, chumi lam nen. Chuan, kan inpiaha park-ah sawn surprise ka duh a", coffee a inpah a.

"A tha lawm. Ka pui dawn che nia".

"Banner chu lo en lawk rawh", tihleh chair atanga thawh a rual a, a room-ah a chho a, a hnungah ka zui a.

Khumah chuan banner lian vaklo hi alo awm a, thu inziak chu min chhiartir a.

"A tha lawm, Jungkook pawm zawng tak pawh ani ngei ang", ka hmui hnuailam seh ne ne pah chuan ka ti a.

"Nia. Tunah chuan thuziak khuan awmzia nei tawh lo mah se, Jungkook hian ka ti tak tak ani tih a hriatnan tal pawh khu khu tih ka duh ani", a ti a. Banner chu a dahtha a.

"Zan i mut theihloh chhan chu a hmaa mi ang tho kha ami?", Jimin enpah chuan ka ti a. Min rawn en a, 'aw' tihnan a lu a bu nghat a.

"Engtinnge a tih leh che? Ngatinge min rawn koh loh?", ka ti a. Tianga ka tih nachhan pawh Jimin hian min mamawha puih a ngaihna apianga pui a, atana awm reng turin a bulah ka lo intiam tawh a, ka intiamna anga awm ngei ka duh vang ani.

"Engthil pawi mah a thleng chuang lo a ka rawn tibuai duh ta lo law law che nih kha, ka lawm tho e", a nuisang a. 

"A rukin ala rawn che thin em?", tia ka zawh chuan a lu a thing mai a. Mahse a hlimloh hmel riau, a ngui nghiaiin ka hria.