PLAYER | yoonmin | (mizo)

17.Stalker

SUGA's pov :

Hna kal tura ka insiam lai chuan ka khumbul dawhkan chunga Jimin sana theihnghilh chu ka va hmufuh a, hnakal paha pekah tiin ka aktha a.

Breakfast te ka eizawh hnu chuan hnakal turin ka chhuak nghal a, Jimin te school kha ka hnathawhna bul mai anih vangin hnakal pahin pek ka tum ani.

Jimin te school ka thlen chuan a ni chu alo lut tawh a, sana chu pek ngei ka duh avangin ka va lut ve tawp a, Jungkook nen chuan an lo inbe mek a, Jimin ka ko a, an lo hawi chuan Jimin chuan min hmu chu mak a tih hmel hle in ka hria. Sana chu ka pe a, Jungkook chu a lung a awiloh hmel hle. Thildang vang pawh ani thei tho bawk a.

Jimin chuan hmanhmawh deuhin sana chu a la a, lawmthu min hrilh hnu chuan Jungkook lam pan chuan a tlanphei nghal a.

Ka hnathawhna a ka let leh hnu chuan, ka thawhna dawrkawtah tak chuan kan thenawmpa pu Choi-a hi alo au vak vak mai a, a rui leh tawh ani ngei ang, min hmuh hlau takin dawrah chuan ka lut ru zeuh a, a chhan pawh min hmuh chuan min biakchiam ka hlauh vang ani.

Ka thawhpui pakhat bulah chuan, "ngatinge a?", ka han ti a, dawrchhungah ruichunga rawn luhluih a tum vang hi alo ni a, rei pawh a au hma in police in an rawn la ta a, kan pu in police alo call alo ni a, an rawn lak hnu chuan hna pawh pangngai takin kan thawk leh ta a.

Jimin's pov :

School banah cafe ah ka lutkawi a, nilengin Jungkook a'n min be duh lo a, class ban tak tak hma in a haw daih bawk a, sana lah kha a hawn daih a, 'ka damchhung zawng chuan i hmu tawh lo ang' ala tizui a.

Cafe ah chuan reitak ka awm a, eomma chuan awmtlang ve tura min tih chuan ka lo hnial a, haw tum chuan ka inbuatsaih nghal a, dar 7:30 alo ri reng tawh.

Ke bawk chuan haw lehin kalpah chuan hla ka ngaithla a, chutia ka kal mawp mawp lai chuan putar pakhat hi dawr atangin a rawn chhuak a, a thilkhai bawr tak mai nen chuan kawng chu kan a tum a, mahse a thilkhai ho chu a thlauh palh hlauh mai, ka hma chiaha thilthleng ani bawk a, pui tur chuan ka tlanphei nghal a.

Hmanhmawh lo tak chuan a chharkhawm a, keipawn ngawirengin ka chharpui a, kan chhar zawh chuan putar chuan a lu a bu zeuh a, a kalna turah chuan a kal a, a tawng miahloh danah a tawngtheilo ani ngei ang.

A kalna lam chu ka thlir reng a, bus-a a lawn hnu chuan keipawh kal tumin ka inher a, mahse ka sirlam dawr building piahah chuan tuemaw hi ka inher rual chiah chuan a pilzuk lai hi ka hmuthawi a, thle deuh ha chung chuan a pilbona chu ka en reng a.

A rawn lang leh ta chiah! "Hey tunge i nih?", ka tlanphei nghal a, mahse ani chu tlanchhe nghalin a bike ah chuan a lawn nghal a, chak takin a tlanchhe ta a.

Ngaihtha zan lo in keipawh ka kalsawn a, a khattawkin ka hnunglam chu ka lehhawi zeuh zeuh a, mahse ngaih han tithalo tur thil engmah ka hmuzui lo.

In ka thlen chuan Jungkook chu phone ka tum nghal a, hepa hi enge a hriat a phone reng reng a chhan duhloh ni!! Umm Suga hyung nen hian inhmelhriattirna pangngai tak neihpui tha in ka hria.

Jungkook hian Suga lo lan chinah amah ka hlat phah riauin a hre tlat a, a nihlohzia zanin hian ka hriattir dawn ani.

Ka uniform ka thlak hnu chuan ka inbual sawk sawk a, ka inbual zawh hnu chuan Jungkook chu ka call leh a, mahse a la la duh chuang lo. Step-a chhukthlak pah chuan a chhiar tur message ka type thla pah mawlh mawlh a.

Dinner eipah chuan Suga hyung pawh message ka thawn ve nghal a.

📲 : *"Suga hyung, zaninah tihtur i neihloh chuan khawngaihin kan in piaha park ah khan ilo kal thei angem?"*

tih chu ka thawn a.

Dinner ka eizawh hnu chuan room-ah lut lehin ka jacket ka la a, hakpahin step ah chuan ka chhuk a, in chu lock thlapin ka chhuahsan ta a.

Kan inpiah maia park chu a hlat loh avangin ke chuan kal mai ka tum a, ka phone a rawn rik avangin ka ding dat a. Jungkook ani tawh ngei ang.

Ka phone chu jacket ipte chhung atang chuan ka han phawrh a, min rawn call tu chu ka en chuan Jungkook a ni lo, number ringawt a ni. Mahse ka lakhma chuan a tawp leh daih a, "tunge mawnile? Tinge Jungkook pawh hi khatizat kha ka call sia min rawn call back a tum miahloh le?".

Kalpah chuan chu number hlang chu ka call back a, maktak maiin a tlang theilo nia! Min lo call zo chiah kha ni sia.. Mahse call zui zel tawh lo chuan ka kalna tur lam panin ka kal leh ta a.

Park thlennan minute 10 vel ala awm ang tihah chuan ka phone chu a rawn ri leh a, ka en vat, nichina number hlang min lo call tu ngei kha ani. Ka pick up vat a.

📲: "Hey, tunge i nih? Hello.. Ka tawng i hre thei em? Min chhang teh..", ding meuh chuan ka ti a.

Phone chu min chhangtu awm lo in a reh tlawk tlawk a, "min chhang ta che", ka sawizo chiah chu tuemaw hian ka hnunglam atangin ka hnar chu puanin a rawn hup thut mai a, a hup ngheh em avangin ka thaw thei lo nghal, mahse a rei lo. Thil rimna tak ka hipluh hnu chuan ka zawi hnawk a, chumi bak engmah ka hrezui tawh lo.

SUGA's pov :

Ka inbualzo ka inthlaklai chuan ka phone ah message alo thleng tih hriat takin a rawn ri tleng a, kawr chu inthawlhin phone chu ka la kang a, message chu ka hawng a.

Jiminie :

Suga hyung, zaninah tihtur i neihloh chuan khawngaihin kan in piaha park ah khan ilo kal thei angem?

tih hi Jimin hnen atangin alo ni a. Engthilah nge min hmuh a duh ang le, tia ngaihtuah chungin dinner eiturin ka inbuatsaih a.

Ka eikham hnu chuan ka chhungte bulah ka chhuah lawk dawn thu sawiin min biak tam hma chuan ka chhuak nghal a.

Jimin sawina park lam chuan ka inkhalhphei a, ala hma bawk a, khawlaiah chuan mi veivak pawh an la tam hle.

Karloah Jimin sawina park chu ka thlengphei a, motor atang chuan ka chhuak a, park gate lam chu ka va en a, alo inkhar a, mahse Jimin a awm tawh ringin chulam pan chuan ka kalphei a.

Cigarette chu phawrhin ka tan a, gate chhungah chuan ka lut a.

Thutna lo awmah chuan tuemaw hi min hnungchhawn zawngin a thu a, Jimin a thleng tawh ani maw, ti rilru in a lampan chuan ka kalphei a, a bul ka thleng tep tawh tih chuan a rawn lehhawi a, ka ding chawt.

"Nang maw?".

Ani pawn min hmu chu mak a tih hmel hle. Ngawi reng chuan a rawn dingchhuak a.