PLAYER | yoonmin | (mizo)

06.Texting

SUGA's pov :

Dinner ka eizawh chuan ka khum bula ka guitar chu la in ka perh a, ka hla phuah thar chu zawi te te in ka sa a.

Ka phone-a text message lo thleng chuan ka zailai chu min tawptir chat a.

Ka'n open chuan number hriatloh (unknowned number) atangin alo ni a.

📱- Hey, Suga..
Ka tibuai che em?

📲 - Tunge aw?

📱- Oh, sorry.
Jimin ka nia..

📲 - Hey Jimin,
I buai lo em ni?

📱- Ka haw tawh
lawm.

📲 - Ok.
Chuan engtin zel?

📱- Sawi a rem
chuan enge i tih
ve thin a?

📲 - Ka inkhelh
thin bakah
sport dawrah
ka inhlawh
a..

📱- Aw.. Sport
i ngaina aniang
chu maw😊

📲 - Haha.. Aw
chutiang vel chu..
Anih nang ve?

📱- Keichu ka lam
thin a..

📲 - Wow!!

📱- 😂😂

📲 - ????

📱- Engmah nia..

📲 - Ok! A nih
Jimin, phone
min peklet avangin
ka lawm lutuk a
nia..

📱- A ho lutuk.
Chungte chu i
sawi tawh kha..

📲 - Ok.

Ka chhan tawi em vang nge ni a rehzui ta daih a, keipawn ka va be nawn tawh lem lo. Bakah mi biak chiam hi ka tihdan ani lo hrim hrim a, mi zinga ka awm pawn ka tawng ve zeuh zeuh chauh ani.

Ka hlaphuah te chu ka ziakchhuak leh malh malh a, chutihlai tak chuan inhnuai lamah patling au chiam chiam mai hi ka hre thut a, a au tial em em mai lehnghal, ka guitar chu ka dah a, inhnuai lamah chuan ka tlan thla nghal a.

Inhnuai ka thlen thlak chuan tuemaw hi ka pa chuan alo buaipui a, ka nu pawh an bul maiah chuan a ding bawk. A hmel hmuh tuma ka kal hnaih leh hret chuan kan thenawmpa pu Choi-a lek chu niin. Ani hi zu ngawlvei ani a, a nupui hian a nin em vangin nikum khan alo chhuahsan tawh nghe nghe, pu Choi-a lungleng khawhar hian a hma aiin zu a intam phah belh a, nitin mai hian harhfim lai nei lo in, buaipui ngaiin a awm reng mai ni.

Ka pa chuan, "Thiana, harh teh. Tinge hetia i awm leh chiam mai zel ni aww.. I nupui chu i ngai viau anih leh ko haw leh mai ta che! Hetia buaipui reng che hi ka kham ve tawh takzet aniaaa..", a ti a. A hmai ah chuan a beng deuh thak thak a.

Ka pa leh pu Choi-a hi inthenawm tih takah an inkawmngeih hle a, pu Choi-a phei hi chuan ka pa hi 'ka thiantha ber' a ti nghe nghe thin a ni.

Pu Choi-a chu a rawn rum tiah tiah a, engemaw sawi tuma a ang chu a rawn luak ta bawrh mai!! A bul maia ding ka nu chu a au tuar a, thinrim takin pu Choi-a chu a beng nawk nawk a. Keipawn luak chu ka ten em avangin a rang rangin ka room lamah ka tlanchho leh nghal a.

Ka rilru ah hla phuah pawh a awm thei tawh lo. Ka phone bawk chu phawrh leh in Jimin missed call leh message alo awm reng mai.

📱- Suga, ilo chhuak hman lawk em, khawngaihin??

Tih te mai hi message alo thawn a. Ka va call back chuan kan in piah maia a awm thu a rawn sawi a. A sawina hmun pan tur chuan ka insiam a, ka chhuak zui nghal a.