PLAYER | yoonmin | (mizo)

21.Embarressed

SUGA's pov :

Jimin thusawi vang chuan ka thutna atangin ka tho zawt! Engtin nge khatiang thu kha a sawi theih zawk?! Jimin, mi pangngai tak amaw ka tih thin khan a ngaihzawng ni turin min sawm amaw??!! A va mak ngai ve le!

"M-mahse Jimin, e-engtin nge chutiang chu a nih theih ang, ka theih ka ring lo Jiminah, ka thei lo ang, min hrethiam mai teh!", kalsawn ka tum chu ka banah a rawn man a.

"Suga hyung, khawngaihin min pui rawh. He thilah hian nang chiahin min pui thei ani, Jungkook chuan a haw lutuk a, a tirah pawh kalsan turin min ti a, keiman ka theihloh vangin Jungkook thusawi te kha ka lo ngaithla tha duh ngai lo a, tunah chuan ka tuar ta anih hi, mahse hetianga a chetduh hi chu ka ringpha lo hrim hrim, ka la ringchhin ngai hek lo. Khawngaihin min pui la a kalbo nan tal ka bialpa angin awm hram rawh", a ti mawlh mawh a.

Jimin chu ka han en a, a mitah chuan nidanga ka hmuh ngailoh 'hlauhna' mitmeng ka hmu tlat mai.

"Anih tunah khan engthil chiah nge thleng?".

"I haw hnu khan room ah ka chho nghal a, balcony ah thawm ka hria a, enfiah tuma ka kal kha a rawn lang thut a, khumah min bawhbet a, lo kal thut lo la chu ka chunga thleng tur chu kan hre ve ve ang, ilo thleng hman kha ka lawm asin aw..", a ti vawng vawng a, "chuan tinge i rawn let leh a?".

"Ka wallet ka hmu lo a, rawn enfiah ka tum a, inhnuaiah ka hmu silo i room ah alo awm tak hlauhin ka rawn leh let", chhuat leh khum hnuai vel chu ka enkual nghal thuak thuak a. Vanneihthlak takin khum hnuai sirlam deuh a lo tla chu hmuin ka chhar a.

Jimin chu ka bulah chuan ngawi rengin a ding a, keipawh khumah chuan ka thu a.

"I pawm thei ngem Suga hyung?".

Chhanna han pek mai dan tur ka hre lo hle.

"M-min rawn hmuhdan kha thil thlendan ani miah lo nia hyung.. Ka hrawkah min rek a, min khawih a tum bawk a, mahse i rawn thleng hman hlauh a, i chunga ka lawm khawp mai Suga hyung..", a ti a.

"Engmaw?! A rek che maw?!"

A lu a bu nghat nghat a.

"Chuvang chuan ka hlauthawng tawh ani. Keimah mai chuan ka hmachhawn ngam tawh lo ani, tun hi vawikhat min tihbuaina pawh ani tawh lo, school thlengin min enthla tawh ani ber".

Keichu ngawi rengin ka thu a. Min rawn en a, ka enlet ve lo.

"Zanin ngei hian i chhanna hriat ka duh Suga hyung, min chhang thei ta lo anih erawh chuan ka nun hi himdam takin ka hmang thei rih dawn lo tihna ania nga, keimah chauha heng thil te hi ka hmachhawn a ngai dawn bawk a. Nang ka kianga i awmchhung chu min tibuai ngam dawn lo a, a chhanchu dinpui ka nei tih a hriat avangin min rawn tibuai duh dawn lo ani", ka bula rawn thut pah chuan a ti sap sap a.

"Anih engvanga rawn tibuai zui zel che nge a nih? In tawpdan a tha vak lo ami?", tiin ka zawt a.

"A chhungten min pawm theihloh vangin min kalsan a, lo kir leh a duhthu a rawn sawi leh a, mahse keiman ka thei tawh lo a, chu chu a thin arim a, vawiin thlengin min tihbuai phah ta ani".

"Jimin, kei kher lo hi sawm tur i hre lo ami?", ka ngawih vang vang hnu chuan ka ti a. A lo bu nghat a. Ka melh ngai chu ka melh reng.

Jimin chuan ka kawngah chuan a kutkhing hnihin min rawn kuah a, mak ti fe in ka en nghal haw a.

"Jimin?!"

"Ka hria, i tan a harsat tur zia hi ka hrethiam Suga hyung.. Mahse ka dinhmun ngaihtuah la min pui hram rawh", ka darah chuan a khabe a rawn nghat a.

Mipa pangngai ka ni a, hetiang thilah hian ka la inhnamhnawih ngai lo. Tuna ka thil tawn hi pawm ava harsa dawn em! Duh lo in tlanchhiatsan dawn mah ila min mamawh ngawih ngawihtu tlan bosan chu dawihzepthlak ka ti ve bawk si.