PLAYER | yoonmin | (mizo)

02.Cafe

Cafe kan thlen chuan mi rehlai tak ani a, dawhkan killam chu kan pan nghal a. Kan thufel chiah tihin mipa tleirawl tak, la naupan hmel angreng tak hi kan lam panin hmelhhlim sang hian alo phei a.

"Chibai ule. Enge in duh ang?", a rawn ti a, ka rin aiin a âw nu daih mai. A kutah chuan pen leh lehkhaphek te a keng ran a, thawktu dangte angin uniform a ha ve lo bawk.

Jae Chang chuan coke pahnih a chah a.

"Karleh chu vengdanga kan thiante bulah kan va inkhel daih dawn mi?", Jae Chang chuan a ti a. Ka la ngaihtuah ngailoh thil ani a, chhan mai dan tur pawh ka hre lo.

"I tihdan dan ani mai. Diktak chuan ho te te a thianho intihthiamloh reng hi ka kham ve tawh!", ka lo ti let ve a. Chang Min ka hmuh hrehna lam ani lo va, ama min endanin a zir loh em vang ani zawk.

"Tiang chuan tluang takin kan khelho thei chuang lo ang. A thuhrimah, tikhawp hian a khei che a, ngatinge ila ngawih reng a, engemaw ti taka tihlet ve chu a hun tawh viau lo maw?"

Ka nui suk a, tiangmi hi chu diktak chuan khin en ah ka en lo hrim hrim ani zawk, tharum hmanga min bei te anih ngawtloh chuan.

"Ka ngawih theihloh hun chochhuak phawt rawh se", ka ti ta ngawt a.

Min chhan leh hma in kan thil order alo thleng a. Nichina mi bawk khan a rawn dah a.

"A hmeh tur thildangte in duhtel em?", nui deuh sang hian a ti a. Mahse engmah kan duhloh thu in kan chhang a.

Titi pahin darkar khat dawnlai chu Cafe ah chuan kan awm a, order rawn latu kha customer buaipuiin a veitawn zak zak a, nuihmel a pu deuh reng bawk. Ka lo enreng lai chu min rawn hmu thutin a nuisang a, keichu hmundang ka melh vat thung.

Khua a tlai telh telh a, cafe a rawn lut an tam tulh tulh thung. Jae Chang nen chuan a tlaichhiat zel hma in kal zai kan rel a.

Jimin's pov :

Nilenga ka buai hnu ah dar 7 ah cafe ka chhuahsan thei chauh a, he cafe hi kan ta niin, vawiin hian thawktu pahnih lai an chawlh avangin midang pui turin ka kal ani. Class chawlhlai te ani bawk a.

Hawnthar chauh e tilo chuan kan cafe chu mi'n an hre ve tawh em em a, kawngpui an maia awm anih bakah kan vengah cafe dang a awmloh vang ani pakhat bawk.

Cafe hi zan dar 10 thleng kan hawng thin a, ni li ka kal ve tawh a, mahse dar 7 ah ka haw ziah thung. Ka nu leh pate chu cafe khar thleng an awm thin a, keichu in lamah a tul tul ka lo ti thin.

Thui pawh ka la kal lo ang, eomma chuan ka thilhawn tur ka theihnghilh thu sawiin min rawn phone a, cafe lamah chuan ka kir leh a.

Dumpling leh kimchi siamsa chu ka la a.

Kal leh mai ka tum chu dawhkan killama phone dum lo awm ran chu ka va hmu thut a. Tu phone nge niang ti a ka innggaihtuah det lai chuan ka hrechhuak leh nghal. Mipa pahnih coke rawn in tute kha an ni chiang mai! Tu emaw zawk zawk phone a ni ngei ang. Va kal hnaiin phone chu ka la a.

"Eomma, appa.. ka kal e aw.."

Khawlaiah chuan mi an tam hle a, cafe leh kan in inkar hi ke in darkar chanve vel kal ani a, motor chuan minute sawm lek ani thung. Motor nei ve mah ila tul te ah lo chuan leh hmanhmawhthlak thilah lo chuan ka kengchhuak ngai zen zen lo.

Mipui kea kal tam tak zingah chuan muangchangin ka kal a.

In ka thlen chuan ka room ah ka chho tlang nghal a, ka nu leh pate hi cafe ah dinner order in an ei nghal mai zel a, chuvang chuan mahni chauhin tih takah dinner hi chu ka duh hun hunah ka ei mai zel. Rice ka eiloh chang chuan ramen leh sausage, arsa, artui tih velin ka inhnawhpuar mai thin a, zanrei lamah coke leh pizza order ka hrat hle bawk. Tianga ka tih zeuh zeuh thin chhan chu, in-diet ka duh deuh vang pakhat ani a, mi hian thau min ti chiah lo mah se, keimah hian thau ka intih avangin rice ngawr ngawr ei hi ka duh lo ani. Exercise lak ka ngaipawimawh hle bawk.

Ka inbualfai hnu chuan khuma ka thawmhnaw thehthal tawp ho chu thlehfel tumin ka la kang a, ka hoodie ipte atang chuan phone dum hi khumah chuan a rawn tla thla nawlh a.

Ni tak, cafe atanga kan customer phone theihnghilh ka hawnsak tak e!

Ka hmet eng a, mak deuh maiin a neitute atanga rawn call-na emaw message emaw engmah a awm lo! A neitu hian a theihnghilh tih a inhre lo zawk emawni..

Pawilo.. cafe ah ka dahlet anga, a neitu lo kal leh hunah ka lo pe mai ang.

Ka khum bul dawhkante ah phone chu dah ka tumlai takin notification a rawn thleng nawlh a. Ka'n enchian chuan Twitter atangin alo ni a.

Mi phone a ni a, lo ensak ngawt chu ka duh bik lo. Dawhkanah bawk chuan dahletin dinner eiturin room chu ka chhuahsan a.