PLAYER | yoonmin | (mizo)

24.Fighting

Jimin's pov :

Zingkarah chuan ka harh hlawl a, ka mit ka men rual rual chuan nizan lama Suga nena kan awmdan ka ngaihtuah a, engtinmah awm lo mah ila engemaw ti tak hian nuam ka ti riau a, mahni chuan ka khi var var a.

Ka sirlam chu hawiin Suga tui taka muhil chu ka en vang vang a, tuna kan awmdan hi ka hrethiam lo, thian inkawm satliah ang ngawt chu kan ni tawh lo tih ka hria, mahse zeploah chuan nizana kan awmdan kha nuam ka ti.

Ka phone chu ka lakang a, tuktin deuh thaw Jungkook missed call awm thin kha tunah chuan hmuh tur a awm ngai ta meuh lo. Mithar (thianthar) ka tawn hnu atanga ka thiantha ber nen kan inhlat ta deuh erawh hreawm ka ti. Serious deuhin hethil hi Jungkook ka la sawipui ang.

Khumah chuan thil dang dang ngaihtuahin ka thu run a, Suga chu a rawn harh a.

"Good morning".

"Morning.. Dar engzat nge ri tawh a?".

"Ala hma lutuk hyung, i duhleh la mu rawh", khum atang chuan ka thochhuak a. Ka sam thur tak chu tuai zeuhin bathroom ah ka lut a.

Ka chhuah leh chuan Suga pawh alo tho tawh a, alo inthlak mek a.

"I mu tui maw hyung?", kawrlum chu ka ha pah a.

"Tehreng mai Jimin-ah, nangzawk?", a rawn ti thum deuh chhak a. Ka lo nuichhuak hak a.

"Enge?".

"I aw hi a chang leh a nem a, a chang leh a thum deuh a, Suga hyung, aw (voice) dangdai tak i nei tih hi i hria em?".

"Dangdai vak amawni?", a smirk zeuh a.

"Tehreng mai, i inhre lo mai mai anih kha. I hman tawh chuan breakfast ei ila", ngawi reng chuan kan inzui chhuak a.

Eomma chu chokah alo buai hle a, Suga nen kan chhuk chu min lo hmu lawk lo nghe nghe.

"Morning eomma.."

"Morning bawih a", a rawn hawilet a, Suga a hmuh chuan, "hei hi em ni i thianpa chu? Bawiha khawnge in chen a?", aw dam tak chuan a zawt a. Suga'n a chhan hma chuan kan kawngka lamah thawm a rawn rilut nawk nawk a, kan pathum chuan kan hawiphei rual thap a.

Kawngka atang chuan ka rinloh leh beisei loh lutuk Jungkook a rawn lut hlawl mai!

Mak ti angreng tak chuan ka lo en a, min rawn en ve bawk.

"Kook.. I va rawn hma ve a?", tiin ka lo be vat. Suga erawh in hmundang a melh daih thung. Jungkook chu enloh a tum niin ka hria.

Jungkook chu work out zo hlim tih hriat takin a hah hmelin a sam te chu thlan chuan a ti hnawng chap a, tuk dangah amah in a kal ngai lo, min sawm ngei ngei thin. Mahse sawi tawh ang khan Suga lo lan chinah hian a hla ta riau mai ni.

"Nia, i peih ka ring lo a, ka rawn sawm buai lo law law zawk ta mai che nih kha, hei, hmuh angin i hman lo reng bawk a..", Suga melh zeuh pah chuan a ti a, ngeiawm lam lek lekin a nui a, a awkiah khan tielna ri ka hre thei.

A tawngkam hmandan leh a awki kha a pangngai lo tih ka hriat avangin ka chhanglet lo a, ka rilru erawh ana ru hle. 

"Jimin-ah ka hawphei phawt ange, breakfast chu ka ei lo mai ang". Kal nghal a tum a.

"Tinge? A ei theih reng tawh lawm, ei law law rawh", ka tih chuan ngaithla lo in a kalzui daih a, a awmdan chu mak ka ti hle. "Suga hyung.... Suga hyung, Suga....", ka umzui a, mahse a rawn hawilet duh hauh lo. Kawngka bulah chuan ka ding dat a.

"A duh lo nih kha, kaltir mai rawh Jimin-ah, tinge i umzui duh kher?!", Jungkook chu rawn pheiin ka bulah chuan a rawn ding a.

"Jungkook, Suga hyung hi i ngaina lo takzet ani tiraw? Enge a chhan min han hrilh teh?". Jungkook chuan min chhang lo in a ngawi reng a. "Thian thar ka chhar hi lawm takin kan kawm ang chu tiin ka lo ngaihtuah hman a, mahse kan pahnih inkar tichhetuah i ngai daih hi a mak ka ti Jungkookah..".