PLAYER | yoonmin | (mizo)

53.Insomnia

Khum atang chuan ka tho a, inhnuaiah thawm neilo thei ang berin ka chhuk a.

Eomma te room kawngka bulah chuan dingin hawn mai ka tum a, mahse thawm chu ngaichang leh phawtin, eng thawmah a awm lo tih ka chian hnu chuan kawngka chu ka hawng ta a.

Room thim takah chuan eomma chu tui takin a mu a, tukverh lam atanga street light in room chhung zim te a rawn chhunên chiah chu eng awmchhun ani.

Eomma khum bula wardrobe lam chu zawitein ka pan a.

He wardrobe chhungah hian eomma'n a mut hmaa lehkha alo en kha a awm ngei ka ring! Eng lehkha nge anih tih ka hriat ve ngei a tul, a chhan chu he thil, appa nena an sawizawm lehkha hi enge anih chiah ka hriat ngei a ngai!

Zantam min timu thei lo tu leh ka rilru kap tu, ka rilru kam tu ani tlat!

Wardrobe chu hawn mai ka tum a, mahse a in lock tlat! Chahbi a ngai!

Wardrobe handle vuan chungin eomma chu ka en a, a mutna velah chahbi hmuh inbeisei takin ka mit ka len a, a thim bawk nen engmah hmuh theih ani lo.

Eomma khum chu panhnaiin dawhkan leh a vel te chu ka phone flashlight in ka enkual thuak thuak a, drawer te chu hawngin ka'n hai deuh chiam a, eomma harh hlau tak chunga zawn neih chu thil nuam tak ani lem lo.

Drawer hnuaiber chu hawng leh in bag pakhat chauh hi alo awm a, eomma chu va melh leh zeuhin bag chu ka lakang a.

Bag zipper chu zawitea hawngin a chhung chu ka bih vat a, ka thil duh chu alo awm ngei e, ngawi rengin ka la chhuak a.

Thawm neilo thei ang berin wardrobe chu ka hawn a ngai tih ka hria, mahse eomma hi lo harh ta se, rukru ang maia a fapa ngeiin an wardrobe alo hawngru vel chu min rawn hmu ta se, enge eomma bulah ka sawi ang! Chu chu ka rilrua thil rawn lang hmasa ber ani.

Inngaihtuah nawn duhlohin wardrobe chu ka hawng a.

Thawmhnaw leh thildang dang a awm vangin lehkha chu khawiah ber nge a awm hriat mai theih ani lo a, haia zawn chiam hun lah ani bawk silo, eomma lam chu hawipah zeuh zeuhin ka zawng zel a.

Engemaw chen ka zawn hnu chuan thawmhnaw thleh kar hnuaiah chuan lehkha chu ka dapfuh ta hlauh mai le!
Rang takin, thawm dim tak si chuan ka la chhuak a.

Room chu a thim em avangin flashlight nen lehkha a inziak chu ka bih thuak thuak a, engmah hriatthiam ka nei mai lo. A phek lehlam, a phek dawtchiah chu ka keu leh a.

Lehkha chung ber ah chuan appa hming leh a signature chuang kalh chu a lang hmasa ber a, appa hian he lehkha hi a sign tak tak amaw?! Uluk takin signature chu ka ennawn leh a, appa signature ngei chu ani. Appa hian he thil hi a ti tak tak em ni?!

Lehkha a thu inziak hrim hrim chu ka chhiarliam puat puat a, a tawp lam chuan ka mit ala bik riau, ka'n chhiar chiang a, eomma pawh maw?!

Heng thil zawng zawng hi enge a awmzia?

Ka khumah chuan mu zangthalin ka phone-a ka lehkha chhiarzawh chiah, eomma te room ka chhuahsan hmaa thla ka lak ruk chu ka en vang vang a.

Eomma leh appa te hian an ti takzet em? Ka hriat ve loh hian hetiang thil ah hian an lo inhnamhnawih ve reng em ni zawk? Pu Choi-a chauh nilo hian eomma leh appa hi an lo tel ve reng zawk em ni? Ngatinge engmah ka hriat ve loh? Ka lakah hian zep an nei zawk em ni? Chuzawng ni theiin ka hre lo! Ni tur pawn ka la ngaihtuah ngai lo.

Eomma leh appa te meuhina min bum nia ka inhriatna chuan ka rilru a ti ipik lehzual! He thil chungchang hian kei leh ka chhungte, kan chhungkua alo luhchilh atang hian min tibuaiin keimaha nasa taka harsatna thlenin zan hial ka mut theihloh phah ta fo a, damdawi ei ngai hialin min siam anih kha! Chutah eomma leh appa te hian ka hriat veloh thil ah hming hial an lo sign leh zel si amaw!