PLAYER | yoonmin | (mizo)

16.Upset

Mak ti tak chuan Jimin chu ka en a, engvanga a mittui chu tla nge anih ang? A tap ani thei mai angem, mahse enge a chhan niang?

A tawngvaiha a thusawi te leh a mittui tla atang te hian he nau hian a nunah engemaw tak tawn chu anei ani ngei ang, a rilru a hahin a na hle anih dawn hi.. Mahse ka hmuh hian a nuihlai hi a tam zawk a, tunhnaite hian hun harsa a tawng ve ani ngei ang.

Jimin a'n a kut a humbeh reng chu hmufuhin enge a hum tih en tum chuan thim tham hnuaiah ka zu kunhniam a, engemaw chu a hum ani. Tlema room a thim deuh vangin ka hmuchiang thei lo a, a thil hum a kutkara tlem lo lang chu ka khawih a, sana a ni. Engtiklai khan nge alo phelh hman ni, ka menlai kha chuan ala bun reng si a, ka mutthilh hnuah a phelh ani ngei ang.

Mahse tinge bun tha hle hle loa a phelh kher ang?

Ka mutna bula dawhkante chunga tui bottle chu la in ka in a, banga sana intar chu ka en zeuh a, zing dar 3 a lo ri reng tawh.

Jimin chu a khat tawkin eng engemaw sawiin a tawngvai reng a, a thusawi zinga pakhat 'min hnaih suh' a tih chuan ka beng a verh hle. Jungkook amaw min tih tlat danah Jungkook nen an riakdun thin anih hmel, nge nia Jungkook a'n a lo phone vang khan a thianpa angah min ngai mai mai zawk?

Ka mut leh hnu chuan muhil lawk thei lo in ka mengkar a, Jimin chuan puan a tlawh thlak leh thin avangin a khat tawkin ka sinthat tir reng a, ka muhil dawn siar siar tawh tih ah chuan Jimin chuan min rawn kuah a, a kut atangin engemaw ni hi ka mutna bulah chuan a rawn tla thla nawlh a, ka en vat a, sana kha alo ni. La kangin ka mutna bula dawhkan chungah chuan ka dah a, mutthilh tumin ka chhingzui ve nghal a.

Next morning

Jimin's pov :

Ka tuihal leh zunchhuak lutuk chuan min tiharh a, luna burin ka thochhuak a, khumah thuchungin ka chal dawmin ka kun vang vang a.

Ka phone a rawn rik avangin muangchangin lukham chunga ka phone chu ka ban a.

📲 : "Aw.. Kook..?", (ring vak lo chuan ka ti a).

📱: "Khawnge i awm?", (a rawn ti nghal tawng a).

📲 :"Khawnge i awm a? Tun ang hunah khawnge awmse min tih a.. Inah ka awm ang chu, ka tho chiah".

📱: "Dawt sawi suh!! I nuin min rawn phone zo chiah, "i bulah a awm em?" a rawn ti.

A tih chuan ka harh deuh kawkin ka hria. Ka mit chu ka lenkual a, ngawi teh hei hi.. Hei hi ka room ani hauh lo!! Kei hi khawnge ka awm? Tuna ka awmna hi ka la kal ngai awm pawh ka hre lo.

Chutah ka sir lamah chuan mihring che thawm hi ka hria a, ka hawiphei vat.

Ka phu zawk mai!

Suga hyung maw?!

"Suga..", ti chuan ka phun sap a.

Khum atanga thawhchhuah tum chuan blanket chu ka'n hlim dawn a, Vest (tawnzau) nen maw ka mut a! Ka ban chu ka en a, ni e tawnzau nen ka mu ani. Tawnzau nen chauh ka mu ngai silo a.. Mak ti angreng tak chuan ka blanket chu ka hlim a, chutah a aia mak ka tih lehzualna turin boxer nen chiah ka lo mu leh! Mahni inah pawh vest leh boxer chauh hain ka mu ngai lo hrim hrim! Enge ka chungah hian thleng ang? Mahse Suga hi hetiang tiduhmi anih hmel siloh, mahse amah nen kan mudun chu anih ngei hmel si.

Ka va hrethiam lo em!

Suga hyung chu a rawn thochhuak a, meng tha mang lo chuan ka lam a rawn hawi a, "i tho tawh ni maw Jimin-ah.. I mutui em?", a ti a, ala ham bai bai zui a.

"Suga hyung, khawnge kan awm?", a zawhna pawh chhang lo chuan ka zawtlet a. Mak tih hmel taka min enpah chuan,

"Ka room ah kan awm. Nizana ilo riah kha i hre tawh lo mi?", a ti ta mai a!