PLAYER | yoonmin | (mizo)

27.Promise

"Hyung, dak rawh dak rawh", ka sawi ang chuan a dak a, mahse a thi hnem reuh phian. "Lo che suh aw Suga hyung, lapua ka'n la ange", lapaw la tur chuan ka kalsawn nghal a, ka thil bawm vel chu ka hai chiam, ka hmu silo, ka thawmhnaw bawm chu hawng leh in a hmaa ka dahna thin ah te chuan ka en a, ka hmu chuang lo. Ka haina lamah eng engemaw a tla tawp tawp bawk a, ka enzui hman lo.

"I hmu dawn tawh em?", la dak reng chung chuan a rawn ti a.

"Eomma te room-ah ka zu en lawk ange, tikhan lo la awm hram hram rawh", tihleh tlanchhuah ka rual a.

Eomma te room ah chuan ka lut a, alo thim vek avangin light te chu ka on a, an khum bula drawer lam chu pan nghalin a hnuai lampang chu ka hawng nghal a, lapua chu alo awm ngei e, rang tak chuan ka la a, ka room lamah ka tlanchhohpui nghal a.

Room ka luh chuan Suga chu alo la dak reng a, ka nui huk.

"I va rei ve", alo ti nghal a.

A hnar chu ka hruksak mawlh mawlh a, "dak tawh suh", muangchang chuan a rawn kun a, min en nghal run mai.

Min enkur tih ka hriatna chuan tlemin min ti che khawr deuh a, a hriat mai lohna turin ka in-control nasa hle.

"Jimin?"

"Uhhh??", ka en zeuh a.

"Tha i van ngah em em!", nui hauh silo chuan a rawn tichhuak a. Ring takin ka nui chiam!

"E-engmaw hyung? C-chu chu engtin nge i sawi theihh??", nui huah huah chung chuan ka ti a. Min chhan pawh tum lo in ka nui chiam chu ngawi rengin min lo en ringawt a. Keilah ka nuih aza tulh tulh mai si, a hnar ka tih thi vangin Tha ngah min ti nia.. Khumah chuan nuichungin ka letthla tawp a.

"I la hru zolo nia, fai deuhin hru rawh", a rawn tih chuan ka tho a, la nui hak hak chung chuan ka hru leh a.

"A fai tawh e", ka lapaw hman ho chu ka lakhawm a.

"Vawikhat lo hru leh lawk teh". Kalsawn ka tumlai chuan a rawn ti a.

"Hyunggg.... A fai tawh ka tih chu, i duhleh darthla...", ka tihlai mek chuan ka banrekah na deuh tak hian a rawn pawt thut a, ka lo inring silo, au that pah chuan alamah ka hawi dawrh a, ka va bawh deuh rawk rawk a. Mahse ka innemkhalh hman a.

Hnuailam atang chuan min melh run a, keiin ka chhuken bawk a, inhnaih tak kan ni.

"Hyung...".

"Ka hnar i ti thi bawk sia, min ngaihsak ka ngai viau ang".

"Awle, awle ka theihtawpin ka ngaihsak ang che".

"Engtin?", thawh ka tum chu min pawt a, ka hmui chu a en a.

"I hre mai dawn lawm", thawh chu ka tum leh a, a hma ang bawk khan ka banah min pawt leh tho a chu a pawtna lo bawk a, ka thawhsan thei ta a.

Khum bulah chuan ka ding renrawn a, ani pawh a awm dan ngai reng chuan a awm a, a tawng lo a, a che hek lo. Ka va en chuan min lo en reng a, ka hawisawn leh vat a.

"Sawi duh i nei mi Jimin-ah?".

"Engtiang chiahin nge min puih i inhuam Suga hyung? Ka sawi awmzia chu ka buaina hi reh se emaw, lo awm miah lo pawh nise tiang hian i awm tho angem? Aa.. I awm chu ka ring chiah lo, m-mipa pangngai tak i ni si a.. Tunah pawh i awmdan hi ilo ning ru hle tawh anih pawn ka chelh thei hauh lo ang che. I duhthlanna ani. Mahse ka mamawh hun laia ka tana i awm reng thin erawh ka lawm khawp mai", ka ti a, enge ka sawichhan pawh ka hre lo. Ka rilruah min kaptu a awm nia ka hriat vang ani ber.

"Ning hmel ka pu em ni Jimin-ah?", rawn thawh pah chuan a ti a, khum tlangah a thu a.

"Chutiang zawngin ka sawi lo Suga hyung. Mipa rilru pangngai takin k-kei ang min pui duh hi rin harsa ka ti ani. Tam takin an theihloh tur thil ani a, ka sawmlai che khan lo hnar pawh nila keichuan ka dem hauh lo ang che".