PLAYER | yoonmin | (mizo)

12.School

Suga haw hnu chuan mu turin ka room lam ka pan nghal a, Suga kha engvanga naktuka class min thlah tura sawm ngawt nge ka nih ka hre lo. Thla khat dawn kan chawl tawh a, class han kal leh thut chu a peihawmloh ngei mai.

A tuk zingah chuan hma takah ka harh a, shower nei nghalin ka zawh hnu chuan ka insiam nghal a, ka phone ka en chuan Jungkook missed call alo awm leh tawh! He pa hi mi hmanloh veleh hian alo call a, sawitur pawimawh em em nei silo hian.. Mi hi chu a ngai ve ngawt mai ka ti rilru a.

Bag la tura ka dahna hmun ka hawng chiah chu engemaw hi a rawn tlachhuak nawlh a, ka en vat a, sana alo ni.. Ka en vang vang hnu chuan ka chhar a.

***

*"Minnie, hei hi la rawh.. Ka lo let leh thleng pawn ilo la nei ang tih min tiam rawh", Boyfie chuan a ti a, a kutah sana a keng bawk.

"H-hei hi ka ta tur maw?".

"Umm anih hi.. La rawh.. Khawi ka lo buntir ang che", ka kut chu ala a, sana chu min buntir a.

"He sana hi kan inkar tinghettu lo ni se la, ka lo kir leh hma loh chu tihian lo bun char char la, a tul tawpah lo chuan phelh miah lo la, i hmuh phakah awm reng se la, chuan i bun apiangin i kiangah ka awm reng ani tih hrereng la, i hmuh apiangin min hrechhuak thin dawn nia", a ti a. A mitah chuan ka en a, ani pawn min en a.

Min buntir zawh hnu chuan ka lawm e ka ti sap a. Eng engemaw kan sawi chhunzawm a, Boyfie hi he school-a kan senior a ni a, kumin hian an batch hi an chhuak tawh dawn a, he school ah hian thla li chiah hun an nei tawh ani. A graduate chuan ramdangah thil zirin a awmbo nghal dawn a, chumi vanga he sana hi min pe pawh ani.

School rooftop ah chuan kan awm reng a, vawiin hi kan school in half holiday kan neih vangin student zawng zawng chu chawhma/chhun lamah an haw vek tawh a, Boyfie nen hian rooftop-a inhmuh tum kan nih avangin kan la haw ve lo ani.*

***

"Bawiha i hman dawn tawh em? Breakfast ka peih tawh nia", eomma chuan ka room kawngka kik pah chuan a ti a, ka ngaihtuahna atangin ka harhchhuak zawk.

"Awle ka lo chhuak e", tihleh ka kuta sana chu ka kekawr ipteah ak sawk sawkin ka bag chu ka la a, inhnuai lamah ka chhukthla nghal a.

Hmamhmawh takin breakfast chu ka ei zung zung a, ka lo hmanhmawh viau ni tur ani eomma chuan, "khai bawiha i va hmanhmawh ve i hak anga sin ei muang deuh rawh", a rawn ti hial a.

"Eomma vawiin chu kal hma tur ania, ka hmanhmawh deuh alawm", ka thil ei helh thla awl awl chung chuan ka lo ti a.

"Tui kha in vat rawh, khati te chuan i hak takngial dawn", eomma chuan a ti a, ngawi reng chuan ka in ve mai bawk.

Ka ei chak bawk a reiloteah ka eizo thuai a, ka eizawh veleh ka bag chu ka la a, "eomma appa ka kal ania", tiin min chhanna pawh nghak lo in ka chhuak nghal a.

Kan inkawtah chuan school bus ka lo nghak a, ka nghah chhung chuan ka kekawr iptea ka sana ah chu phawrh chhuakin ka bun nghal mawlh mawlh a. Ka bun zo chu bus pawh alo thleng chawpchilh ve nghal a, ka lut a.

School ka thlen chuan Jungkook ka phone a, ani pui hi thawh a hai mawnile phone reng reng chhang thei lo mai, tiin ka phun ru mawlh mawlh a, classroom lamah chuan ka lut a.

School hallway-a ka kal lai chuan min rawn call back a, alo kal mek thu leh gate-a amah lo hmuak tur chuan min rawn ti deuh deuh a, peih lo tak chuan school gate lamah ka let leh a.

Ground ka thlenphei chuan kan junior hmeichhe pakhat leh a thiannu hi min tawk zawngin an lo phei ve chiah a, hmeichhia nena inhnimhnaih ka duhloh avangin zahzelah ka phone chu ka bih daih a.

Ka zawn an rawn thlen chuan ka hlauh ang ngei ngeiin pakhat zawk chuan ka awma min rawn sut dawt pah hian, "ohh! ka tihpalh lutuk, kawng ka lo en lo a", tih pah chuan a kun a.

"A pawi lo e". Min rawn sului tih hre tho mah ila ka kun ve a. A ruk tak chuan ka nuih aza lo hle.

An kal lehnghal mai dawn emaw ka tihlai chuan a thiannu zawk chuan, "kan tihpalh tak tak ani, kawng kan lo en lo a, lehpekah chuan a thleng tawh miah lo ang", tih pah chuan a kun tha ve leh a, chhang zui tawh lo in a mawiah ka nui a, ka kalsan ta a.

Gate ka thlenphei chuan Jungkook pawh alo lut ve chiah a, kan piaha hmeichhe thenkhat ho chu an awmdanah an lai lehpek hle ani tih ka hrethei, ei lo tak chuan Jungkook lam chu ka pan a.

Class kan luh hnu thleng pawn zinga hmeichhe pahnih te kha ka rilru ah an awm reng a, khatianga min rawn sului tur khan ka lakah eng rilru nge an put ang tih mawlh ka ngaihtuah.

Jungkook chuan min rawn nghawk zeuh a. Hawipheiin ka mitko san ak chuan enge tih ka zawt a.

"Kha kha.. Engvanga rawn bunchhuak nge i nih?", tih pahin ka bana ka sana bun chu a rawn melh zeuh a.

"Vawiin bak ka bun tawh dawn hleinem".

"Bun bun a ngai tawh lo Jimin-ssi, nge nia ani kha hriatreng ila duh zawk?", thutak fe hian a ti a.

"Ni lo Kook, vawiin hian hethil hi ka thehbo dawn alawm, a tawpnan ka bun anih hi".

Class laklai chuan ka phone chu a rawn vibrate der der a, a rukthei ang ber chuan ka lachhuak a, Suga hyung call alo ni. Aw nitak e! Nizan khan min thlah turin ka sawm tak, keilah chuan ngawi rengin ka kalsan leh daih bawk si, min thlah turin ka sawm tih ka theihnghilh chiang hle ani. 

Message chuan thupha chawina ka va thawn ta ngawt a.

"Tunge?", Jungkook chuan ka phone a rawn bih a.

"Suga hyung ania, vawiin hian min thlah turin ka sawm a, ka lo theihnghilh daih a".

"Nang hi, he pa i hriat atang hian min thlahthlam riau", ka bekah a kutzungchala min kawh sawk pah chuan a ti a. A nihloh zia hrilh chiam mah ila hepa hian a awih duh leh tlat tawh lo.

Lunch eitura hall lam kan panlai chuan zinga hmeichhe pahnih te kha min tawk zawng bawkin an lo kal leh a, Jungkook bulah chuan zinga thil thleng te chu ka hrilh a.

Kan bul an lo thlen chuan Jungkook chu an kalna turah tak chuan a ding a, kalsawn an tum chuan an hma ah a ding zel a, tiang chuan kalsawn an tum apiangin an hmaah tak chuan a dinkhalh zel a, a ngaihna an hre lo dun hle a. Kan piaha Jungkook lo ngaizawng rutu te chuan chutianga Jungkook in hmeichhe pahnih a chhaih vellai chu thik hmel takin an lo en thap hlawm a.

"Jungkook-ah.. Kal tir mai mai teh. Anni chu zingah khan ka ngaidam vek tawh alawm. Kalsan teh ang ka ril atam tawh ania", ka kekawr ipte zen ap chung chuan ka ti a.

Jungkook chu chung hmeichhe pahnih beng bulah chuan a kunhniam a, "ka thianpa hi lo tibuai tawh suh ang che u, anihloh chuan school pum pui hmaah hian ka tizak ang che u", a ti sa sa a. Hmeichhe pahnih te chuan a ngaihna an hriatloh hmel hle. Ngawi reng chuan an ang ka ho a.

"Duhtawk teh", tihpah chuan a banah ka pawt sawn a, hall lampanin ka pawt phei a.

Jungkook hian hmeichhia hi engatanmah a ti lo a, amah star ve tute hi han biakthat ai chuan a tizak zawk thin a, tiangmi hi a nih avangin a luck rual rual hian amah ngeitu pawh hi an awm ve nuk tho ani.

Lunch eizawh chuan classroom lam kan pan lehnghal a, Jungkook erawh toilet-a luh a duh avangin classroom ah ka luhsan thung.

Ka thutna atanga tukverh lam ka hawithla mai mai chu tu emaw hmuh ka nei tlat mai! Ani pawh chuan min rawn hmu tih hriat takin ka lam a rawn hawi a, min rawn en ve ni tlata hriatna ka nei. Kawr dum vekin a inthuam a, mask dum a vuah bawk. A pumrua chu ka hriathnu ang ka ti hle a, mahse anih loh hram ka beisei.