PLAYER | yoonmin | (mizo)

26.Awkward

Suga leh Jungkook chu an inmelh no vak lo dun viau. Zahzelah an awmdan chu haiderin, "lo kal rawh Suga hyung, i va bang hma ve?", tiin Jungkook bulah chuan ka thu a.

"Am.. Nia. Boss a phur thut alawm le. Jungkook-ah, i awmna a rei tawh em?", a dinna ata chu a pensawn a, a thu nghal bawk.

"Rei em em lo e", Jungkook chuan tiin thudang sawi tum lo tih hriatzetin a kut chu a tukhumah a dah a, a ngawizui hmiah. Boruak chu a rih luk loh nan engemaw tal ka tih a ngai.

Suga chu ka en a.

"Suga hyung dinner ei ve nghal rawh aw?, min chhan hmain choka lamah ka phei daih a, choka ka luh chuan, 'tinge an inhmuh kher le, boruak tha lo an siamloh hram ka beisei' tia phunru mawlh mawlhin eitur chu dawhkanah ka chhawp a, Suga alo lut ve chiah.

"Jimin, ka lo va hawphei mai ang". Suga ka bulah chuan lo kal hnaiin, ka thiltih laklawh lai chuan ka hnunglam atangin ka kawngah a rawn kuah a, ka lo ip chawih.

"Hyung..". Ka ti hman chauh.

"Shhh..", a ti a, ka ngawizui vat.

Tawng loa kan awmlai chuan Jungkook a rawn lut a, chuveleh Suga min kuahbehna chu phelh ka tum nghal, mahse a kut ala thla duh miah lo. A lam chu ka hawiphei a, hmuiphunin, 'min thlah rawh!", ka ti sap a. Jungkook chu a en zeuh a, min thlah a.

Jungkook chuan, "Jimin-ssi ka eilo mai ang, naktuk class rawn tlai suh aw, zanin pawh mengrei lo la", tihpah chuan Suga a melh zawk a, Suga pawn a en ve reng a, khathu kha chhan neiin a sawi tih ka hrethiam mai.

Jungkook chu chhan pawh ka chhan hma in a kal zui daih a, ka en vung vung ringawt.

Chutah Suga a la awm tih hrechhuak thutin alam chu ka hawi vat,

"Tinge khatia min rawn kuah kher a?", thinrim ni hauh silo chuan ka ti a. Ngawi rengin min rawn pan a, min hnaihchilh tak chuan a ding,

"Ka hnaih thei lo che mi? Ka kawppui ka hnaih thei lo ang maw", min enrun mai a.

"Hyung chu chu ka sawitum tak ani lo, Jungkook kha..".

"Ani chu i va care ve? Engmah ala hre lo zawk ami?", ka tawnglai chu min rawn pawtchat a.

"Chutiang nilo e", ka sawitur hre lo chu ka mengkual zak zak.

"Riahpui leh i ngai em?", nuihza hmelpu lek lekin min zawt a.

"I hman tawh loh chuan a ngai tawh lo", namsawn pah chuan ka ti a, frige lam ka pan a, a nuizui hak chu ka hre lo der a.

Chair ah chuan ka thu a, Suga chu a dinna ngaiah ala din reng avang chuan amah chu ka en a,

"Tinge? Lo thu ta che", en hu pah chuan ka ti a. Ngawi rengin a rawn thu ve mai bawk.

A thil lo ken chu ala chhuak a, "ka ei teuh tawh a, hei hi chu i ta tur liau liau a ka rawn hawn ania, eizo vek ang che", a tih chuan ka lo nui chiam.

"Enge? Tinge i nuih vak a?".

"A len em hi hyung. Engtin nge mahni in ka eizawh vek theih anga", ka sawi zawng pawh chuan ka la nui a, ani pawh ri mang hlei lo in a nui ve suk suk a.

Eng engemaw sawi zuiin dinner chu kan eidun a, Jungkook lam reng ka hrechang tawh lo.

Kan eina te ka tihfel zawh hnu chuan ka phone ah chu phawrhin Jungkook call ka tum a, switch off a inti ve tlat, a phone a thi anih ringin ka call nawn zui duh ta lo a.

Choka atanga ka chhuah chuan thatchhe zeta thuthlenga Suga lo thu muthlu chu ka hmu a, a mutdan position chu a laih em avangin ka nui hak a, athla chu ka lak ruksak a, a chau hle anih dawn hi tiin a bulah chuan ka thu a.