PLAYER | yoonmin | (mizo)

04.Dress up

Zing karah chuan ka phone ri in min tiharh a, sana ka en chuan dar 6 chiah chiah alo ni. Min lo call tu ka en chuan ka ner sak a, he pa hi tukdangah phone thawh a har har nen, tukin chu engemaw a hriat ni. Sawi tur a nei leh tawh ni ngei ang.

📱- Hello?

👤 - I la tho nange? Kan kal dawn lo mi?

📱 - Nizan ka mengrei deuh a, tukin chu thulh mai ila..?

👤 - Ka insiam vek tawh asin, van ho tak!

📱 - Nidangah ni mai

👤 - Intiam rawh

📱 - Ka intiam e

He mihring hi a duh dan dana awm tur hian min ngai a, kei aiin naupang lo se chu ka dim vak tawh lo ang mawle, ti rilru mawlh mawlh chungin khum atang chuan ka thochhuak a, inhnuaiah breakfast ei turin ka chhuk nghal a.

Choka ah chuan eomma chuan breakfast tur alo buaipui mek a.

"Good morning eomma"

"Good morning bawiha, i va tho hma ve?"

"Nia ka ril a tam deuh a, eomma khawnge appa hi?"

"Exercise la turin a chhuak a, a rawn let leh tep tawh ang"

Chhang zui tawh lem lo in chair chu ka pawtchhuak a, ka thu zui nghal a. Eomma chuan toast egg topping leh bawnghnute chu ka hma ah a rawn chhawp a, ngawi rengin ka ei a.

Ka eizo chiah tihin appa pawh a rawn haw a, eomma nen chuan breakfast chu eidun nghalin kei erawh chu cafe lama kal ka ngaih avangin insiam turin room ah ka chho a.

Mipa mah ni ila kekawr tight lam hi ka ngainat avangin ka jeans zinga ka duh ber mai chu ka la chhuak a, shirt lian lam nen chuan ka inbel a, converse ka bun bawk. Adidas bag, ka ngainat em em bawk chu ka ak leh a, ka inpeih chu ani der.

Room atang chuan ka chhuak a, eomma chuan thleng alo sil mek a, appa nen ka bye bye hnu chuan in chu ka chhuahsan a, anni chu chawhnu lam daihah an lo kal ang.

Cafe ka thlen chuan hnathawk ho chuan min lo wish sap sap a, ka thutfel hnu chuan tuk tina ka in thin Americano tak tha zet mai chu ka inchhawp fel leh ran tawh. Ka phone khawih pah chuan ka in a.

Vawiin hian kha mi maka kha alo kal angem aw tih ka ngaihtuah pah mai mai bawk.

Ka in zawh hma deuh chuan customer an lo kal a, hmeichhe tleirawl pahnih niin pakhat zawk chu a zahzum hmel viau lehnghal. An thutfel hnu chuan order la turin an thutna lam ka pan ve nghal a.

An thil order chu ka ziak thla a, kitchen lam ka pan a. Ka let leh lam chuan customer dang rawn luh belhin vawiin pawh nidang ang tho in kan buai leh map map dawn a ang hle.

SUGA's pov :

Ka inkhelh lohna a rei tawh bawk a, ka chau ve hle mai. Zanah Jae Chang nen Pub ah kan kal a, intihthawven ka duh vang ani pakhat. Zanlai thleng kan awm a, ina kan haw hnu in ka intifai a, mu chunga phone khawih ka tum chu ka phone a awm hauh lo. Pup ah khan kan theihnghilh anih ka ring a, mahse phone ka phawrh miah lo tih ka hrechiang bawk si.

Aw! Ni tak! Tlai lama cafe kan chawlhna ah khan ka theihnghilh ani ngei ang. A tuk lama va ngaihven turin ka mu ta kha nia..

Zing ah chuan hma tak ah ka harh a, ka harh laklawh tawh chuan ka muhil thei tawh ngai lo. Peih lo tak chung chuan ka thochhuak a.

Choka ah chuan eomma hi thingpui in pahin chair ah alo thu a, chanchinbu alo bih mek bawk.

"Bawiha i va tho hma ve, tihtur i nei em ni?", eomma chuan min hmuh veleh chuan alo ti a. Ka thawh hma chuan tihtur ka nei amaw an ti ziah.

"Nei lo e eomma, ka muhil thei tawh lo a.."

"Thingpui emaw coffee emaw i duh em", a tih chuan coffee ka duh thu ka hrilh a, a siam nghal a.

Ngawi reng chuan ka in a.

Breakfast chu hmanhmawh lo takin ka ei a, ka chhungte chhuah hunah keipawh ka phone ngaihven turin ka chhuak ang.

Ka chhungte an chhuak chiah maw tihah insiam turin ka room lam ka pan nghal a, bodyfit bantlawn dum chungah shirt var lian tak ka ha a, ripped jeans pawdal chu ka ha bawk, converse ka bun a, lukhum ka khum bawk. Ka inpeih veleh ka chhuak nghal a.

Ka bike uluk taka ka enkawl thin chu garrage atangin ka la chhuak a, chak takin ka ving chhuak nghal a.