PLAYER | yoonmin | (mizo)

45.VIP

Jimin's pov :

Yoongi hyung nen bul kan tan ve ta mai chu rin harsa ka la tiin ka la ringhlel rum rum mai. A chhan chu a hriat tirh ata a reh nghal vang vang kha nia, min hre tawh lo ang hmaka a awm hnuah tun hun kan thleng leh si hi ka tan chuan thil danglam tak ani.

Cafe atanga Yoongi'n min thlah zana Yoongi rawn tibuaitupa thusawi kha a mak hle mai. Mr. Choi tih te kha a sawi a, Yoongi min hrilh thin, an thenawmpa pu Choi-a kha ani thei angem? Mahse ani chuan enge tihsual a neih tak ang? Yoongi kha thinrim hmel si a, thil awmzia pawh han zawh chi ah ka ngai lo.

***

"Enge ni a?". Jungkook chuan ka dawhkanah lehkha hi a rawn dah a.

"Thla thar hian Seoul ah Contemporary dance competition a awm dawn a, ila hriat loh ka ring a, nizan khan club ami advertisement an tarchhuah ka rawn hawnsak che nih kha". Jungkook chuan tiin, ka piahah thuthmun a rem a, lehkha chu ka chhiar chiang a.

"Kook, ava tha ve! A rem chuan tel ve ngei chi anih hi, ka lawm e min lo pek vangin".

Jungkook chu a ngawi deuh reng a.

"Jimin-ssi, tunah hian i hlim ve tawh tak tak em?". A ngawih reng hnu chuan a rawn ti a.

"Engtia hlimin maw? Ka hlim sa reng alawm Kook". En zeuh pah chuan ka ti a, kartir lam khan class kan tan leh tawh a, tunah pawh classroom-ah kan awm mek a.

"Jimin-ssi, Yoongi bulah hian i hlim reng theih i inring em?". Jungkook chuan serious deuh hlek a min enpah chuan a ti a.

"Kook, engthu nge maw i sawi le..? Yoongi hyung te chu misual ani lo tih i hriat kha, bakah i tan pawh thian ani tawh a, amah rinlohna tur a awm viau em ni?".

Jungkook chu a rawn nui hak a.

"Awm lo e Jimin-ssi. Ni e, i hlimpui chuan a tha vek mai lawm! I hlimna kha a pawimawh ber a, i hlim hi lawm ka duhpui ber che ni! I hlimna chu lo dal ka duh lo, nangber i hlim chuan a tha vek ah ngai ang".

Ka chhan hma chuan students an rawn luh avangin kan ngawi ta a.

Break-ah chuan toilet ah Jungkook nen kan inzui lut a.

"Jungkook, Yoongi awm tawh mah se nang chu a tir atanga ka kianga awm reng i nia, ka kianga awm reng tur pawn ka duh che, midang an awm tak vang khan nang hi ka thlauhthlak phah dawn reng reng lo che. Chu chu i hria tiraw?". Ka bulah Jungkook chuan kut a sil mek a.

"Ka hria e, ka hria e". A kut huh chu min rawn pen per a, nui hakin ka kut chu tihuh ve nghalin a tih ang chiah chuan ka ti ve a.

SUGA's pov :

"Engtin nge kan tih ang? Kan chungah thil tha lo tak thleng ta se..". Step tawp ber ka thlengthla chiah tih chuan eomma tawng ri ka hria a.

"Eng em ani lovang, lungngai lo phawt ila". Appa chuan a ti a.

"Mahse kan--..", eomma in a tihlai chuan ka lo ding reng chu min rawn hmu a. "Y-yoongi bawiha, i-i thawhna a rei tawh em?".

Eomma awmdan leh a tawng bah deuh nawk nawk chu mak tiru hle mah ila a hriatah chuan ka tilang duh lo a.

"La reilo e". Eomma pawh en tawh lo chuang lo chuan ka chhang a, choka ah ka lutzui a.

Breakfast tur ka buaipui lai chuan eomma chu choka ah a rawn lut ve a, min rawn siampui a.

"Yoongi bawiha, vawiin chu i pa nen hian chhuah lawk kan ngai a, i hna--".

"Khawiah nge ni eomma? Eng tiin nge ni a?". A tawnglai chu ka lo pawtchat a.

"A.. A nihna takah chuan i pa chauh hi nia, mahse ka ngaihtuah vangin ka va kalpui dawn a..". A sawi zawh chuan a kun nghal daih a. Eoma awmdan hian ka ngaih a titha chiah lo.