PLAYER | yoonmin | (mizo)

11.Dinner

Jungkook nen chuan chawhnu pum chu project tih nan kan hmang a, an inah chuan dinner ei nghalin Jungkook chuan riak turin min sawm nghal a, mahse nilengin in kan chhuahsan tawh thua chhangin ka hnial thei hram a ni.

Jungkook te in ka chhuahsan hnu chuan muangchangin in lam panin ka inkhalh haw a, hmanzana Suga nena kan soju in na ka tlanpelh lai chuan kha mihring vanga ka ruihzia kha hrechhuakin ka khi suk a, tunah chuan a hlim tawh hle ang chu, tiin thildang ka ngaihtuah zui daih a.

Thil ngaihtuah mai mai paha ka tlanlai chuan kawngah Suga ka hmuh thut avangin kawngsir lamah chuan ka ding a, ka au nghal a.

"Suga hyung? Suga hyung..", a rawn hawiphei chuan mak a tih hmel hle.

"Jimin nang maw? Helaiah enge i tih a?, min rawn pan pah chuan a ti a.

"Jungkook te inah dinner ka ei a, enge tun ang hunah te helaiah i tih zawk?".

"Hna ka bang chiah a".

"Ohh, i va bang tlai ve, dinner pawh ila ei lo tihna ni ngei anga, hyung, i ril ava tam duh awm ve?".

"A.. Tam lo e, in ka thlen hunah ni tawh mai".

"Hyung, heta tangin kan in a hnai tawh tho a, lo kawi la kan inah dinner chu ei mai la? Eomma leh appa te an lo la haw mai dawn silo, keimah chiahin ka awm leh dawn a", tiin ka sawm a.

"Ka lawm e Jiminah. Mahse ka haw ngei angai a..", a tih chuan dawt a sawi tih ka hre thei.

"Ka ti tak tak. I ril a tam tawh hmel si.. E tian ti ang, departmental store-ah kalkawi ila, ei tur kan lei haw nga", ka tih chuan a nuichhuak hak a. 

"Enge?", hriatthiam loh hmel tak ka ti sup.

"Engmah nia. I thilsawi dan vel kha a naupangchhiatthlak lutuk a".

"Naupangchhia chu ka ni tawh bik lo ania aw", tihpah chuan ka nui ve a.

Ka sawm tak tlut tlut avangin a hnuah chuan a pawm ve ta a, eitur te kan lei zawh hnu chuan kan inlamah kan inkhalh phei a, ka phone a rawn ri ve chiah. Jungkook alo ni.

📲 : "Aw Kook?"

📱 : "Haihawtpa! I project hi naktuka rawn dah turin min duh mi a? Ka khuma hi ala let bal ania".

📲 : "Aw ni tak!! A via zia lo.. Ok. Naktukah ka rawn lam ang, tunah chuan ka rawn let hman tawh lo, Suga hyung nen kan nia, a hmanhmawh a.."

📱 : "Hey nang hi!"
(a rawn tih chuan a sawi tum ka hrethiam mai).

📲 : "Aih.. Aih chutiang ani lo. Anih Kook, ka dah phawt aw.."
(tiin Suga hritthiam hma chuan phone chu ka dah ta daih a, Suga ka va melh zeuh, vanneihthlak takin pawnlam alo en a).

In kan thlen chuan Suga hyung chuan kan eitur leiho chu a khai vek a, khaipui ka tum chuan a phal tlat lo a.

"Jimin-ah in in nei nuam hle mai", Suga chuan a ti a.

"I va ti lawmawm ve hyung, ka han inthlak lawk anga eitur chu ka rawn siam ang, i duh duh kha lo ti rawh..", tihpahin room lamah inthlak turin ka chhohsan a.

Ka inthlak sawk sawk a, ka zawh veleh inhnuaiah ka chhukthla nghal a, Suga pawh living room atangin alo phei ve chiah bawk.

"Suga hyung i ril a tam tawh em? Kan siam thuai thuai ange aw", tih pahin ka che sawk sawk a, "ka lo pui ang che", a ti a, min rawn pui a.

Kan ngawihdun vang vang lai chuan, "Jimin-ah i tha tawh em?", a rawn tichhuak hlawl a, hmanzan ka ruihzan ami kha a rawn sawichhuak tih ka hrethiam mai.

"Umm ka tha tawh lutuk. Khatiang em em khan ka in ngai lo sin le, a zialo khawp mai".

"Pawi ti duh suh. Khatiang ngaihchang te pawh kha a awm ve alawm, inthlahrung duh reng reng suh. Ka hrethiam lutuk che nia.."

Chhangzui tawh lem lo chuan dinner chu kan eizui a, kan eikham meuh chuan dar 9:15 a lo ri der tawh.

Thlah tuma ka in buatsaihlai chuan, "Jimin-ah thlah ka ngai lo ania, dinner min eitir a ka lawm lutuk", a ti nui sen sen a. Ngawi rengin ka lo enkar..

Taxi chu changin karloah alo thleng a.

"Anih ka kal phawt ange.. Kan inbe zel dawn nia, muttui phawt le", tih pahin a kut chu a vai zeuh a, luh a tum tawh chu, "Suga hyung?", tiin ka ko a, " naktuk ah min thlah thei angem, class?", ka tih chuan mak a tih hmel hle, mahse "awle, min lo call dawn nia", a ti a. A tlan liam thleng chuan ka thlirzui a.