PLAYER | yoonmin | (mizo)

40.Apartment

1:30 p.m.

Jungkook nen Mart-ah mamawh lamin kan kal a, ka birthday pawh a hnai ve tawh hle. Jungkook chuan midang telloa kan pahnih chauha lawm a duh thu a sawi a, tunah chuan ani (jungkook) chauh hi ka kianga awm ani tawh a, ani lo chu ka bula hun hmang tur dang an awm chuang lo.

"Jimin-ssi, naktuk zan chu min lo zui la, pole dance rawn show ta che", nui deuh var varin a ti a, in kan thleng chiah a, kan thil leite kan phawrh mek a.

"I zai tihloh chu sawlaia rimawi hrim hrim ho saw ka ngaina tehchiam lo asin", fiamthu chuan ka lo chhanglet a. Khang music ri mup mup te kha va tem leh ka chak tawh lo.

"Vawi khat i rawn lam phawt chuan i zawngchhang dawn tih ka sawi thei sa.."

"Thla khat i thawh tlin hunah ka rawn lam ang", tiin ka chhang a. Kook chu a nui a.

Lunch kan eizui nghal a, Jungkook chuan Suga chu hawzui mai lo turin leh hmuhhreh phah lo turin min ti a, chu chu keipawn ka duhdan ani, mahse ka thinlung hi chuan hmuh tawh rihloh vang vang a duh thung.

"Jimin-ssi hnawl i ni reng reng lo ania, tiang zawng khan ngaihtuah tawh lo la ka duh, i tana tha lo tur chu a hun takah an liam zel tih pawm zawk rawh..".

Jungkook chuan ka rilru nawmna turin thutha tak tak min hrilh fo thin.

Mahni chauha dinner ei leh tur tho ka nih avangin Jungkook chu dinner ei nghal law law turin ka ti a, mahse a hna vangin kan eihma erawh a ngai thung ang.

Dinner eikham veleh Jungkook chu club lamah a kal nghal a, mahni chauha zanhun han hman chu ka peih lo takzet, Kook kha ka lo zui daih lo ani.

Kan eina vel chu ka tifel sawk sawk a, high school ka graduate huna ka tih tur te ka ngaihtuah pah mai mai a, Kook chu zai lama kal a tum a, keichu lam lama ka kal loh chuan Police Officer nih hi ka chak ber thung.

Ka tih turte ka zawh veleh ka room lamah ka chho a, ka room-ah hian Yoongi kha a awm tamin tuna kan boruak ngaihtuah phei chuan mahni room ah nise nuam tihna vak ka nei tawh lo, Yoongi ka hriatchhuah zel vang ani.

Zanlaiah chuan thil ri dup riin min tiharh a, ka room chu alo thim vek mai. Ka lu chu kanin thawm ka'n ngaichang a, engmah ka hre chhunzawm lo. Mut leh mai chu ka tum a, mahse engemaw hian min mawlh tlat. Ka thochhuak a.

Thim hle mah se mahni room nanana chu ka hrechiangin ka hrebel hle. Thim karah chuan balcony lam ka pan a, pawn lam atanga street light eng chuan ka room thlanglam tukverh tlem a chhun en avangin balcony lam chu ka pan a.

Balcony ka thlenthlak chuan ka hawng nghal a. Ka chhuah hma chuan ka hawikual vel phawt a, engmah hmuh tur a awm lo. Enge ri dup kha ni ang tia luh tuma ka inher chiah chu ka sir lampang chhuatah chuan zawhte dum hi alo let ngat a, ka pan hnai a, ka ke in ka tawk chhin a, a thi niin ka hria.

He zawhte hi engtia heta lo awm ngawt nge anih ang? A rawn tlahlum nge ni anga miin an rawn vawm zawk? Rawn tla nise ka room awmna lai hi zawhte in rawn kal ngawt nachhan tur a nei silo, mihring thil tih nise a la awm zawk, mihring in-fit tak tan chuan ka room hi sang ve hle mah se kal harsa tak tur ani lem lo, boyfie pawh kha a rawn heta tang hian a rawn kal anih kha.

Lawkin boyfie! Hei hi a thil tih ani thei angem?!

Rang takin room-ah ka tlan lut a, zanin taka ka room thim vek chhan hi ka hrethiam lo, ka phone flashlight chu on-in inhnuaiah ka chhuk a, inhnuai lam pawh alo thim vek, kan thenawmte in chu ka enthla dek dek a, an ni erawh an lo eng pap thung.

Tunah hian tu emaw chuan min tibuai leh mek ani. Yoongi ka bula a awm hian tibuaitu ka nei ngai lo, keimaha ka awm chiah hian min tibuai thin. Kei hi enthlak reng ka ni tihna ani thei angem?